Karuthedam

ശ്രീ ഗണപതി ഗായത്രി

2012-01-10T09:39:00.000-08:00

ഓം ഏക ദന്തായ വിദ് മഹേ
വക്ര തുന്ധായ ധീമഹി
തന്നോ ദന്തിഃ പ്രചോദയാത് !!
ഫലം: ഉദിഷ്ഠ കാര്യ സിദ്ധിക്ക്

ഓം ലംബോദരായ വിദ് മഹേ
വക്ര തുണ്ഡായ ധീമഹി
തന്നോ ദന്തിഃ പ്രചോദയാത് !!
ഫലം: സര്‍വ്വ തടസ്സങ്ങളും അകന്ന്‍ വിജയം കരഗതമാകും

2011 തിരിഞ്ഞു നോട്ടം

2011-12-30T19:34:00.000-08:00

            രണ്ടായിരത്തി പതിനൊന്നിലേക്ക് തിരിഞ്ഞു നോക്കുമ്പോള്‍ നിരവധി സംഭവങ്ങള്‍ നമുക്ക് കാണാം. ഇറാക്ക് യുദ്ധത്തിന്റെയും ഒസാമയുടെ അന്ത്യവും ജപ്പാനിലെ സുനാമിയും ലോകത്തിലെ പ്രധാന സംഭവങ്ങള്‍ ആയെങ്കില്‍ ഏകദിന ക്രിക്കറ്റ്‌ ലോക കപ്പു ഇന്ത്യ നേടിയതും മുംബൈയിലെ സ്ഫോടനങ്ങളും അണ്ണാ ഹസാരെയുടെ അഴിമതിക്ക് എതിരായിട്ടുള്ള നിരാഹാരവും ആണ് ഇന്ത്യയിലെ സംഭവങ്ങള്‍.

       ധനുഷിന്റെ കൊലവെറി ലോകം കീഴടക്കുമ്പോള്‍ മുല്ലപ്പെരിയാറിന്റെ പേരില്‍ മലയാളിയെ വേട്ടയാടുന്ന രസത്തില്‍ ആണ് നമ്മുടെ തമിഴ് അയല്‍ക്കാര്‍. എന്നാല്‍ കൊച്ചു കേരളത്തില്‍ മുല്ലപ്പെരിയാര്‍ ഡാം തകരുമോ എന്ന ഭീതിയില്‍ തലസ്ഥാനം നാറുന്ന അവസ്ഥയാണ് കാണുന്നത്.

     കൊലവെറി നടത്തുന്ന ധനുഷിനോടൊപ്പം ദേശീയ സിനിമ അവാര്‍ഡു വാങ്ങാന്‍ സലിം കുമാറിന് കഴിഞ്ഞു ലുക്ക് ഇല്ലെങ്കിലും. റിയാലിറ്റി ഷോകളെ എതിര്‍ത്തിരുന്ന ദാസേട്ടന്‍ റിയാലിറ്റി ഷോയില്‍ പങ്കെടുത്തത് ശ്രദ്ധേയമായതും ഈ വര്‍ഷം തന്നെ.

    അച്ചുമാമനെ മാറ്റി ചാണ്ടി മുഖ്യമന്ത്രിയായതും ബംഗാളിലെ ആദ്യത്തെ വനിതാ മുഖ്യമന്ത്രിയായി മമത ബാനെര്‍ജി അധികാരമേറ്റതും രണ്ടായിരത്തി പതിനൊന്നില്‍ തന്നെയാണ്. എല്ലാവര്ക്കും നന്മനിറഞ്ഞ 2012 ആശംസിക്കുന്നു..

നാണക്കേടായി കേരളമേ..

2011-12-22T08:00:00.000-08:00

അവസാനം അവരും നമ്മെ തള്ളിപ്പറഞ്ഞു..പുതിയ ഡാം വേണ്ട..ജീവിച്ചാല്‍മതി..തമിഴ്നാട്ടിലെ നമ്മുടെ മലയാളി സമൂഹം ഒറ്റക്കെട്ടായി പ്രമേയം പാസാക്കി.. പുതിയ ഡാം വേണ്ട. കേരളത്തിലെ ഭരണകര്‍ത്താക്കള്‍ നമ്മുടെ വില കളഞ്ഞെന്ന് മാത്രമല്ല നമ്മുടെ ജീവിതവും അതിര്‍ത്തിക്കപ്പുറത്തുള്ള നമ്മുടെ മലയാളികളുടെ ജീവിതവും ദുസ്സഹമാക്കി.
നയതന്ത്രപരമായ നമ്മുടെ സര്‍ക്കാരിന്റെ വന്‍ പരാജയം. തികച്ചും അത്യാവശ്യവും എന്നാല്‍ വളരെ പെട്ടെന്ന് വേണ്ട ഒരു പരിഹാരത്തിന് വേണ്ടിയും ജീവന്‍ നിലനിര്‍ത്താന്‍ വേണ്ടി ദാഹിച്ച സമൂഹത്തിനു ഒരു പരിഹാരം കിട്ടിയില്ലെന്ന് മാത്രമല്ല അതുകൊണ്ട് ധാരാളം ദുരിതവും അനുഭവിക്കേണ്ടി വന്നവരാണ് നാം മലയാളികള്‍ എവിടെയാണ് നമുക്ക് പിഴച്ചത്? നയതന്ത്രത്തിലോ അതോ വാക്കിലോ? അതോ പ്രവര്‍ത്തനത്തിലോ? ശരിക്കും എല്ലാ തരത്തിലും നാം പരാജയപ്പെട്ടിരിക്കുകയാണ്. ആദ്യമായി നമ്മുടെ ശക്തിയെ കുറിച്ച് സംസാരിക്കാം. പിന്നെ നഷ്ടങ്ങള്‍...
അടുത്ത പ്രധാനമന്ത്രിയാവാന്‍ സാധ്യതയില്‍ ഉള്ള ഒരു വ്യക്തി നയിക്കുന്ന പാര്‍ട്ടി ആണ് ഇന്ന് കേരളം ഭരിക്കുന്നത്‌. കേന്ദ്ര മന്ത്രി സഭയില്‍ കേരളത്തിന്‌ ഇത്രയധികം സ്വാധീനം ചെലുത്താനുള്ള ഒരു സമയം ഇതിനു മുന്‍പ് ഉണ്ടായിട്ടുണ്ടോ എന്ന് സംശയം. ലക്ഷക്കണക്കിന് പേരുടെ ജീവന്‍ എടുക്കാവുന്ന ഒരു അപകടം തടുക്കാന്‍ കേന്ദ്രത്തിനു ബാധ്യതയുണ്ട് എന്ന വസ്തുത. കേരളം ഭരിക്കുന്ന അതെ പാര്‍ട്ടി കേന്ദ്രത്തില്‍ ഭരിക്കുന്നു. തമിഴ്നാട്ടിലെ ഭരിക്കുന്ന പാര്‍ട്ടി കേന്ദ്രത്തില്‍ ഭരിക്കുന്ന പാര്‍ട്ടിയുടെ എതിരാണ്.
മുകളില്‍ പറഞ്ഞ നമ്മുടെ ശക്തിയൊന്നും ഉപയോഗിക്കാനാവാതെ നാണം കേട്ട ഒരവസ്ഥയിലേക്കു നമ്മളെ തള്ളി വിട്ടത് ആരാണ്? ജീവിക്കാന്‍ ഉള്ള അവകാശം വേണമെന്ന് പറഞ്ഞ ജനങ്ങളോ? അതോ എങ്ങനെ രാഷ്ട്രീയമായി ഉപയോഗിക്കണം എന്ന് തലപുകഞ്ഞു ചിന്തിച്ചു അവസാനം സത്യാഗ്രഹത്തിന് വന്ന നമ്മുടെ കേരള നേതാക്കളോ? ഇതില്‍ കേരളത്തിന്‌ മാത്രമാണ് നഷ്ടം. ശബരിമല തീര്‍ഥാടനം മുഖേന കിട്ടികൊണ്ടിരിക്കുന്ന ബിസിനസ്‌ മുഴുവനും ഇല്ലാതായി.. പച്ചക്കറി വരാതെയായി.. മറുനാട്ടിലുള്ള മലയാളിയുടെ ജീവനും സ്വത്തിനും ഒരു ഗാരന്റിയും ഇല്ലാതായി.. KSRTC നഷ്ടത്തിലായി. കേരളത്തില്‍ തമിഴ്നാടുകാരെ പീഡിപ്പിക്കുന്നു തുടങ്ങിയ ചീത്തപ്പേര്.. ഈ സമരം വഴി മുതലെടുപ്പ് നടത്തിയവര്‍ ഏറെയാണ്‌ താനും..ശബരിമല തീര്‍ഥാടനം തുടങ്ങിയ കാര്യങ്ങള്‍ അട്ടിമറിക്കാന്‍ ശ്രമം നടക്കുന്നുവോ എന്നും സംശയത്തിന്റെ നിഴലിലാണ്....

ശ്രീകോവിലില്‍ അധികാരം തന്ത്രിക്ക്

2011-12-14T06:35:00.000-08:00

നമ്പൂതിരിമാരുടെ പെണ്മക്കള്‍ക്കു ഉണ്ടാകുന്ന സന്താനങ്ങള്‍ക്ക് തന്ത്രം തുടങ്ങിയ അവകാശങ്ങള്‍ ഉണ്ടാകില്ല. അതിനാല്‍ തന്ത്രിയുടെ മകളുടെ മകന് താന്ത്രിക പരമായ അധികാരം ഇല്ല. എന്നാലും അമ്പലത്തിലെ മുഖ്യ തന്ത്രിക്ക് സഹായത്തിനു അദ്ധേഹത്തെ കൂടെ കൂട്ടുന്നതില്‍ ഒരു പിഴവും ഇല്ല താനും. അത് തികച്ചും തന്ത്രിയുടെ അധികാര പരിധിയില്‍ വരുന്നതാണ് താനും.

അമ്പലം, പൂജ തുടങ്ങിയ കാര്യങ്ങളില്‍ തീരെ വിവരമില്ലാത്ത മന്ത്രിയോ പ്രസി ഡന്റോ ആരായാലും ആദ്യം ക്ഷേത്രചൈതന്യരഹസ്യം മുതലായവ വായിച്ചു വിവരം ഉണ്ടാക്കണം. എന്നിട്ട് വേണം അഭിപ്രായം പറയാന്‍. ഭരണപരമായ കാര്യങ്ങള്‍ നോക്കുക മാത്രമാണ് ഭരണ കര്‍ത്താക്കള്‍ ചെയ്യേണ്ടത്. അമ്പലത്തിലെ ചടങ്ങുകള്‍, ആചാരങ്ങള്‍ എന്നിവ നിശ്ചയിക്കേണ്ടതും നടത്തേണ്ടതും തന്ത്രിയോ പൂജാരിയോ ആണ്. നാലാം ക്ലാസ്സും ഗുസ്തിയും കൊണ്ട് രാഷ്ട്രീയത്തില്‍ വന്നു പത്തു കാശ് കൊള്ളയടിച്ചു എം എല്‍ എ യും മന്ത്രിയും പ്രസിഡന്റ്റും മറ്റുമായാല്‍ ഇക്കാര്യങ്ങളില്‍ വിവരം ഉണ്ടാകണമെന്നില്ല. അതിനാല്‍ അമ്പലങ്ങളിലെ കാര്യങ്ങള്‍ നോക്കേണ്ടത് ഭക്തന്മാരുടെ ഒരു ട്രസ്റ്റ്‌ ആണ്.

ശാന്തിമന്ത്ര പ്രസക്തി ഇന്ന്

2011-12-12T05:40:00.000-08:00

മന്ത്രങ്ങള്‍ മനുഷ്യനെ നന്മയിലേക്ക് നയിക്കപ്പെടുന്നവയാണ്. നമ്മുടെ മുനീശ്വരന്മാര്‍ നമുക്ക് നല്‍കിയിട്ടുള്ള സ്വത്തുകള്‍ ആണ് മന്ത്രങ്ങള്‍. കലാപ കലുഷിതമായ ഈ അവസരത്തില്‍ ഏറ്റവും പ്രധാനം ശാന്തിയും സമാധാനവും തന്നെയാണ്. എന്നാല്‍ അത് സൂപ്പര്‍ മാര്‍ക്കറ്റില്‍ വാങ്ങിക്കാന്‍ ഒട്ടു കഴിയുകയും ഇല്ല. മന്ത്ര ജപത്തില്‍ കൂടിയും അത് കൈവരിക്കാന്‍ നമുക്ക് സാധിക്കും.

ശാന്തി മന്ത്രം

ഓം സഹനാ വവതു

സഹനൗ ഭുനക്തു

സഹവീര്യം കരവാവഹൈ

തേജസ്വിനാവദിധമസ്തു മാ വിദ്വിഷാവഹൈ

ഓം ശാന്തിഃ ശാന്തിഃ ശാന്തിഃ

- കൃഷ്ണ യജുര്‍വേദ തൈത്തിരിയ ഉപനിഷദ് ൨.൨.൨

Shanthi Manthra
Aum Sahana vavatu sahanou bhunaktu
Sahaveeryam karavavahai
Tejasvinavadhitamastu
Mavid visha vahai hi
Aum Shanthi, Shanthi, Shanthihi.
– Krishna Yajurveda Taittiriya Upanishad 2.2.2
(Recited before the commencement of one's education)

शांति मंत्र

ऊं सहना ववतु
सहनौ भुनक्तु

सहविर्यम् करवावहे

तेजस्विना वधीतम् अस्तु

मा विद विशावहै

ऊं शांति शांति शांति

Meaning

Let the Studies that we together undertake be effulgent; Let there be no Animosity amongst us; OM. Peace, Peace, Peace.

മന്ത്രാര്‍ത്ഥം
ഞങ്ങള്‍ ഒരുമിച്ച് രക്ഷിക്കപ്പെടട്ടെ, ഞങ്ങള്‍ ഒരുമിച്ച് വിദ്യ അനുഭവിക്കാന്‍ ഇടയാകട്ടെ, ഞങ്ങള്‍ അന്യോന്യം സഹായിച്ചും സഹകരിച്ചും പ്രവര്‍ത്തിക്കാന്‍ ഇടവരുത്തണമേ, ഞങ്ങളുടെ വിദ്യ ഫലവത്തകേണമേ, ഞങ്ങളുടെ ഇടയില്‍ പരസ്പര കലഹം ഇല്ലാതാവട്ടെ, ഞങ്ങള്‍ക്ക് ശാരീരികവും മാനസികവും ദൈവീകവുമായ ശാന്തി ഉണ്ടാകട്ടെ

അഴിമതി തടയുക - അണ്ണാ ഹസാരെക്കൊപ്പം ഒരു ദിവസം

2011-12-11T05:51:00.001-08:00

ന്യൂ ഡല്‍ഹി : അണ്ണാ ഹസാരെയുടെ ഒരു ദിവസ ഉപവാസ സമരം ജന്തര്‍ മന്തറില്‍ അവസാനിച്ചു. ആയിരക്കണക്കിന് ആളുകളുടെയും ഒരുപാട് പത്ര മാധ്യമ പ്രവര്‍ത്തകരുടെയും ബീ ജെ പീ, സീ പീ എം, തെലുഗ് ദേശം, ബിജു ജനത ദാല്‍ തുടങ്ങിയ രാഷ്ട്രീയ പാര്‍ട്ടികളുടെ പ്രതിനിധികളുടെയും സാന്നിധ്യം ശ്രദ്ധേയമായി.

പ്രധാനമന്ത്രി ഉള്‍പ്പെടെ പാര്‍ലമെന്റിലും സര്‍ക്കാരിലും ഉള്ള ഓരോ വ്യക്തിയും ലോക്പാലിന്റെ പരിധിയില്‍ കൊണ്ട് വരണമെന്ന് ബി ജെ പി നേതാവ് അരുണ്‍ ജൈറ്റ്ലി അഭിപ്രായപ്പെട്ടു. സീ ബീ ഐയുടെ നിയന്ത്രണം ലോക്പാലിനു നല്‍കണം. പാര്‍ലമെന്റു ജനങ്ങള്‍ക്ക്‌ നല്‍കിയ ഉറപ്പു ലംഘിക്കാന്‍ സര്‍ക്കാരിനെ അനുവദിക്കില്ല.

സോഷ്യല്‍ നെറ്റ് വര്‍ക്കിങ് സൈറ്റുകള്‍ക്ക് നിയന്ത്രണം ഏര്‍പ്പെടുത്തി അഴിമതിക്കെതിരെയുള്ള ജനമുന്നേറ്റത്തെ തടയാന്‍ മന്ത്രി കപില്‍ സിബലിന് കഴിയില്ലെന്ന് ഹസാരെ സംഘാംഗം അരവിന്ദ് കെജ്‌രിവാള്‍. അണ്ണ ഹസാരെ ഉപവാസം നടത്തുന്ന ജന്തര്‍മന്തറില്‍ സംസാരിക്കുകയായിരുന്നു അദ്ദേഹം. .ബി.ഐയ്ക്ക് സ്വാതന്ത്ര്യം നല്‍കാന്‍ സര്‍ക്കാര്‍ തയ്യാറാകണമെന്ന് കിരണ്‍ ബേദി ആവശ്യപ്പെട്ടു. ഇതിനിടയിലും മുല്ലപെരിയാരില്‍ പുതിയ ഡാമിന് വേണ്ടിയുള്ള ഉപവാസ സമരം ശ്രദ്ധിക്കപ്പെട്ടു.

നാം സുരക്ഷിതരാണോ?

2011-12-09T09:17:00.001-08:00

കല്‍ക്കട്ടയിലെ ആസ്പത്രി കെട്ടിടത്തില്‍ ഉണ്ടായ തീപ്പിടുത്തം നാം എത്ര സുരക്ഷിതരാണ്‌ എന്നതിലേക്ക് ആണ് വിരല്‍ ചൂണ്ടുന്നത്. രോഗികള്‍ ഉള്‍പ്പെടെ ഒരുപാട് പേരുടെ ജീവന്‍ കവര്‍ന്നു മറ്റൊരു ദുരന്തം കൂടി. എല്ലാ സൌകര്യങ്ങളും ഉണ്ടെങ്കിലും ഒന്നും ഉപയോഗിക്കാന്‍ കഴിയാത്ത ഒരു അവസ്ഥാവിശേഷം. നമുക്കും ഉണ്ട് പോലീസും ഫയര്‍ ഫോര്സും എന്നാല്‍ ഇതെല്ലാം ജനങ്ങള്‍ക്ക്‌ ഉപകരിക്കുന്നുണ്ടോ എന്ന് ചോദിച്ചാല്‍ പറയാനാകില്ല. രോഗത്തിന് ശമനം വരുത്താന്‍ ആസ്പത്രിയില്‍ പോയവര്‍ മരണത്തിനു കീഴടങ്ങുകയായിരുന്നു.

ഓരോ കെട്ടിടവും ഉണ്ടാക്കുമ്പോള്‍ അത്യാവശ്യ ഘട്ടങ്ങളില്‍ പുറത്തു കടക്കാനുള്ള എമര്‍ജെന്‍സി എക്സിറ്റ് തുടങ്ങിയ സൌകര്യങ്ങള്‍ ഒരുക്കാന്‍ ഭരണ കൂടങ്ങള്‍ നിര്‍ബന്ധിക്കുന്നുണ്ടെങ്കിലും അതൊന്നും പാലിക്കാതെ കൈക്കൂലി നല്‍കി അന്ഗീകരിപ്പിക്കുന്ന ഒരു തന്ത്രമാണ് പയറ്റി കൊണ്ടിരിക്കുന്നത്. അതേ മാതിരി അത്യാവശ്യ ഘട്ടങ്ങളില്‍ ഫയര്‍ ഫോര്‍സ് പ്രവര്‍ത്തകര്‍ക്ക് കയറി ചെല്ലാനും വെള്ളം എത്തിക്കാനും ഉള്ള സൌകര്യങ്ങള്‍ എല്ലാ കെട്ടിടങ്ങള്‍ക്കും ഉണ്ടാകേണ്ടത് അത്യാവശ്യമാണ്.ഓരോ അപകടങ്ങള്‍ വരുമ്പോഴും സഹായധനം വിതരണം ചെയ്യുക എന്ന ചടങ്ങിനപ്പുറം ഇത്തരമൊരു ദുരന്തം ആവര്‍ത്തിക്കാതിരിക്കാന്‍ ആരും ഒന്നും ചെയ്യുന്നില്ല...

ചെകിടത്തടി ആര്‍ക്കു?

2011-11-24T08:26:00.001-08:00

മുല്ലപെരിയാരും വെള്ളവും നമ്മുടെ മുഖ്യന്‍ പറഞ്ഞപോലെ വെള്ളം തമിഴ്നാടിനും അപകടം മലയാളിക്കും. എന്നാല്‍ വിലപ്പെരുപ്പം കള്ളപ്പണം തുടങ്ങിയ ചെകിടത്തടി ഇന്ത്യയിലെ മുഴുവന്‍ ജനങ്ങള്‍ക്കും ബാധകമാണ്. എന്നാല്‍ ഇക്കാരണം പറഞ്ഞു മന്ത്രിയുടെ ചെകിടത്തടിക്കുന്നത് ശരിയല്ലതാനും.

അമ്പതു വര്‍ഷത്തെ ഭരണത്തില്‍ ഇന്ത്യ വളര്‍ന്നു അത് രാഷ്ട്രീയക്കാരുടെ വിജയമാണ് എന്ന് ഘോഷിക്കുന്നതു വിഡ്ഢിത്തരം. ഇന്ത്യയിലെ ജനങ്ങളുടെ പ്രവര്‍ത്തിയുടെ ഫലമാണ്. മന്ത്രിമാരും രാഷ്ട്രീയക്കാരും കട്ട് മുടിക്കാന്‍ സാമര്‍ത്ഥ്യം കാണിച്ചിട്ടുണ്ട്താനും . എല്ലായിടത്തും നെല്ലും പതിരും ഉണ്ടെന്നു പറയുന്ന പോലെ രാഷ്ട്രീയക്കാരിലും നല്ലവരുണ്ടാകാം.

വോട്ടു ബാങ്ക് ബലത്തിലും ജാതിതിരിച്ചു വോട്ടു വാങ്ങുന്നതിലും വിജയം കണ്ട നമ്മുടെ രാഷ്ട്രീയക്കാര്‍ സാധാരണ ജനങ്ങളെ യഥാര്‍ത്ഥ ലക്ഷ്യത്തില്‍ നിന്നും വഴി തിരിച്ചു അവരുടെ ലക്‌ഷ്യം നടപ്പാക്കുന്നു. കഴിവുള്ള മുഖ്യമന്ത്രിമാര്‍ അവരുടെ സംസ്ഥാനം കൂടുതല്‍ കൂടുതല്‍ മുന്നോട്ടു നയിക്കുന്നു. എന്ത് പറഞ്ഞാലും മതം എന്ന ആയുധവുമായി വോട്ടു സമ്പാതിക്കുന്നവരുടെ സംസ്ഥാനങ്ങള്‍ തകര്‍ച്ചയിലേക്കും. ഇതില്‍ ഏതില്‍ കേരളം പെടും എന്ന് നാം ചിന്തിക്കേണ്ടിയിരിക്കുന്നു.

ഡാം സിനിമയും ബോക്സ്‌ ഓഫീസ് പ്രശ്നങ്ങളും

2011-11-22T06:48:00.001-08:00

ചൈനയിലെ ബാന്‍കിയോ അണക്കെട്ട് തകര്‍ച്ചയില്‍ നിന്ന് പ്രചോദനം ഉള്‍ക്കൊണ്ട്‌ ഉണ്ടായ ഒരു ഹോളിവൂഡ്‌ ചിത്രമാണ് "ഡാം".

സംവിധായകന്‍ മലയാളിയായതിനാല്‍ ഇത് കേരളത്തില്‍ ചര്‍ച്ചാ വിഷയമാവുകയാണ്. എന്നാല്‍ സിനിമയില്‍ തകര്‍ന്നുപോകുന്ന ഡാം മുല്ലപെരിയാരിനോട് സാമ്യം ഉള്ളതിനാല്‍ തമിഴ്നാട്ടിലും ഇത് വന്‍ വിഷയമാകുകയാണ്.

ഭൂകമ്പങ്ങളും തുടര്‍ ചലനങ്ങളും ഡാമിനെ ചുറ്റി തിരിയുമ്പോഴും വാഗ്വാദങ്ങളില്‍ ഏര്‍പ്പെടാനാണ് ഇരു സംസ്ഥാനങ്ങളില്‍ നിന്നുള്ള രാഷ്ട്രീയ മേലാളന്മാര്‍ ശ്രമിക്കുന്നത്. യഥാര്‍ത്ഥത്തില്‍ നാം ചിന്തിക്കുന്ന തരത്തില്‍ ഉള്ള ഭയപ്പാടു ആവശ്യമുണ്ടോ? ഇതൊരു രാഷ്ട്രീയ പ്രശ്നമോ അതോ മനുഷ്യ ജീവിതത്തിന്റെ പ്രശ്നമോ?

വെള്ളം കിട്ടില്ലെന്ന പേടിയില്‍ നിന്നും തമിഴ്മക്കള്‍ ഇതിനെ എതിര്‍ക്കുമ്പോള്‍ വെള്ളത്തില്‍ ഇല്ലാതാകും എന്ന പേടിയില്‍ മലയാള മക്കളും. ഏകദേശം അറുപതു വര്‍ഷം മാത്രം ഉദ്ദേശിച്ച ഡാം ഇന്ന് സെഞ്ച്വറിയും കഴിഞ്ഞു പോയിരിക്കുന്നു. അതായത് ഈ ഡാമിന്റെ കാലാവധി കഴിഞ്ഞിരിക്കുന്നു എന്ന് സാരം.

തമിഴ്നാടിനെക്കാളും കേന്ദ്രത്തില്‍ പിടിപാടുള്ള കേരളത്തിന്‌ എന്തുകൊണ്ട് ഈ വസ്തുത കേന്ദ്രത്തെ ധരിപ്പിച്ചു കൂടാ. ജനങ്ങളുടെ ജീവിതം അത് തമിഴനായാലും മലയാളിയായാലും വിലപ്പെട്ടതാണ്‌. അത് കാത്തു കൊള്ളേണ്ട ഉത്തരവാദിത്വം നമ്മുടെ ഭരണാധികാരികള്‍ക്ക് ഉണ്ടുതാനും.

പട്ടാളി മക്കള്‍ കച്ചിയും, മറുമലര്‍ച്ചി ദ്രാവിഡ മുന്നേറ്റ കഴകങ്ങളും ഈ പടം തമിഴ്നാട്ടില്‍ ഇറക്കാന്‍ അനുവദിക്കില്ലെന്ന പ്രചരണം ശക്തമാവുകയാണ്. എന്നാല്‍ ഇതെല്ലം ടീ വീ യില്‍ നോക്കികണ്ടു അപകട സ്ഥിതിയില്‍ ഉള്ള ഡാമിനടിയില്‍ സുഖമായി വാഴുകയാണ് കേരള ജനത. തമിഴന്റെ എല്ലാ പടങ്ങളും ഒന്ന് വിടാതെ എല്ലാം കണ്ടു ഹിറ്റാക്കുന്ന മലയാളിക്ക് മുല്ലപെരിയാര്‍ എന്ത് ഡാം എന്ത്?

News at IBNLive

Chennai, Nov 22 (PTI) Two political parties in Tamil Nadu MDMK and PMK today demanded a ban on the release of Hollywood film 'Dam 999' in the country, saying it depicts the scenario of the collapse of century-old Mullaiperiyar Dam over which the state is locked in a row with Kerala. MDMK leader Vaiko, in a statement, said the film, financed by Keralites, starring Indian and Hollywood actors and directed by Sohan Roy has been named 'Dam 999' referring to the legal rights held by Tamil Nadu over the Mullaiperiyar dam for 999 years.

ഖുതുബ് മിനാര്‍

2011-11-20T07:05:00.001-08:00

തലസ്ഥാനത്തെ പ്രധാന ആകര്‍ഷണങ്ങളില്‍ ഒന്നാണ് ഖുതുബ് മിനാര്‍.

ഹരിയാനയിലെ ഗുര്‍ഗാവില്‍ നിന്നും ഡല്‍ഹിയിലേക്കുള്ള മെട്രോ ട്രെയിന്‍ പാതയില്‍ ഖുതുബ് മിനാര്‍ സ്റ്റേഷനില്‍ നിന്ന് നോക്കിയാല്‍ കാണാവുന്ന ദൂരത്താണ് ഖുതുബ് മിനാര്‍ നിലകൊള്ളുന്നത്.

പതിനഞ്ചു വര്ഷം മുമ്പ് സന്ദര്‍ശിച്ചപ്പോള്‍ അവിടെയുള്ള ഇരുമ്പ് തൂണ്‍ കൈകള്‍ കൊണ്ട് ചുറ്റി പിടിക്കുന്ന കാഴ്ച ഇന്നവിടെ കാണാനില്ല. ആ ഇരുമ്പ് തൂണ്‍ സന്ദര്‍ശകരില്‍ നിന്ന് സംരക്ഷിക്കാന്‍ വേലി കെട്ടി തടഞ്ഞിരിക്കുന്നു. മറ്റെല്ലാ കാഴ്ചകളും മുമ്പത്തെ പോലെ തന്നെ.

മഞ്ചാഭാസ ഡാന്‍സ് ഡാന്‍സ്

2011-11-19T07:22:00.001-08:00

പേരില്‍ നിന്ന് തന്നെ ഈ പോസ്റ്റിന്റെ ഉദ്ദേശം എല്ലാവര്‍ക്കും മനസ്സിലായി കാണും. വളര്‍ന്നു വരുന്ന കുഞ്ഞുങ്ങളെ "മെര്‍ലിന്‍ മന്‍ റോ" ആക്കാനാണോ നമ്മുടെ ഏഷ്യയുടെ നെറ്റിന്റെ ഉദ്ദേശം എന്ന് മനസ്സിലാവുന്നില്ല. കുട്ടികളുടെ മാദക നൃത്തം കാണിച്ചു കാശ് വാരുവാനുള്ള ഏഷ്യയുടെ നെറ്റിന്റെ ലക്‌ഷ്യം മലയാള ചാനെലിനു യോചിച്ചതാണോ എന്ന് തോന്നുന്നില്ല.

മീഡിയ പ്രവര്‍ത്തകര്‍ ഇങ്ങിനെ പല വിരുതുകളും കാണിച്ചു കാശുണ്ടാക്കും എന്നാല്‍ കുഞ്ഞുങ്ങളുടെ മാതാപിതാക്കന്മാര്‍ എന്തിനു ഈ കോപ്രായത്തിനു കൂട്ട് നില്‍ക്കുന്നു എന്നറിയില്ല.

എന്തിനും ഏതിനും വിമര്‍ശിക്കുന്ന മലയാളി വര്‍ഗ്ഗത്തില്‍ പെട്ടവന്‍ എന്ന് പറയാമെങ്കിലും ഇങ്ങനെയുള്ള ആഭാസങ്ങള്‍ ചൂണ്ടികാട്ടിയാല്‍ തെറ്റുണ്ടെന്ന് തോന്നുന്നില്ല.

ഈ അടുത്ത് കണ്ട ഒരു മഞ്ചാഭാസ ഡാന്‍സ് ഡാന്‍സ് ആണ് ഇത് എഴുതാന്‍ പ്രേരിപ്പിച്ചത്. കുട്ടികള്‍ ഡാന്‍സ് ചെയ്തതും അത് കഴിഞ്ഞുള്ള ജഡ്ജ്മാരുടെ അഭിപ്രായം കുട്ടികളെ കൂടുതല്‍ കൂടുതല്‍ വഴി തെറ്റിക്കുന്നതാണ്.

ഇതേ കുറിച്ചുള്ള അഭിപ്രായങ്ങള്‍ മടി കൂടാതെ കമന്റില്‍ ഇട്ടു ഒരു ചര്‍ച്ച നടത്തുവാന്‍ അഭ്യര്‍ത്ഥിക്കുന്നു..

സന്തോഷ്‌ പണ്ഡിറ്റ്‌ ഫാന്‍സ്‌ അസോസിയേഷന്‍

2011-11-09T07:40:00.000-08:00

കുറച്ചു നാളായി കേരളത്തില്‍ കേള്‍ക്കുന്ന ഒരു പേരാണ് സന്തോഷ്‌ പണ്ഡിറ്റ്. വെറുമൊരു സാധാരണക്കാരന്‍ ഒരു സുപ്രഭാതത്തില്‍ അദ്ധേഹത്തിന്റെ ഭാഷയില്‍ പറഞ്ഞാല്‍ സൂപ്പര്‍സ്റ്റാര്‍.

അദ്ദേഹം ചെയ്ത സിനിമയെ കുറ്റം പറയുന്നുണ്ടെങ്കിലും ഒരു തരത്തില്‍ പ്രോത്സാഹിപ്പിക്കുകയാണ് പൊതു ജനം ചെയ്യുന്നത്. ഒട്ടേറെ ടീ വീ പ്രോഗ്രാമുകളില്‍ ചര്‍ച്ചയ്ക്കു വന്ന ഈ വിഷയം മറ്റൊരു ഷക്കീല
തരന്ഗത്തെ അനുസ്മരിപ്പിക്കുന്നതാണ്. ആരും ഇതിനെ ഗൌരവമായി എടുക്കുന്നില്ല എന്നതാണ് വാസ്തവം. എങ്കിലും ലോകം മുഴുവനുമുള്ള മലയാളികള്‍ക്ക് ഇടയില്‍ സന്തോഷ്‌ ഒരു സംഭവമായി. അദ്ധേഹത്തിന്റെ ചങ്കൂറ്റം ( വിഡ്ഢിത്തം എന്ന് വിമര്‍ശകര്‍) സമ്മതിക്കേണ്ടത് തന്നെ.

സാങ്കേതിക പോരായ്മയും അഭിനയ വൈകല്യവും ഉണ്ടെങ്കിലും വ്യക്തിപരമായി അദ്ധേഹത്തെ അധിക്ഷേപിക്കുന്നത് ശരിയാണോ എന്ന് ജനം ചിന്തിക്കണം. വിമര്‍ശനം ആവാം അത് ആ വ്യക്തിയുടെ വസ്ത്രധാരണ രീതിയെയും സംഭാഷണ രീതിയെയും അധിക്ഷേപിക്കുന്ന തരത്തില്‍ ആവരുത്. ടീ വീ ചര്‍ച്ചക്ക് വിളിച്ചു വരുത്തി സന്തോഷിനു വട്ടാണോ എന്ന് അന്വേഷിക്കുന്നത് ശരിയല്ല.

ചിന്താവിഷയം
അടുത്തകാലത്ത്‌ ഉണ്ടായ സമരങ്ങളും പൊതുജന മുന്നേറ്റങ്ങളും ഇത്രയേറെ പോപ്പുലര്‍ ആക്കിയത് മീഡിയ ആണ്. അണ്ണാ ഹസാരെ സമരവും, എന്തിരനും ഇതിനു ഉദാഹരണങ്ങള്‍ ആണ്. സന്തോഷിന്റെ സിനിമയെ ഹിറ്റാക്കിയത് യു ട്യൂബ്, ബ്ലോഗ്‌, ടെലിവിഷന്‍, ഇന്റര്‍നെറ്റ്‌ തുടങ്ങിയ മാധ്യമങ്ങള്‍ ആണ്.

സംഗീത സംവിധാനം എന്നാല്‍..

2011-11-06T02:55:00.000-08:00

എക്കോനും ലേഡി ഗാഗയും ഇന്ത്യയിലേക്ക്‌ വരുമ്പോള്‍ മറ്റു രാജ്യത്തിലേക്ക് പോകുകയാണ് നമ്മുടെ പുതു സംഗീത സംവിധായകര്‍. അവിടെ പാട്ട് പടച്ചു വിടാന്‍ ആണെന്ന് ധരിച്ചാല്‍ ശുദ്ധ വിഡ്ഢിത്തം.

സംഗീത സംവിധാനം എന്നാല്‍ ആര്‍ക്കും ചെയ്യാവുന്ന ഒരു പണി എന്നാ യാഥാര്‍ത്ഥ്യം അറിഞ്ഞിട്ടാകണം ഇന്ന് എല്ലാ പാട്ടുകാരും സംഗീതവും കൈകാര്യം ചെയ്യുന്നത്. എത്രയോ മലയാള പാട്ടുകള്‍ ശ്രുതി മധുരവും ശുദ്ധ സംഗീതത്തിന്റെ സിരാകേന്ദ്രങ്ങള്‍ ആണെന്ന യാതാര്‍ത്ഥ്യം മറന്നിട്ടല്ല ഈ പോസ്റ്റ്‌ ചെയ്യുന്നത്.
പറയുന്നത് ഒന്നും പ്രവര്‍ത്തിക്കുന്നത് ഒന്നുമാണെന്നു തെളിയിച്ച മഹാ പാട്ടുകാരാണ് മലയാളികള്‍ക്ക് ഇന്നുള്ളത്. സംഗീത റിയാലിറ്റി ഷോകളെ വാനോളം തെറിപറഞ്ഞ മഹാപാട്ടുകാരന്‍ അവിടെ വന്നു സംഗീതവിധി മാറ്റിമറിച്ചത് ഇന്നും നാം ഓര്‍ക്കുന്നു താനും.

കഴിവ് തെളിയിച്ച സംവിധായകനും സൂപ്പര്‍സ്റ്റാറും അണിനിരക്കുന്ന ഒട്ടകവുമായി ബന്ധമുള്ള സിനിമയില്‍ പ്രമുഖപാട്ടുകരാന്‍ ഒരു അറബി പാട്ട് അതേപടി കോപ്പി അടിച്ചു സംഗീത സംവിധാനം നിര്‍വഹിച്ചിരിക്കുന്നു. ഇതിനെയാണോ സംഗീത സംവിധാനം എന്ന് വിളിക്കുന്നത്‌. എന്നാല്‍ സ്വന്തം കഴിവില്‍ പാട്ട് ഹിറ്റാക്കിയ സന്തോഷ് പാണ്ടിച്ചിക്ക് എന്റെ നമോ വാകം.

സ്നേഹവീട് - സിനിമാ നിരൂപണം

2011-10-15T01:57:00.000-07:00

Another good family entertainer from Mohanlal and Sathyan Anthikkadu Team.

മോഹന്‍ലാല്‍ സത്യന്‍ അന്തിക്കാട്‌ കൂട്ടായ്മയുടെ മറ്റൊരു കുടുംബ ചിത്രം. വേറെ പുതുമകള്‍ ഒന്നുമില്ലാതെ തീയറ്ററുകളില്‍ സാമാന്യം കുടുംബ സദസ്സുകളെ ആകര്‍ഷിച്ച ഒരു പടം. ഒട്ടേറെ തമാശകളുമായി ഒന്നാം പകുതി കടന്നുപോയപ്പോള്‍ കുറച്ചു കഥപറയുന്ന രണ്ടാംപകുതി.
പ്രായത്തിനു അനുസരിച്ച് മോഹന്‍ലാലിനു പറ്റിയ വേഷം നല്‍കാന്‍ സംവിധായകന്‍ ശ്രദ്ധിച്ചിട്ടുണ്ട്. പത്മപ്രിയയുടെ കഥാപാത്രം സ്നേഹം കൊതിച്ചു ചെന്നപ്പോള്‍ അഭിനയിക്കാന്‍ ക്ഷണിക്കുന്നത് നല്ല സീനായിരുന്നു. അരുന്ധതിയുടെയും പുതുമുഖം രാഹുലിന്റെയും കൊച്ചു പ്രേമം ആകര്‍ഷണീയമായി.

ഇളയരാജയുടെ സംഗീതം സിനിമയ്ക്ക് യോചിച്ചു പോയി. ഷീലയുടെ കഥാപാത്രം "മനസ്സിനക്കരെ" എന്ന സിനിമയെ ഓര്‍മപ്പെടുത്തി. തായംബകയെ കടത്തി വെട്ടി ശിങ്കാരി മേളം പോടീ പൊടിച്ചു.. കൂടാതെ പാലക്കാടന്‍ ഗ്രാമ ഭംഗി അപ്പടി പകര്‍ത്തി സിനിമ ഒരു വന്‍ വിജയം...

പത്തുവാക്കില്‍ ഓണം

2011-09-05T09:21:00.000-07:00

തുമ്പയും തുളസിയും മുക്കുറ്റിയും കൂടിയ 'അത്ത'പ്പൂക്കളും ഓണത്തിന് ആരംഭം കുറിച്ചു.
ചിലമ്പിന്റെ താളവും ചിന്തകളുടെ ഓളങ്ങളും 'ചിത്തിര' ചിത്രമാക്കുന്നു.
ചോദ്യങ്ങളും ഉത്തരങ്ങളുമായി 'ചോതി' ചേലായി..
വിശപ്പും ദാഹവുമറിയാതെ 'വിശാഖം' കടന്നുപോയി.
അനിയനും ചേട്ടനുമൊക്കെ ചേര്‍ന്ന് 'അനിഴം' അനിര്‍വചനീയമായി.
കേട്ടതും കേള്‍ക്കാത്തതുമായ വിശേഷങ്ങള്‍ പങ്കു വച്ച് 'കേട്ട' കടന്നു പോയി.
മൂട്ടില്‍ അണിഞ്ഞു 'മൂലം' വര്‍ണ ശബളമായി.
പുതിയ ഉടുപ്പും പുത്തന്‍ പടങ്ങളും കണ്ടു 'പൂരാടം' കെങ്കേമമായി.
ഉണ്ടും ഉറങ്ങിയും 'ഉത്രാടം' തിരുവോണത്തെ വരവേല്‍ക്കാനായി ഒരുങ്ങി.
മഹാവിഷ്ണുവിനെ വാമനാവതാരത്തില്‍ തൊഴുതു മഹാബലിയെ വരവേറ്റു 'തിരുവോണം' ഉത്സവമായി

ഉമ്മയുടെ ശ്രീകൃഷ്ണ വേഷം കെട്ടിയ കുട്ടി

2011-08-21T07:09:00.000-07:00

ഇന്ന് ശ്രീകൃഷ്ണ ജയന്തി.. എന്നാല്‍ മറുനാട്ടിലുള്ള വാസം നമ്മുടെ ഉത്സവങ്ങള്‍ കമ്പ്യൂട്ടര്‍ എന്ന യന്ത്രത്തിന്റെ മുന്നില്‍ മാത്രമാവുന്നു. പതിവ് ഞായര്‍ പോലെ രാവിലെ എഴുന്നേറ്റു വീടെല്ലാം ഒന്ന് വൃത്തിയാക്കി ചായ കുടിച്ചു ഫേസ് ബുക്ക്‌ എന്ന കൂട്ടുകാരുടെ കൂട്ടുകാരന്റെ മുന്നില്‍ കുത്തിയിരുന്നപ്പോഴാണ് ഒരപൂര്‍വമായ ചിത്രം ഒരു ഫ്രണ്ട് പോസ്റ്റ്‌ ചെയ്തിരിക്കുന്നത് ശ്രദ്ധയില്‍ പെട്ടത്..

പര്‍ദയും തൊപ്പിയുമായി സ്കൂട്ടറില്‍ പോകുന്ന മാതാപിതാക്കളുടെ കൂടെ ഉമ്മയുടെ മടിയില്‍ ഇരിക്കുന്ന ശ്രീകൃഷ്ണ വേഷം കെട്ടിയ കുട്ടി. (മറ്റൊരാളുടെ പ്രൊഫൈലില്‍ ആയതിനാല്‍ ആ ഫോട്ടോ അറ്റാച്ച് ചെയ്യുന്നില്ല).

ഇത് കണ്ടപ്പോള്‍ ശരിയാണല്ലോ ഈ മാസമല്ലേ ശ്രീ കൃഷ്ണ ജയന്തി.. എന്ന് തോന്നി അമ്മയെ ഫോണില്‍ വിളിച്ചു ഉറപ്പു വരുത്തി.. ഇന്ന് തന്നെയാണ് ജന്മഷടമി.

ഭഗവാന്‍ ശ്രീ കൃഷ്ണന്റെ ജന്മദിനം. കുഞ്ഞുനാളിലെ ശോഭ യാത്രകളിലെക്കാണ് മനസ്സ് ആദ്യം സഞ്ചരിച്ചത്. കുട്ടികള്‍ ശ്രീകൃഷ്ണന്റെ വേഷമണിഞ്ഞു ഓടക്കുഴലും പീലിതിരുമുടിയുമായി നഗര പാതയിലൂടെയുള്ള യാത്ര.

വൈകുന്നേരം അടുത്തുള്ള മത്സ്യ, കൂര്‍മ ലക്ഷ്മി നാരായണ ക്ഷേത്രത്തില്‍ ദര്‍ശനം കഴിഞ്ഞു വീണ്ടും കമ്പ്യൂട്ടറില്‍ മെയില്‍ ചെക്ക്‌ ചെയ്തപ്പോള്‍ ഒരു ഫോര്‍വേഡ് മെയിലില്‍ ശ്രീ കൃഷ്ണ അവതാരത്തെ കുറിച്ചുള്ള അമ്മയുടെ പ്രഭാഷണം ഒരു ഫ്രണ്ട് അയച്ചിരിക്കുന്നു.. അത് ഇവിടെ നിങ്ങള്‍ക്കായി സമര്‍പ്പിക്കുന്നു...

അയ്യാരയിരത്തിലേറേ വര്‍ഷങ്ങള്‍ക്കുമുമ്പാണ് ശ്രീകൃഷ്ണന്‍ ജീവിച്ചിരുന്നത്. ഇപ്പോഴും ശ്രീകൃഷ്ണനെ ജനങ്ങള്‍ ഓര്‍മ്മിക്കുകയും ആരാധിക്കുകയും ചെയ്യുന്നത് അവിടുത്തെ മഹത്വത്തിന്റെ തെളിവാണ്. ശ്രീകൃഷ്ണനെ ആരാധിക്കുക എന്നാല്‍ ശ്രീകൃഷ്ണനായിത്തീരുക എന്നാണ്. ശ്രീകൃഷ്ണന്റെ ജീവിതദര്‍ശനം നമ്മുടെ ജീവിതമാകുകയാണ് വേണ്ടത്.

ശ്രീകൃഷ്ണരൂപം സുന്ദരമാണ് എന്നാല്‍ ഈ സൗന്ദര്യം കേവലം ശാരീരികസൗന്ദര്യം മാത്രമല്ല, ഹൃദയത്തിന്റെ മങ്ങാത്ത സൗന്ദര്യമാണ്. മനുഷ്യജീവിതത്തിന്റെ സമസ്തഭാവങ്ങളും അവയുടെ പൂര്‍ണ്ണതയില്‍ , സൗന്ദര്യത്തികവില്‍ എത്തിച്ചേരുമ്പോള്‍ ശ്രീകൃഷ്ണരൂപമായി.

ലോകജീവിതം എന്താകണം, എങ്ങനെയാകണം എന്നാണ് ശ്രീകൃഷ്ണന്റെ ജീവിതം നമ്മെ പഠിപ്പിക്കുന്നത്. പരാജയങ്ങള്‍പോലും ആഘോഷപൂര്‍വ്വം കൊണ്ടാടിയ മഹാഗുരുവാണദ്ദേഹം. മറ്റുള്ളവരെ കരയിക്കാതെ, ചിരിച്ചുജീവിക്കുക – ശ്രീകൃഷ്ണന്‍ സ്വജീവിതത്തിലൂടെ കാണിച്ചുതന്ന പാഠം അതായിരുന്നു.നമ്മുടെ ജീവിതരഥങ്ങളെ ആനന്ദത്തിലേക്ക് നയിക്കുന്ന സാരഥിയാണ് അവിടുന്ന്.

സാധാരണയായി മറ്റുള്ളവരുടെ തെറ്റുകള്‍ ‍കണ്ടുചിരിക്കുന്നവരാണ് നമ്മള്‍ . എന്നാല്‍ ഉള്ളംനിറ‍ഞ്ഞ് ലോകത്തിലേക്ക് പരന്നൊഴുകിയ ആത്മാനന്ദത്തിന്റെ ചിരിയായിരുന്നു ഭഗവാന്റേത്. അതുകൊണ്ട് യുദ്ധത്തില്‍ പരാജയപ്പെട്ടപ്പോഴും അവിടുത്തെ പുഞ്ചിരി മാഞ്ഞില്ല. നമ്മുടെ കുറ്റങ്ങളും കുറവുകളും ഓര്‍ത്ത് ചിരിക്കാന്‍ ഭഗവാന്‍ നമ്മെ പഠിപ്പിക്കുന്നു.

സമസ്തമേഖലകളിലും പ്രവര്‍ത്തിക്കുന്നവര്‍ക്ക് മാതൃകയാണ് ഭഗവാന്‍. രാജാക്കന്മാരുടെ ഇടയിലും സാധാരണക്കാരുടെ ഇടയിലും അവരില്‍ ഒരാളെപ്പോലെ അദ്ദേഹം ജീവിച്ചു. രാജകുമാരനായിട്ട് ജനിച്ചിട്ടും കാലികളെ മേയ്ക്കുവാനും തേരുതെളിക്കുവാനും അദ്ദേഹം തയ്യാറായി. അധാര്‍മ്മികരുടെ അടുത്ത് ശാന്തിദൂതനാകാനും ഭഗവാന്‍ തയ്യാറായി.

അനാചാരങ്ങള്‍ക്കെതിരെ ശബ്ദമുയര്‍ത്തിയ സാമൂഹികവിപ്ലവകാരിയായിരുന്നു അദ്ദേഹം. മഴയ്ക്കുവേണ്ടി ഇന്ദ്രനെ പൂജചെയ്തിരുന്ന ജനങ്ങളെ അതില്‍നിന്ന് ഭഗവാന്‍ പിന്തിരിപ്പിച്ചു. ഗോവര്‍ദ്ധനപര്‍വ്വതത്തെയാണു പൂജിക്കേണ്ടതെന്ന് അദ്ദേഹം പഠിപ്പിച്ചു. മഴമേഘങ്ങളെ തടുത്ത് മഴപെയ്യിക്കുന്നത് പര്‍വ്വതങ്ങളാണ് എന്ന് ഭഗവാന്‍ പഠിപ്പിച്ചു. പ്രകൃതിസംരക്ഷണത്തിന്റെ ആദ്യപാഠങ്ങള്‍ ഭഗവാന്‍ ശ്രീകൃഷ്ണന്‍ നമുക്കു പറഞ്ഞുതന്നു. ഇക്കാലത്തും പ്രകൃതിയെ സംരക്ഷിക്കുവാനും പ്രകൃതിയുടെ സംതുലിതാവസ്ഥ തകര്‍ക്കാതിരിക്കാനും നമ്മള്‍ ശ്രമിക്കണം. പ്രകൃതിയുടെ സംതുലിതാവസ്ഥ നഷ്ടപ്പെട്ടാല്‍ മനുഷ്യന്റെ സംതുലിതാവസ്ഥയും നഷ്ടപ്പെടും.

ആഗ്രഹിക്കുന്ന ജോലിതന്നെ കിട്ടിയില്ലെങ്കില്‍ അലസത പൂണ്ടിരിക്കുന്നവരാണ് ഏറെയും. ഏതുജോലിയിലും ആനന്ദവും സംതൃപ്തിയും കണ്ടെത്തുവാന്‍ ശ്രീകൃഷ്ണന്റെ ഉത്സാഹവും ക്ഷമയും ഇക്കൂട്ടര്‍ക്ക് മാതൃകയാക്കണം.

ജീവിത സാഹചര്യങ്ങള്‍ ചിലപ്പോള്‍ അനുകൂലമാവ‍ാം, പ്രതികൂലമാവ‍ാം. രണ്ടിലും ഊര്‍ജസ്വലരായി സ്വന്തം കര്‍ത്തവ്യം അനുഷ്ഠിക്കുക. ലോകത്തില്‍ ചെയ്യാനുള്ളതെല്ല‍ാം ചെയ്തുകൊള്ളൂ. പക്ഷേ, ഉള്ളാലെ എല്ലാത്തിനും സാക്ഷിയായി നിലകൊള്ളൂ. ഭഗവാന്റെ ചിരിയുടെ അര്‍ത്ഥമിതാണ്. ഈ തത്വമാണ് ലോകത്തിനുള്ള ശ്രീകൃഷ്ണഭഗവാന്റെ സന്ദേശം എന്ന് അമ്മയ്ക്ക് തോന്നുന്നു..

മന്ത്രിക്കസേരയില്‍ ഒരു മന്തന്‍

2011-08-07T10:16:00.000-07:00

വീണ്ടുമൊരോണക്കാലം വന്നു കൊണ്ടിരിക്കുന്നു. സ്വാതന്ത്ര്യദിനത്തിന്റെ ആരവങ്ങള്‍ ഒടുങ്ങിയാല്‍ പരസ്യകമ്പനിക്കാര്‍ ഓണത്തിനെ നെഞ്ചിലേറ്റാന്‍ തുടങ്ങും. നിങ്ങളില്ലാതെ ഞങ്ങള്‍ക്കെന്താഘോഷം എന്നല്ലേ പുതു ചൊല്ല്.

കാവുപ്പട്ടി ഗ്രാമത്തിലെ ഓണാഘോഷകമ്മിറ്റി ഇത്തവണ പുതു പരിപാടികളുമായി കലക്കാന്‍ പോകുകയാണ്. അന്തിക്കള്ളന്‍ രാജുവിന്റെ അന്തംവിട്ട സ്റ്റാര്‍ ഷോയും, നാട്യക്കാരി ജാനകിയുടെ നിറുത്തനിത്യങ്ങളും കൂടാതെ വേലക്കാരി ഗീതയുടെ സിനിമാറ്റിക് ഡാന്‍സ് കൂത്താട്ടവും ആഘോഷത്തിനു മാറ്റ് കൂട്ടും.

കേളു നായരുടെ ചായക്കടയില്‍ ചെല്ലപ്പനും ദാമോദരനും ശങ്കരനും ചേര്‍ന്ന് നാടകത്തെ പറ്റി ചര്‍ച്ചയിലാണ്. വിരലിട്ട ചായക്ക്‌ പ്രസിദ്ധമായ കേളുവേട്ടന്റെ കട ഇന്ന് നാടകത്തിന്റെ കഥ തന്തുവിന്റെ അന്വേഷണത്തിലാണ്. എന്തായിരിക്കാം കഥ. കേരളത്തിലെ
പ്രധാന വിഷയമായ വാണിഭത്തെ കുറിച്ചായാല്‍ കുട്ടി മന്ത്രി തുടങ്ങി‍ എണ്ണിയാല്‍ ഒടുങ്ങാത്ത കഥാപാത്രങ്ങള്‍ വേണ്ടിവരും. എന്തായാലും അത് വേണ്ട. ചര്‍ച്ച പല വഴിയില്‍ നീങ്ങികൊണ്ടിരുന്നു. ഒടുവില്‍ എല്ലാവരും എത്തിയത് മന്ത്രിക്കസേരയില്‍ ഇരുന്ന മന്തനിലാണ്. താനിരിക്കണ്ട ഇടതു താനിരുന്നില്ലെങ്കില്‍ അവിടെ നായ കേറി ഇരിക്കും എന്ന പഴമൊഴിയുടെ പാതയില്‍ കഥ തുടരുന്നു.

Kerala Hotel Kairali DLF Gachibowli Indiranagar Manikonda Hyderabad

2011-06-18T11:49:00.001-07:00

Hyderabad is becoming a city of Technology. IT companies are more in Hitech City, Manikonda and DLF area.The IT professionals hailed from different part of india. Kerala IT professionals also contributing a major part of it.

Kerala people miss the taste of Malayali food. Don't worry you have a Kerala Hotel near DLF that is "Kairali".

Kerala Malayali Hotel in Madhapur Hitech city Hyderabad

2011-06-18T11:40:00.000-07:00

My search for Kerala food ended at 'Chef Kerala' in Madhapur Hyderabad. Chef Kerala is a Malayali Hotel around Hitech City and Madhapur in Hyderabad. Taste is good. Air conditioned hotel good for all.

It is in between Madhapur Petrol bunk and Image Hospitals bus stops. It is very near to "Cafe Nadhini" a South Indian restaurant.

Shilparamam, the arts, craft and cultural village at Hyderabad

2011-06-18T10:59:00.000-07:00

Last Sunday we visited Shilparamam. It is really an art, craft and cultural spot at Hyderabad. You can see and buy a lot of art and craft items at shiparamam.

Shilparamam is one of the attractions in Hyderabad. It is in Hitech city, Hyderabad. It is really an attractive place with wide range of natural stuff.

Ganapathy Idol among other god idols in Shilparamam.

Idols of Gods

Mermaid Idol

A street dog at the Shilparamam.

ക്രിക്കറ്റ്‌ രാജാക്കന്മാരുടെ പട്ടാഭിഷേകം

2011-04-03T05:28:00.000-07:00

ഇന്ത്യന്‍ ക്രിക്കറ്റ്‌ രാജാക്കന്മാരുടെ പട്ടാഭിഷേകം കഴിഞ്ഞു. ലോകത്തിലെ എല്ലാ രാജാക്കന്മാരെയും തോല്‍പ്പിച്ചാണ് ധോണി ചക്രവര്‍ത്തിയുടെ കീഴില്‍ മറ്റു രാജാക്കന്മാര്‍ പോരിനിറങ്ങിയത്.

ഏകദേശം ഒരു മാസത്തോളം നീണ്ട 2011 ലെ ഭാരതയുദ്ധത്തില്‍ ആദ്യം ചെറുകിട രാജ്യങ്ങളെ വെട്ടിപിടിച്ചു ധോണിയും കൂട്ടരും സൌത്ത് ആഫ്രിക്കന്‍ കാട്ടുരാജക്കന്മാരുടെ മുന്നില്‍ പതറിയെങ്കിലും പിന്നെയങ്ങോട്ട് വിജയ യാത്രയായിരുന്നു.

ബംഗ്ലാദേശു രാജ്യത്തിന് മുന്നില്‍ പതറിയ കേരള രാജകുമാരനെ പുറകോട്ടു നിര്‍ത്തി നെഹ്ര രാജകുമാരനെയാണ് ധോണി ചക്രവര്‍ത്തി അങ്കതട്ടിലേക്ക് പറഞ്ഞു വിട്ടത്. എന്നാല്‍ കാട്ടുരാജാക്കന്മാരുടെ മുന്നില്‍ വീണു പോയ നെഹ്ര രാജകുമാരനെ പുറകോട്ടു മാറ്റിയെങ്കിലും പാകിസ്താന്‍ രാജ്യത്തെ വെട്ടിപിടിക്കാന്‍ മുന്നോട്ടു ഇറക്കി.

ബോംബെ രാജ്യത്തെ മഹാനായ സച്ചി രാജാവ് ചെങ്കോലും കിരീടവുമില്ലാതെ ചക്രവര്‍ത്തിയായി വാഴുകയാണ്. ധോണി ചക്രവര്‍ത്തിപോലും ബഹുമാനിക്കുന്ന ധര്‍മരാജാവാണ് സച്ചിന്‍. സാഹീര്‍ രാജാവും ബോംബെ രാജ്യത്തിലെ മറ്റൊരു രാജാവാണ്. ധോണിയുടെ ആക്രമണത്തിന് മുന്നില്‍ നില്‍ക്കുന്ന രാജാവാണ് സഹീര്‍. പിന്നെ യുവരാജാക്കന്മാരില്‍ ഏറ്റവും മുതിര്‍ന്ന യുവരാജാ ഇന്ന് വലിയ രാജാവായിരിക്കുന്നു. എതിര്‍ രാജാക്കന്മാര്‍ക്ക് പേടി സ്വപ്നമായി മാറിയിരിക്കുന്നു യുവ രാജാ.

ധോനിയുടെ ജൈത്രയാത്രയില്‍ ഒരു പന്ത് കൈകൊണ്ടു ഭാഗ്യമായ കേരള രാജ്യത്തെ ശ്രീ രാജാവ് പട്ടാഭിഷേകത്തിന് മുന്നോടിയായുള്ള ലങ്ക ദാഹനത്തില്‍ ഒരു പങ്കായി. രാമ രാവണ യുദ്ധത്തെ സ്മരിപ്പിക്കുന്ന ലങ്ക ദാഹത്തില്‍ ആഞ്ജനേയ രൂപമെടുത്ത ധോണി കുട്ടി കുരങ്ങന്മാരായ മറ്റുള്ളവരെ വളരെ തന്ത്രപൂര്‍വ്വം തിരിച്ചു വിട്ടു. കൊണ്ടും കൊടുത്തും അണ്ണാര കണ്ണനും തന്നാലായത് എന്ന് പറഞ്ഞ പോലെ എല്ലാ വരും തങ്ങളുടെ പങ്കു വളരെ ഭംഗിയായി നിര്‍വഹിച്ചു. ഒടുവില്‍ ലങ്ക ദഹനം കഴിഞ്ഞു ലോക കപ്പുമായി രാമ ലക്ഷ്മണന്‍മാരുമായി ആഞ്ജനേയ ധോണി ഭൂലോക പ്രയാണം നടത്തി.

ഹാപ്പി ദുഷ്യന്തന്‍ ഡേ ( ന്യൂ വാലന്‍ന്റൈന്‍ ഡേ)

2011-02-10T21:26:00.000-08:00

നഗര നാമങ്ങളും പേരുകളും ഭാരത വല്ക്കരിക്കുമ്പോള്‍ കമിതാക്കളുടെ ദിനവും ഭാരത വല്ക്കരിക്കുന്നതില്‍ തെറ്റില്ല. ഒരു വിദേശി അച്ഛന്റെ പേരിലുള്ള കാതലര്‍ ദിനം എന്തിനു നാം ആഘോഷിക്കുന്നു. പ്രണയത്തിന്റെ പ്രതീകങ്ങളായ ശകുന്തളയുടെയും ദുഷ്യന്തന്റെയും പ്രണയകഥ ശാകുന്തളത്തിലൂടെ കാളിദാസന്‍ നമുക്ക് പറഞ്ഞു തന്നിട്ടുള്ളതും കൂടിയാണ്.

എന്നാല്‍ ഒരു പ്രശനം ഏതാണ് ആ ദിവസം? എന്ത്നും ഏതിനും നമുക്ക് ഒരു ദിവസവും ആശംസ കാര്‍ഡും ആവശ്യമാണല്ലോ? ദുഷ്യന്തന്റെ ജന്മ ദിനമോ ശകുന്തളുടെ ജന്മ ദിനമോ അതുമല്ല അവര്‍ തമ്മില്‍ കണ്ട ആ പവിത്രമായ ദിനമോ കണ്ടു പിടിക്കാന്‍ ജോലി തിരക്ക് കാരണം ഈയുള്ളവന് കഴിഞ്ഞതുമില്ല. സാരമില്ല ഈ വര്ഷം ഫെബ്രുവരി 14 തന്നെ ദുഷ്യന്തന്‍ ഡേ ആയി ആഘോഷിച്ചു അടുത്ത വര്ഷം നമുക്ക് പുതിയ കാതലര്‍ ദിനം ( ദുഷ്യന്തന്‍ പ്രണയ ദിനം ) തിയതി കണ്ടെത്തി ആഘോഷിക്കാം.

ദുഷ്യന്ത ശകുന്തള ലവ് സ്റ്റോറി വായിക്കാന്‍ ഇവിടം വരെ പോകുക ശകുന്തള

ശകുന്തള

2011-02-10T21:22:00.000-08:00

ഏറ്റവും ഉയര്‍ന്ന സംസ്ക്കാരവും ഏറ്റവും മികച്ച കുടുംബബന്ധങ്ങളും ഒരുപക്ഷേ ഇവിടെയുള്ളതുപോലെ മറ്റൊരിടത്തും ദര്‍ശിക്കാനാവില്ല.
വേറിട്ട മതസംസ്ക്കാരങ്ങള്‍ നിലവിലുണ്ടായിട്ടും കല്യാണം കഴിച്ച പുരുഷനെ കാണപ്പെട്ട ദൈവമായി കണക്കാക്കുന്ന സ്ത്രീത്വം ഇവിടെയാണ് മികച്ചുനില്‍ക്കുന്നത്. കുഞ്ഞുങ്ങളെ വളര്‍ത്തി വിവാഹപ്രായമെത്തുമ്പോള്‍ മാതാപിതാക്കള്‍ തന്നെ വധുവിനെ, അല്ലെങ്കില്‍ വരനെ കണ്ടെത്തി അവര്‍ക്കൊരു കുടുംബസംവിധാനം ഉണ്ടാക്കി നല്കുന്നതും ഇവിടെമാത്രമുള്ള പാരമ്പര്യമാണ്.
ശകുന്തളയിലേക്കു വന്നാല്‍, കുടുംബജീവിതത്തില്‍ വന്ന ഒരു പാളിച്ചയിലേക്കു വിരല്‍ചൂണ്ടാനിടയാകും വിശ്വാമിത്ര മഹര്‍ഷി ഹിമാലയത്തിലെ മാലനി നദിക്കരയില്‍ കൊടുംതപസനുഷ്ടിക്കുകയായിരുന്നു. പരലോകത്തിലെ ദേവന്മാരെ തോല്പിക്കാനുള്ള ഒരു വരത്തിനുവേണ്ടിയുള്ളതാണ് തപസ്സ്.
ഈ തപസ്സ് മുന്നോട്ടുപോയാല്‍ എപ്പോഴെങ്കിലും ബുദ്ധിമുട്ടു വന്നുചേരുമെന്നു മനസ്സിലാക്കിയ ദേവേന്ദ്രന്‍ തപസ്സ് മുടക്കാന്‍ ദേവലോകത്തിലെ സുന്ദരിയായ മേനകയെ ഭൂമിയിലേക്കയച്ചു.
വെളുത്ത സാരിയുടുത്ത് ചുവന്ന ബ്ലൗസും കിലുങ്ങുന്ന പാദസരവും കൈത്തണ്ടയില്‍ വളകളുമായി മേനക എത്തി തപസനുഷ്ഠിക്കുന്ന വിശ്വാമിത്രനുചുറ്റും കുറെനേരം നൃത്തമാടി. വളകിലുക്കം കേട്ട് ഒന്നു കണ്ണുതുറന്ന വിശ്വാമിത്രന്‍ പിന്നെയും ധ്യാനത്തല്‍ മുഴുകിയെങ്കിലും അതു തുടരാനായില്ല. മുല്ലപ്പൂവിന്റെ പരിമളം പടര്‍ത്തി സമീപത്തുതന്നെ നൃത്തം ചെയ്യുന്ന മേനകയെ പിന്നീട് മഹര്‍ഷി എഴുന്നേറ്റു ചെന്ന് ആലിംഗനം ചെയ്തു.
തപസ്സ് മുടങ്ങിയപ്പോള്‍ ശരീരബോധം മഹര്‍ഷിയെ കീഴടക്കി. രാത്രിയും പകലും ഒന്നിച്ചു കഴിയേണ്ടിവന്ന മേനക മഹര്‍ഷിയില്‍ നിന്നും ഗര്‍ഭവതിയായി, പിന്നെ പ്രസവിച്ചു. പെണ്‍കുഞ്ഞ് തപസ് മുടക്കിയ ശേഷം വന്നതുപോലെ മടങ്ങിപ്പോകേണ്ടിയിരുന്ന മേനകയ്ക്ക് കുഞ്ഞ് ഒരു വിലങ്ങുതടിയായി. അവര്‍ ഒന്നും ചിന്തിക്കാതെ കുഞ്ഞിനെ എടുത്ത് കുറ്റിക്കാട്ടില്‍ കിടത്തിയശേഷം ദേവലോകത്തിലേക്കുപോയി.
കാട്ടിലൂടെ നടക്കുകയായിരുന്ന കണ്വമഹര്‍ഷി കുഞ്ഞിനെ കണ്ട് എടുത്തുകൊണ്ടു പോയി ആശ്രമത്തില്‍ വളര്‍ത്തി. യുവതിയായപ്പോള്‍ അവള്‍ അമ്മയെക്കാള്‍ സുന്ദരിയായ. ആ കുട്ടിയാണു ശകുന്തള.
ഒരു ദിവസം ചന്ദ്രവംശരാജാവായ ദുഷ്യന്തന്‍ വേട്ടയ്ക്കിറങ്ങിയപ്പോള്‍ ഒരു മാനിന്റെ പിന്നാലെ ഓടി. കണ്വാശ്രമവളപ്പില്‍ എത്തിച്ചേര്‍ന്നു. ശകുന്തളയെ കണ്ടപ്പോള്‍ മാനിന്റെ കാര്യം മറന്നു. ദുഷ്യന്തനും സുന്ദരനായിരുന്നു. കണ്വമഹര്‍ഷി ആശ്രമത്തില്‍ ഉണ്ടായിരുന്നില്ല. അതിഥിയെ സല്‍ക്കരിക്കേണ്ട ബാദ്ധ്യത ശകുന്തളയില്‍ വന്നുചേര്‍ന്നു.
അതിഥി പിന്നീട് കണ്വമഹര്‍ഷി വരുംമുന്‍പുതന്നെ ഗാന്ധര്‍വ്വവിധിപ്രകാരം ശകുന്തളയെ വിവാഹം കഴിച്ചു. മഹര്‍ഷി ഉള്ളപ്പോള്‍ മടങ്ങിയെത്താമെന്ന് വാക്കു നല്‍കി ദുഷ്യന്തന്‍ യാത്രപറഞ്ഞു. ഇതിനിടയില്‍ ശകുന്തള ഗര്‍ഭിണിയായിക്കഴിഞ്ഞിരുന്നു.
കണ്വമഹര്‍ഷി വന്നപ്പോള്‍ ശകുന്തളയുടെ തോഴിമാരായ അനസൂയയും പ്രിയംവദയും ഉണ്ടായ സംഭവങ്ങള്‍ അദ്ദേഹത്തെ അറിയിച്ചു. സമാധാനചിത്തനായ കണ്വമഹര്‍ഷി ശകുന്തളയെ കുറ്റപ്പെടുത്തിയില്ല.
ദുഷ്യന്തനെ മാത്രം ധ്യാനിച്ച് ശകുന്തള ആശ്രമവാതിലില്‍ ഇരിക്കുമ്പോള്‍ ക്ഷിപ്രകോപിയായ ദുര്‍വാസാവു മഹര്‍ഷി അവിടെ കയറിവന്നു. ചിന്തയിലായിരുന്നതുകൊണ്ട് ശകുന്തള അതിഥിയെ തിരിച്ചറിയുകയോ ഉപചരിക്കുകയോ ചെയ്തില്ല.
“”ഇവള്‍ ആരേ ഓര്‍മ്മിച്ചുകൊണ്ടിരിക്കുന്നുവോ അയാള്‍ ഇവളെ മറന്നുപോകട്ടെ” എന്ന് ദുര്‍വാസാവു ശപിച്ചു. സംഭവം കണ്ടുനിന്നിരുന്ന അനസൂയയും പ്രിയംവദയും മുന്നോട്ടു നടന്ന അദ്ദേഹത്തിന്റെ പുറകെ ഓടി ശാപമോക്ഷത്തിനായി ഇരന്നു.
എന്തെങ്കിലും അടയാളം കാണിച്ചാല്‍ ഓര്‍മ്മ വരുമെന്ന് ദുര്‍വാസാവു ശാപമോക്ഷം നല്‍കി. തോഴിമാര്‍ ഓടിവന്ന് ദുഷ്യന്തന്‍ സമ്മാനിച്ച മുദ്രമോതിരം വിരലില്‍ ഉണ്ടോ എന്നു പരിശോധിച്ചപ്പോള്‍ അത് യഥാസ്ഥാനത്ത് ഉണ്ടായിരുന്നു.
മോതിരം നഷ്ടപ്പെടാതെ സൂക്ഷിക്കണമെന്ന് തോഴിമാര്‍ പറഞ്ഞെങ്കിലും ശാപം സംബന്ധിച്ച കാര്യങ്ങളൊന്നും ശകുന്തളയോടു പറഞ്ഞില്ല. അതറിഞ്ഞ് വിഷമിക്കേണ്ട എന്നു ധരിച്ചിട്ടായിരിക്കാം. മറവി സംഭവിച്ച ദുഷ്യന്തന്‍ പിന്നെ ശകുന്തളയെ കാണാന്‍ വന്നില്ല.
കണ്വമഹര്‍ഷി ഗര്‍ഭിണിയായ ശകുന്തളയെ ദുഷ്യന്തരാജാവിന്റെ കൊട്ടാരത്തിലേക്കയയ്ക്കാന്‍ നിര്‍ബന്ധിതനായി. കാരണം അവള്‍ പൂര്‍ണ ഗര്‍ഭിണി ആയിക്കഴിഞ്ഞിരുന്നു. ആശ്രമവാസികളായ ഗൗതമിയെയും ശാര്‍ങധരനെയും കൂട്ടി ശകുന്തളയെ അദ്ദേഹം കൊട്ടാരത്തലേക്കയച്ചു. വഴിക്ക് സോമാവതാര തീര്‍ത്ഥത്തില്‍ കൈകാലുകള്‍ കഴുകിയപ്പോള്‍ ശകുന്തളയുടെ വിരലില്‍ കിടന്ന മോതിരം വെള്ളത്തില്‍ പോയി. അവര്‍ അത് അറിഞ്ഞതുമില്ല.
കൊട്ടാരത്തിലെത്തിയ ശകുന്തളയെ ദുഷ്യന്തന്‍ തിരിച്ചറിഞ്ഞില്ല. ശാപം നേരത്തെതന്നെ അദ്ദേഹത്തെ പിടികൂടിയിരുന്നു. പത്തു മാസമായിട്ടും ശകുന്തളയെ ഓര്‍മ്മ വരാതിരുന്നതും ഇതുകൊണ്ടുതന്നെയാണ്. അടയാളം കാണിക്കാന്‍ മുദ്രമോതിരം വിരലില്‍ ഉണ്ടായിരുന്നില്ല. വെറും അപരിചിതനായി പെരുമാറിയ ദുഷ്യന്തനു മുന്നില്‍ മോഹാലസ്യപ്പെട്ടു വീണ ശകുന്തളയെ മേനക കൂട്ടിക്കൊണ്ടുപോയി കശ്യപ മഹര്‍ഷിയുടെ ആശ്രമത്തിലാക്കി.
അവിടെ ശകുന്തളയ്ക്ക് ഒരു ആണ്‍കുഞ്ഞു ജനിച്ചു. മഹര്‍ഷി കുട്ടിക്ക് “സര്‍വ്വദമനന്‍’ എന്നു പേരിട്ടു. രാജതേജസ്സുള്ള കുട്ടി ആശ്രമവാസികള്‍ക്കെല്ലാം പ്രിയങ്കരനായി.
ദുഷ്യന്തരാജാവിനെ കാണാന്‍ പോകുന്നതിനിടയില്‍ കൈകാല്‍ കഴുകാനിറങ്ങിയ സോമാവതാരതീര്‍ത്ഥത്തില്‍ നഷ്ടപ്പെട്ട ശകുന്തളയുടെ മോതിരം ഒരു മത്സ്യം വിഴുങ്ങുകയായിരുന്നു. ഈ മത്സ്യത്തെ പിടിച്ച മുക്കുവന്‍ മത്സ്യത്തിന്റെ വയറ്റില്‍ സ്വര്‍ണ്ണമോതിരം കണ്ട് അതു വില്‍ക്കാന്‍ പോയപ്പോള്‍ പടയാളികള്‍ പിടിച്ചു. രാജാവിന്റെ മുദ്രമോതിരമാണെന്നറിഞ്ഞതുകൊണ്ടാണു പിടിച്ചത്. മോതിരവുമായി പടയാളികള്‍ അയാളെ രാജാവിനു മുന്നില്‍ ഹാജരാക്കി. തന്റെ നിരപരാധിത്വം മുക്കുവന്‍ വെളിപ്പെടുത്ത. മുദ്രമോതിരം കണ്ടപ്പോള്‍ ദുഷ്യന്തരാജാവിന് സംഭവങ്ങള്‍ ഓരോന്നും അടുക്കടുക്കായി ഓര്‍മ്മയിലെത്തി. ശകുന്തളയെ ഓര്‍മ്മിച്ച് അദ്ദേഹം വിഷണ്ണനായി കഴിഞ്ഞുകൂടി.
അവള്‍ക്ക് എന്തു സംഭവച്ചു എന്നറിയാന്‍ പലവഴികളിലൂടെ അന്വേഷിച്ചു. ദേവാസുരയുദ്ധം ആയിടെയാണ് ഉണ്ടായത്. പറക്കുന്ന തേരിലേറി ദേവലോകത്തില്‍ പോയി മടങ്ങുമ്പോള്‍ ഹിമാലയത്തിലെ വനത്തില്‍ ഒരു ബാലന്‍ സിംഹക്കുട്ടിയുമായി ഉല്ലസിക്കുന്നത് ദുഷ്യന്തന്‍ കാണാനിടയായി. തേര് അവിടെ നിറുത്തി കുട്ടിയെ കണ്ട രാജാവ് മാതാപിതാക്കളെപ്പറ്റി അന്വേഷിച്ചു. ബാലന്‍ മാതാവിന്നടുക്കലേക്ക് കൂട്ടിക്കൊണ്ടുപോയി. ദുഷ്യന്തന്‍ ശകുന്തളയെ തിരിച്ചറിയുകയും ആശ്ലേഷിക്കുകയും ചെയ്തു.
മഹര്‍ഷിയുടെ അനുവാദത്തോടെ ശകുന്തളയെയും മകനെയും കൊട്ടാരത്തില്‍ കൊണ്ടുവന്നു. സര്‍വ്വദമനന്‍ എന്ന ഈ കുട്ടിക്ക് ദുഷ്യന്ത മഹാരാജാവു നല്കിയ പേരാണ് ഭരതന്‍. ഭരതചക്രവര്‍ത്തി പിന്നീട് ദീര്‍ഘകാലം രാജ്യം ഭരിച്ചു. ഭരതന്‍ ഭരിച്ച നാടിന് “ഭാരതം’ എന്ന പേരുണ്ടായി.

Courtesy: http://www.keralabhooshanam.com/?p=9760

നവരാത്രി 2010

2010-10-08T20:18:00.001-07:00

2010 ലെ നവരാത്രി സമാഗതമായി. വാഗ്ദേവിയുടെ അനുഗ്രഹം ഏവര്‍ക്കും ഉണ്ടാകട്ടെ എന്ന പ്രാര്‍ഥനയോടെ.

ഒന്‍പതു രാത്രിയും പത്ത് പകലും നീണ്ടുനില്‍ക്കുന്ന നവരാത്രി ഉത്സവം ശക്തിയുടെ ഒന്‍പതു രൂപങ്ങളെ ആരാധിക്കുന്നു. നവരാത്രി ദിവസങ്ങളിലെ ആദ്യത്തെ മൂന്ന് ദിവസം ദേവിയെ പാര്‍വ്വതിയായും അടുത്ത മൂന്ന് ദിവസം ലക്ഷ്മിയായും അവസാനത്തെ മൂന്ന് ദിവസം സരസ്വതിയായും സങ്കല്‍പ്പിച്ചു പൂജ നടത്തുന്നു.

കുട്ടിക്കാലത്ത് പുസ്തകം പൂജയ്ക്ക് വയ്ക്കലും അമ്പലത്തിലെ വിദ്യാരംഭം തുടങ്ങി നവരാത്രിയെ കുറിച്ച് ഒരുപാട് നല്ല ഓര്‍മ്മകള്‍. എഴുത്തിന്റെ ആദ്യാക്ഷരം സ്വര്‍ണത്താല്‍ നാക്കിന്മേല്‍ പകര്‍ന്നു തന്ന ഗുരുവിനെ മനസ്സില്‍ ധ്യാനിച്ച്‌ ഈ വര്‍ഷവും ദേവിയുടെ അനുഗ്രഹത്തിനായി നമുക്ക് പ്രാര്‍ഥിക്കാം.

കലയുടെയും വിദ്യയുടെയും ദേവിയാണ് ദുര്‍ഗാ ദേവി. ജാതി മത ഭേദമന്യേ ദേവിയുടെ അനുഗ്രഹത്തിനായി ആളുകള്‍ കൊല്ലൂരിലേക്ക് മൂകംബികയിലേക്ക് പോകാറുണ്ട്. സിനിമ സംഗീത ലോകത്തെ മഹാരഥന്മാരായ ഇളയരാജയും, യേശുദാസും തുടങ്ങി സംഗീത ലോകത്തെ ഒട്ടനവധി പേര്‍ മൂകാംബിക ദേവിയുടെ ഭക്തന്‍മാരാണ്. നല്ല വാക്കിനും ബുദ്ധിക്കും ഐശ്വര്യത്തിനും സമ്പത്തിനും ദേവിയുടെ അനുഗ്രഹം അനിവാര്യമാണ്.

ഇനിയുള്ള ഒമ്പത് ദിവസം ദേവിയെ ആരാധിക്കാനുള്ള ദിവസങ്ങളാണ്. അടുത്ത് അമ്പലം ഉണ്ടെങ്കില്‍ ദര്‍ശനവും ദാന ധര്‍മ്മങ്ങളും നമ്മുടെ ഐശ്വര്യ വര്‍ധനയ്ക്ക് ആക്കം കൂട്ടുന്നു. വീട്ടില്‍ നെയ്‌ വിളക്ക് തെളിയിച്ചു ദേവി മാഹാത്മ്യവും ലളിത സഹസ്ര നാമവും ജപിച്ചു ദേവിയെ പ്രാര്‍ഥിക്കുന്നവര്‍ക്ക് സകലവിധ ഐശ്വര്യങ്ങളും ദേവി പ്രദാനം ചെയ്യും.

എന്തിരന്‍ ചിന്തിപ്പിക്കുന്നത്

2010-10-03T16:52:00.000-07:00

രജിനി സാറിന്റെ മുന്‍പടങ്ങളില്‍ നിന്നും വ്യത്യസ്തമായി ഒരു ശങ്കര്‍ പടം കണ്ട അനുഭൂതിയാണ് തീയറ്ററില്‍ നിന്നും ഇറങ്ങിയപ്പോള്‍ എനിക്കുണ്ടായത്. ഇത് വരെ അസാധാരണമായി നൂറു പേരെ ഒരേ സമയം കീഴടക്കുന്ന രജിനികാന്തിന്റെ മനുഷ്യനില്‍ നിന്നും നൂറായിരം പേരെ കീഴടക്കുന്ന ഒരു യന്ത്ര മനുഷ്യനെയാണ്‌ ശങ്കറും രജിനി സാറും ചേര്‍ന്ന് ഒരുക്കിയത്.

രാജിനി സാറിന്റെ വാക്കുകള്‍ക്കു കൈ അടിക്കുന്ന ജനത്തിന് പകരം യന്ത്രമനുഷ്യനായി മാറിയ രജിനിയെ അത്ഭുതമായി നോക്കുന്ന പ്രേക്ഷകരെകൊണ്ടാണ് അമേരിക്കന്‍ തീയറ്ററുകളില്‍ യെന്തിരന്‍ ഓടിയത്. തന്റെ സ്വത സിദ്ധമായ സ്റ്റൈല്‍ ഒരു റോബോട്ടിലേക്ക് ആവേശം ചെയ്യുന്ന ഒരു തരാം താന്ത്രിക വിദ്യയാണ് വസീകരന്‍ എന്ന ശാസ്ത്രഞ്ജന്‍ ചെയ്യുന്നത്. നമ്മുടെ പുരാണ ഇതിഹാസങ്ങള്‍ ജെയിംസ്‌ കാമരോനിന് 'അവതാര്'‍ സിനിമയ്ക്ക് പ്രചോദനം ആയതു പോലെ ശങ്കറും ഋഗ്വേദ പുരാണങ്ങള്‍ റെഫര്‍ ചെയ്തതിന്റെ ഒരു ഔട്ട്‌പുട്ട് ആണ് എന്തിരന്‍.

മുഖ്യമായ ഒരു തത്വം വളരെ ഗൌരവമായി അവതരിപ്പിക്കുന്ന ശങ്കറിന്റെ കഴിവിനെ പ്രശംസിക്കാതെ വയ്യ. യെന്തിരന്‍ കാണാന്‍ പോകുന്ന പ്രേക്ഷകര്‍ക്കായി കഥ ഇവിടെ പറയുന്നില്ല. എന്നാലും കലാഭവന്‍ മണിയുടെ കഥപാത്രവും കൊച്ചിന്‍ ഹനീഫയുടെ പോലീസും മലയാളി ടച്ച്‌ എന്തിരന് നല്‍കി.

എന്ത് കൊണ്ടും മുടക്കിയ ഡോളറോ അതില്‍കൂടുതലോ ഈ അണ്ണന്‍ പടം അര്‍ഹിക്കുന്നു.

'യന്ത്ര മനുഷ്യന്‍' (എന്തിരന്‍) റോബോട്ട്

2010-10-02T19:07:00.000-07:00

സൂപ്പര്‍സ്റ്റാര്‍ രജിനി സാറിന്റെ 'യന്ത്ര മനുഷ്യന്‍' (എന്തിരന്‍) റോബോട്ട് എന്ന ഒരു വലിയ സംഭവം ആഗോള തലത്തില്‍ റിലീസായി. തമിഴനും തെലുന്ഗനും മലയാളിയും ഹിന്ദിക്കാരനും ജപ്പാന്കാരനും മാത്രമല്ല സായിപ്പ് വരെ പടം കാണാന്‍ തീയറ്ററില്‍ കുത്തിയിരുപ്പാണ്.

ജെയിംസ്‌ കാമരോണിന്റെ 'അവതാരത്തിന്' കിട്ടിയതിനെക്കാളും ഒരു വലിയ വരവേല്‍പ്പാണ് രജിനി സാറിന്റെ 'എന്തിരന്' കിട്ടി കൊണ്ടിരിക്കുന്നത്. സൌന്ദര്യ റാണി ഐശ്വര്യാ റായി കൂടിചേര്‍ന്നപ്പോള്‍ ശങ്കറിന്റെ ബ്രഹ്മാണ്ട പടത്തിനു എതിരില്ലാതായി.
കൂടുതല്‍ വിവരങ്ങളുമായി നാളെ പടം കണ്ട്...

നമ്പൂതിരി ഫലിതങ്ങളുടെ സാമൂഹിക പ്രസക്തി

2010-09-25T06:22:00.000-07:00

വിഷമ വൃത്താന്തങ്ങളുടെ തിരക്കിനിടയില്‍ അല്‍പനേരം ആശ്വാസത്തിനായി ഫലിതമെന്ന ഒരൊറ്റമൂലിയെ ഉള്ളൂ. കാലദേശഭാഷാ വ്യത്യാസത്തിനനുസരിച്ച് ഫലിതങ്ങളില്‍ മാറ്റം വരുമെങ്കിലും അതിന്റെ സ്ഥായിയായ ഉദ്ദേശം ഒന്ന് തന്നെയാണ്. ചാനല്‍ റിയാലിറ്റി കോമഡി ഷോകള്‍ അരങ്ങു തകര്‍ക്കുമ്പോഴും നമ്പൂതിരി ഫലിതം മുതല്‍ സര്‍ദാര്‍ ജോക്സ് വരെ നിരവധി ഫലിതങ്ങള്‍ ജനങ്ങള്‍ ഇപ്പോഴും ഓര്‍ക്കുകയും ഇന്‍റര്‍നെറ്റില്‍ തിരയുകയും ചെയ്യുന്നു.

ഫലിതങ്ങള്‍ നമ്മളെ ചിരിപ്പിക്കുക മാത്രമല്ല ചിന്തിപ്പിക്കുകയും ചെയ്യും. അതിനു ഉദാഹരണമാണ് നമ്പൂതിരി ഫലിതങ്ങള്‍. സ്വയം വിഡ്ഢിയായി അഭിനയിച്ചു മറ്റുള്ളവരെ ചിന്തിപ്പിക്കുക എന്ന ഒരു രീതിയായാണ് നമ്പൂതിരി ഫലിതങ്ങളില്‍ അവലംബിച്ച് കാണുന്നത്.

സമൂഹത്തിലെ ഓരോ തലത്തിലെയും അപാകതകളെ ഫലിതത്തിലൂടെ ആക്ഷേപിക്കുന്ന ഒരു നയമാണ് നമ്പൂതിരി ഫലിതങ്ങളില്‍ സ്വീകരിക്കുന്നത്.

മഞ്ഞെലിയുടെ തെളിവെടുപ്പ്

2010-08-18T17:47:00.000-07:00

ഈ കഥ നടക്കുന്നത് ബ്ലോഗശ്ശേരിയിലാണ്. ബ്ലോഗങ്ങാടി വഴി ബ്ലോഗര് കുന്നു കയറിയാല്‍ ബ്ലോഗാശ്ശേരിയില്‍ എത്താം. എല്ലാ ബ്ലോഗ്‌ റിപ്പോര്‍ട്ടര്‍മാരും ബ്ലോഗാശ്ശേരിയുടെ മതില്‍ കെട്ടിനുള്ളിലേക്ക് ലാപ്ടോപ്പ്മായി നോക്കി നില്‍ക്കാന്‍ തുടങ്ങി ആഴ്ച ഒന്നായി.

എല്ലാ ദിവസവും ബ്ലോഗന്മാരെ പറ്റിച്ചു മഞ്ഞെലി മാളത്തില്‍ ഒളിക്കും. ഇന്ന് വരും നാളെ വരും എന്ന പ്രതീക്ഷയുമായി കാത്തു നില്‍ക്കുന്ന ബ്ലോഗലൂര് വീട്ടിലെ പൂച്ചയും. എന്നാല്‍ ബ്ലോഗളം വീട്ടിലെ പൂച്ചയുടെ സഹായമില്ലാതെ മഞ്ഞെലിയെ പിടിക്കാന്‍ ബ്ലോഗലൂര് പൂച്ചക്ക് ആവില്ല താനും. പൂച്ചയുടെ വര്‍ഗ്ഗം ഒന്നാണെങ്കിലും പൂച്ചക്ക് ഏതു വീട്ടിലാണോ അവര്‍ തങ്ങുന്നത് എങ്കില്‍ ആ വീട്ടുകാരന്റെ ആഞ്ഞ കേള്‍ക്കാതിരിക്കാന്‍ പറ്റില്ലല്ലോ? ബ്ലോഗളം വീട്ടിലെ പൂച്ചക്ക് മഞ്ഞെലിയെ പിടിക്കാന്‍ ബ്ലോഗദേരിയുടെ അഞ്ഞ വേണം അല്ലെങ്കില്‍ തൊപ്പി തെറിക്കും.

ബ്ലോഗലൂര് വീട്ടിലെ പൂച്ചക്ക് ബ്ലോഗാചാര്യയുടെ നിര്‍ദ്ദേശം അനുസരിക്കാതിരിക്കാനും പറ്റില്ല. ബ്ലോഗലൂര് കോടതിയുടെ ഉത്തരവാണ്. അത് തെറ്റിച്ചാല്‍ ബ്ലോഗാചാര്യ അല്ല ബ്ലോഗദേരി ആണെങ്കിലും അകത്താവും. വെറുതെ ഒരെലിക്കായി എന്തിനു ജീവിതം നശിപ്പിക്കണം.

ബ്ലോഗലൂര് പൂച്ചയും ബോഗളം പൂച്ചും തമ്മില്‍ വഴക്കായി അത് ബ്ലോഗലൂര് വീടും ബ്ലോഗളം വീടും തമ്മിലുള്ള ഒരു വഴക്കായി മാറാന്‍ തുടങ്ങി. ഇങ്ങനെ വേറൊരു എലിക്കായി ബ്ലോഗളം പൂച്ച ബ്ലോഗലൂര് പോകേണ്ടി വന്നാല്‍ എലിയെ നടത്തുന്നതിനേക്കാള്‍ നടത്തും. എന്ന ബോധം ബ്ലോഗദേരിയെ ചിന്തിപ്പിച്ചു. എന്നാലും ബ്ലോഗദേരി മഞ്ഞെലിയെ രക്ഷിക്കാന്‍ നോക്കി. കാര്യം എലിയും പൂച്ചയും ആയാലും ചിലപ്പോള്‍ ബ്ലോഗദേരിക്ക് മഞ്ഞെലിയുടെ സഹായം കിട്ടിയിട്ട്ണ്ട്. അത് മറക്കാന്‍ പറ്റില്ലല്ലോ? ബ്ലോഗദേരിയും ബ്ലോഗാചാര്യയും ശണ്ട പിടിക്കുമ്പോഴും ബ്ലോഗത്തലയും ബ്ലോഗന്‍ മാണ്ടിയും കലക്ക വെള്ളത്തില്‍ എലിയെ പിടിക്കാന്‍ തക്കം പാര്‍ത്തിരിക്കുകയാണ് എന്നത് ബ്ലോഗന്മാര്‍ റിപ്പോര്‍ട്ട്‌ ചെയ്തു കൊണ്ടിരുന്നു.

ബ്ലോഗാനെറ്റ്, ബ്ലോഗ്‌ വിഷനും ചാകര കിട്ടിയ സന്തോഷത്തിലാണ്. ഒന്നും കിട്ടാതെ നടന്നപ്പോള്‍ കിട്ടിയ ചാകര. ബൂലോകത്തെ എല്ലാ ബ്ലോഗറും സശ്രദ്ധം കാഴ്ചകള്‍ വീക്ഷിക്കുന്നുണ്ടായിരുന്നു. എലിയുടെയും പൂച്ചയുടെയും സപ്പോര്‍ട്ട് ചെയ്തു പോസ്റ്റുകളും പോസ്റ്റി.

ഒരാഴ്ചത്തെ നീണ്ട ചാകരക്ക് ഒടുവില്‍ ബ്ലോഗലൂര് പൂച്ച മഞ്ഞെലിയെ പിടിച്ചു. പിടിച്ചതും ബ്ലോഗളം പൂച്ച പ്രസ്താവനയുമായി എത്തി മഞ്ഞെലിയെ പിടിക്കാന്‍ ബ്ലോഗളം പൂച്ച സഹായിച്ചു.

ഇനി മഞ്ഞെലിയുടെ തെളിവെടുപ്പ് മറ്റൊരു ലക്കത്തില്‍...

അമേരിക്കയിലെ വേദ പട്ടണം

2010-08-09T17:35:00.000-07:00

ഡോക്ടര്‍ ഗില്ലിന്റെ വാക്കുകളില്‍ പറഞ്ഞാല്‍ അമേരിക്ക ഇന്ത്യക്ക് കയറ്റുമതി ചെയ്തത് McDonalds ആണെങ്കില്‍ ഇന്ത്യ അമേരിക്കക്ക് കയറ്റുമതി ചെയ്തത് വേദമാണ് (അറിവാണ്).

അയോവയിലെ എയിംസ് പട്ടണത്തില്‍ നിന്ന് st. Louis ലേക്കുള്ള മടക്ക യാത്രയില്‍ ഏകദേശം 160 മയില്‍ അകലെയുള്ള ഒരു പട്ടണം ആണ് മഹര്‍ഷി വേദിക് സിറ്റി. 2001- ലാണ് മഹര്‍ഷി വേദിക് സിറ്റി Iowa സംസ്ഥാനത്ത് ഔദ്യോഗികമായി ഉള്‍പ്പെടുത്തിയത്. തികച്ചും വേദ സംസ്കാരം പുലര്‍ത്തുന്ന ഒരു സിറ്റി ആണ് മഹര്‍ഷി വേദിക് സിറ്റി, അയോവ.

യാത്രമദ്ധ്യേ വേദിക് സിറ്റി കാണാനുള്ള ഭാഗ്യം ഒരു ദൈവാനുഗ്രഹമാണ്. ഗൂഗിള്‍ മാപ്പിനെ പിന്തുടര്‍ന്ന് വേദിക് സിറ്റിയുടെ മധ്യത്തില്‍ എത്തിയപ്പോള്‍ കണ്ട capitol എന്ന സ്ഥപത്യ വേദ മാതൃകയില്‍ നിര്‍മ്മിച്ച കെട്ടിടത്തിന്റെ അകത്തേക്ക് കടക്കാനായി നില്‍ക്കുമ്പോള്‍ ഒരു സായിപ്പ് അകത്തേയ്ക്ക് വരാന്‍ സ്വാഗതം ചെയ്തു. ശ്രീ ശങ്കരന്റെ നാട്ടില്‍ നിന്നും വന്ന ഞാന്‍ സ്വല്പം അഭിമാനത്തോടെ പറഞ്ഞു കേരളത്തില്‍ നിന്നാണ്.

തികച്ചും സസ്യാഹാരം മാത്രം കഴിക്കുന്ന ഒരു പട്ടണവാസികളാണ് വേദിക് പട്ടണത്തിന്റെ പ്രത്യോകത. എല്ലാ കെട്ടിടങ്ങളും സ്ഥപത്യ വേദ മാതൃകയിലും. തികച്ചും പോസിറ്റീവ് എനര്‍ജി തങ്ങി നില്‍ക്കുന്ന ഒരു പട്ടണം.

കഴിക്കാന്‍ സസ്യാഹാരവും പാനീയവും നല്‍കി ഡോക്ടര്‍ ഗില്‍ നഗരം കാണാന്‍ ആയി ക്ഷണിച്ചു. അദ്ദേഹത്തിന്റെ കൂടെ മഹര്‍ഷി പട്ടണം കാണാന്‍ പോയി. ആദ്യമായി കണ്ടത് 1000 ബ്രാഹ്മണര്‍ താമസിച്ചു അഭിഷേകവും ഹോമവും പൂജയും നിര്‍വഹിക്കുന്ന മണ്ഡപങ്ങള്‍ ആണ്. ഇന്ത്യയില്‍ നിന്നും വന്ന ബ്രാഹ്മണര്‍ ലോക നന്മക്കായി ദിവസവും വേദ മന്ത്രങ്ങള്‍ ഉരുവിടുന്ന ആ മണ്ഡപങ്ങള്‍ ആ പട്ടണത്തെ തന്നെ പോസിറ്റീവ് എനര്‍ജിയുള്ളതാക്കുന്നു.

വേദ പട്ടണത്തിലെ എല്ലാ കെട്ടിടങ്ങളും വാസ്തു പരമായി പണിതിട്ടുള്ളവയാണ്. വിദ്യാലയങ്ങളും കലാലയങ്ങളും കായിക പരിശീലനവും എല്ലാം വേദിക് പട്ടണത്തില്‍ ഉണ്ട്. സസ്യാഹാരം മാത്രം ലഭിക്കുന ഹോട്ടലുകള്‍, വിമാനത്താവളം, ആയുര്‍വേദ ആശുപത്രി ഇവയെല്ലാം ഈ പട്ടണത്തില്‍ ഉണ്ട്.

നാം നമ്മുടെ സംസ്കാരത്തെ തള്ളിപ്പറയുമ്പോള്‍ അത് സംരക്ഷിക്കാന്‍ പാടുപെടുന്ന വെള്ളക്കാരെയാണ് അവിടെ കാണാന്‍ കഴിഞ്ഞത്.

ഐഡിയ സ്റ്റാര്‍ സിങ്ങര്‍ വിജയവും പരാജയവും

2010-08-01T17:10:00.000-07:00

മത്സരം കഴിഞ്ഞു വിജയിയെ പ്രഖ്യാപിക്കുകയും ചെയ്തു. ജോബി ജോണ്‍ എന്ന പാവപ്പെട്ട പാട്ടുകാരന്‍ കോടിപതിയായി ജനഹൃദയങ്ങളില്‍ വാഴുമ്പോഴും ജനം വിജയിയാവാന്‍ കൊതിച്ച അഞ്ജുവും, ശ്രീനാഥും, പ്രീതിയും, വിദ്യയും എല്ലാം വിജയിയാവാന്‍ അര്‍ഹിക്കപ്പെട്ടവര്‍ തന്നെ സത്യം പിന്നെയും ബാക്കിയാവുന്നു.

അര്‍ഹതപ്പെട്ട ഒരുപാട് പേരെ പിന്തള്ളിയാണ് റിയാലിറ്റി ഷോവില്‍ ഈ അഞ്ചുപേര്‍ ഗ്രാന്‍ഡ്‌ ഫിനാലെ വരെയെത്തിയത്. ശുദ്ധ സംഗീതത്തെ മറന്നു ഒരു കൂത്ത്‌ പാട്ടുകാരെ സൃഷ്ടിക്കുക ആണോ ഈ സ്റ്റാര്‍ സിങ്ങര്‍ എന്ന സംശയവും ബാക്കിയാവുന്നു.

വിജയിയാവാന്‍ എന്താണ് മാനദണ്ഡം എന്നത് പ്രേക്ഷകരില്‍ സംശയത്തിന്റെ വിത്ത് പാകിയിരിക്കുകയാണ്. ദയ ആണോ, സൌന്ദര്യമാണോ, തമിഴ് ടപ്പാം കൂത്താണോ, ശുദ്ധ സംഗീതമാണോ, ആട്ടമാണോ, പട്ടിണിയാണോ, അതോ ജാതിയോ മതമോ?

ഒരു വര്‍ഷത്തില്‍ കൂടുതല്‍ പ്രേക്ഷകരെ സന്തോഷിപ്പിച്ച ഒരു പ്രോഗ്രാം അവസാനം പ്രേക്ഷകര്‍ വെറുക്കുന്നത് ആയാണ് കഴിഞ്ഞ രണ്ടു മൂന്നു സീസണ്‍ സ്റ്റാര്‍ സിങ്ങര്‍ ഫൈനലില്‍ കാണാന്‍ കഴിഞ്ഞത്. ഈ വര്‍ഷം എങ്ങനെയായിരുന്നു എന്ന് വിലയിരുത്തേണ്ടതും ജനങ്ങള്‍ തന്നെയാണ്.

കണ്ണന്റെ പാട്ട്‌ കേട്ട്‌ രാധിക ജീവിതത്തിലേക്ക്‌

2010-07-28T20:07:00.000-07:00

ആധുനികശാസ്ത്രം പരാജയപ്പെട്ടിടത്ത്‌ സംഗീത ശുശ്രൂഷയിലൂടെ പുതുജീവന്‍ ലഭിച്ച രാധികയുടെ ചലനങ്ങള്‍ ഡോ. ഗിരിജാമോഹന്‌ ആത്മ സംതൃപ്തിയായി. ആശുപത്രി കിടക്കയില്‍ രണ്ടര മാസത്തോളം അബോധാവസ്ഥയില്‍ കഴിഞ്ഞിരുന്ന തന്റെ രോഗി സംഗീത ചികിത്സയിലൂടെ ജീവിതത്തിലേക്ക്‌ മടങ്ങിവന്നപ്പോള്‍ മറ്റാരേക്കാളും സന്തോഷിച്ചത്‌ ഡോ.ഗിരിജയാണ്‌. തൃക്കുന്നപ്പുഴ കളരിക്കല്‍ മഠത്തില്‍ മത്സ്യ തൊഴിലാളിയായ രാജുവിന്റെ മകള്‍ രാധിക (8)യാണ്‌ പാട്ടിലൂടെ ജീവിതത്തിലേക്ക്‌ മടങ്ങിവരുന്നത്‌.

ആലപ്പുഴ മെഡിക്കല്‍ കോളേജ്‌ ആശുപത്രിയിലെ പീഡിയാട്രിക്‌ തീവ്രപരിചരണ വിഭാഗത്തില്‍ ആധുനിക വൈദ്യശാസ്ത്രത്തിന്‌ പോലും ചോദ്യചിഹ്നമായി ജീവച്ഛവമായി കഴിഞ്ഞ കുട്ടിയുടെ നില മ്യൂസിക്‌ തെറാപ്പിയിലൂടെ മെച്ചപ്പെടുത്താന്‍ കഴിഞ്ഞതിന്റെ സന്തോഷം പീഡിയാട്രിക്‌ വിഭാഗം മേധാവി ഡോ.ഗിരിജാ മോഹന്‍ മറച്ചുവെക്കുന്നില്ല.രണ്ടാംക്ലാസ്‌ വിദ്യാര്‍ഥിനിയായ രാധികയെ കഴിഞ്ഞ മെയ്‌ 10നാണ്‌ അബോധാവസ്ഥയില്‍ ആശുപത്രിയില്‍ പ്രവേശിപ്പിച്ചത്‌. കളിക്കുന്നതിനിടെ ഷാള്‍ കഴുത്തില്‍ കുരുങ്ങി ശ്വാസതടസമുണ്ടായി അബോധാവസ്ഥയിലാകുകയായിരുന്നു. തീവ്രപരിചരണ വിഭാഗത്തില്‍ പ്രവേശിപ്പിച്ച കുട്ടി മരുന്നുകളോട്‌ പ്രതികരിക്കാതെ തളര്‍ന്ന അവസ്ഥയിലായിരുന്നു. അച്ഛനേയും അമ്മയേയും സഹോദരിമാരെ പോലും കുട്ടിക്ക്‌ തിരിച്ചറിയാന്‍ കഴിഞ്ഞില്ല. ആധുനിക വൈദ്യശാസ്ത്രം പരാജയപ്പെട്ടിടത്ത്‌ സംഗീതത്തെ ആശ്രയിക്കാന്‍ ഡോക്ടര്‍ തീരുമാനിക്കുകയായിരുന്നു. ഇത്‌ സംബന്ധിച്ച്‌ ഇന്റര്‍നെറ്റിലൂടെ ലഭിക്കാവുന്ന പരമാവധി വിവരങ്ങള്‍ ശേഖരിച്ചു. പിന്നീട്‌ ശാസ്ത്രീയ സംഗീതം നിശ്ചിത സമയം കുട്ടിയെ കേള്‍പ്പിച്ചു.

അമ്പലപ്പുഴ ഉണ്ണിക്കണ്ണന്‍ എന്ന പാട്ട്‌ കുട്ടിക്ക്‌ വളരെ ഇഷ്ടമായിരുന്നുവെന്ന്‌ വീട്ടുകാര്‍ പറഞ്ഞതിന്റെ അടിസ്ഥാനത്തില്‍ ഈ പാട്ടും കുട്ടിയെ നിരന്തരം കേള്‍പ്പിച്ചു. ക്രമേണ കുട്ടിയുടെ നില മെച്ചപ്പെട്ടു. ഇപ്പോള്‍ ഈ പാട്ട്‌ രാധികയും പാടിത്തുടങ്ങി. പാട്ട്‌ എപ്പോഴും കേള്‍ക്കണമെന്നും ആവശ്യപ്പെടുന്നു. ബോധം തിരിച്ചുലഭിച്ച കുട്ടി അച്ഛനേയും അമ്മ മഞ്ജുവിനേയും സഹോദരിമാരായ രാജിമോള്‍ (10), രഞ്ജിത (2) എന്നിവരെയും തിരിച്ചറിഞ്ഞു. ഇപ്പോള്‍ മരുന്നുകളോടും പ്രതികരിച്ച്‌ തുടങ്ങി. സംഗീതം അമൂല്യ സിദ്ധൗഷധം തന്നെയെന്ന്‌ തെളിയിക്കുന്നതാണ്‌ രാധികയുടെ അനുഭവം.

Courtesy : News Link here

കിനാവിലെ കിനാവ്‌....

2010-07-28T19:51:00.000-07:00

ഇന്ന് നാം കാണുന്ന കേരളം നിജമാണോ? അല്ലെന്നു പറഞ്ഞാല്‍ ആര് വിശ്വസിക്കും. കാരണം നാം എല്ലാം ഒരു സ്വപ്ന ലോകത്തിനുള്ളിലെ സ്വപ്ന ലോകത്താണ്. അതാണ്‌ വാസ്തവം. കള്ളവും ചതിയും ഇല്ലാതിരുന്ന കേരളത്തില്‍ നാം കാണുന്നതെല്ലാം മായയെന്ന ഒരു യാഥാര്‍ത്ഥ്യം നാം അറിഞ്ഞു തുടങ്ങിയപ്പോള്‍ ഒരു സ്വപ്നം ആരംഭിച്ചു. അതിങ്ങനെ നീണ്ടു പോകുന്നൂ.. കിനാവിനുള്ളിലെ കിനാവില്‍ മറ്റൊരു കിനാവായി വന്നു പാന്റും സൂട്ടും അണിഞ്ഞ മറ്റൊരു സ്വപ്നം. എന്തിനോ തേടിയുള്ള ഒരന്തമില്ലാത്ത യാത്രയില്‍ മലയാളിയും ഒരു ഭാഗമായി.
മലയാളിക്ക് അന്യമായ പലതും മലയാളിയുടെതായി... ബോളിവുഡിലും മറ്റും പരിചിതമായ പലതും മലയാളിയുടെ സ്വപ്നത്തിലും വന്നു.. മനുഷ്യന്‍ മറ്റൊരു മനുഷ്യനെ കൊന്നു രസിക്കുന്ന കാടത്ത സ്വഭാവവും മനുഷ്യന്റെ സ്വപ്നത്തില്‍ അലിഞ്ഞു ചേര്‍ന്നു.

ഈ സ്വപ്നതിനുള്ളിലെ സ്വപ്നത്തില്‍ നിന്ന് മലയാളിക്ക് മോചനം ഉണ്ടോ?...

തീവ്രവാദം കോണ്‍ഗ്രസിന്റെ ഉറക്കം കെടുത്തുന്നു; മുഖ്യമന്ത്രിയുടെ പ്രസ്‌താവന അവരെ കുടുക്കിലാക്കി..

2010-07-28T05:36:00.000-07:00

തീവ്രവാദം കോണ്‍ഗ്രസിന്റെ ഉറക്കം കെടുത്തുന്നു. നിലപാടിന്‌ വ്യക്‌തത വരുത്താനാകാതെ നേതൃത്വം വിയര്‍ക്കുന്നു. തീവ്രവാദസംഘടനകളുമായി യാതൊരു ബന്ധവുമില്ലെന്ന്‌ പ്രഖ്യാപിച്ചെങ്കിലും പാര്‍ട്ടിക്കുള്ളില്‍ തന്നെ ഇതിന്‌ പൂര്‍ണ്ണ പിന്തുണ ലഭിച്ചിട്ടില്ല. പോപ്പുലര്‍ ഫ്രണ്ടുപോലുള്ള സംഘടനകളുടെ വോട്ട്‌ വേണ്ടെന്ന്‌ പറയാന്‍ കൂട്ടാക്കാത്തത്‌ കോണ്‍ഗ്രസിന്‌ തിരിച്ചടിയായിട്ടുണ്ടെന്നും ഒരു വിഭാഗം നേതാക്കള്‍ വ്യക്‌തമാക്കുന്നുണ്ട്‌.

പോപ്പുലര്‍ ഫ്രണ്ടിനെതിരെ കടുത്ത ആരോപണങ്ങളുമായി മുന്നോട്ടുവന്ന മുഖ്യമന്ത്രി വി.എസ്‌. അച്യൂതാനന്ദന്‍ അക്ഷരാര്‍ത്ഥത്തില്‍ ഇക്കാര്യത്തില്‍ കോണ്‍ഗ്രസിനെ വെട്ടിലാക്കിയിരിക്കുകയാണ്‌. ഇക്കാര്യത്തില്‍ സി.പി.എം സംഘടനാസംവിധാനത്തിന്റെ പൂര്‍ണ്ണപിന്തുണയും മുഖ്യമന്ത്രിക്കുണ്ട്‌.

പോപ്പുലര്‍ ഫ്രണ്ടിനെതിരെയുള്ള പ്രസ്‌താവന മുസ്ലിം സുമദായത്തിനെ ഒന്നടങ്കം ബാധിക്കുന്നതല്ലെന്ന മുഖ്യമന്ത്രിയുടെ വിശദീകരണവും വ്യക്‌തമായ നിലപാടിനെയാണ്‌ സൂചിപ്പിക്കുന്നത്‌. ഇക്കാര്യത്തിലൊന്നും പ്രതിരോധിക്കാനാകാത്ത നിലയില്‍ പരുങ്ങുകയാണ്‌ യു.ഡി.എഫ്‌ പ്രത്യേകിച്ചും കോണ്‍ഗ്രസ്‌.

കടുത്ത നിലപാട്‌ മുസ്ലീം സമുദായത്തിനെ ഒന്നടങ്കം തങ്ങള്‍ക്ക്‌ എതിരാക്കുമോയെന്നാണ്‌ കോണ്‍ഗ്രസിന്റെ ഭയം. കഴിഞ്ഞ ആഴ്‌ചയില്‍ തലസ്‌ഥാനത്ത്‌ ചേര്‍ന്ന കെ.പി.സി.സി. ഭാരവാഹികളുടെ യോഗത്തില്‍ പോപ്പുലര്‍ ഫ്രണ്ടിനോടുള്ള നിലപാട്‌ ചര്‍ച്ചാവിഷയമായിരുന്നു. അതേ തുടര്‍ന്നാണ്‌ അവരുമായി യാതൊരു ബന്ധവുമില്ലെന്ന്‌ കെ.പി.സി.സി. പ്രസിഡന്റ്‌ പറയാന്‍ തയാറായത്‌. എന്നാല്‍ അതില്‍പ്പോലും രണ്ടുപക്ഷമുണ്ടായിരുന്നു. അത്ര കടുത്ത നിലപാട്‌ സ്വീകരിക്കേണ്ടെന്നാണ്‌ മറുപക്ഷത്തിന്റെ അഭിപ്രായം. ഇതാണ്‌ നിയമസഭയില്‍ മുഴങ്ങിക്കേള്‍ക്കുന്നത്‌. ആര്യാടന്‍ മുഹമ്മദ്‌ ഒഴികെ ആരും ഇതുവരെ വ്യക്‌തമായ ഒരു നിലപാട്‌ വെളിവാക്കാന്‍ നിയമസഭയില്‍ തയാറായിട്ടില്ല.

ഇന്നലെ സംസാരിച്ച പ്രതിപക്ഷനേതാവ്‌ ഉമ്മന്‍ചാണ്ടി ഇക്കാര്യത്തില്‍ സഭയില്‍ നടത്തിയ പരാമര്‍ശങ്ങള്‍ വളരെ ദുര്‍ബലമായിരുന്നു. പോലീസ്‌ നല്‍കിയ രഹസ്യവിവരം മുഖ്യമന്ത്രി പരസ്യമായി പറഞ്ഞത്‌ ശരിയല്ലെന്ന വിമര്‍ശനമാണ്‌ അദ്ദേഹം ഉയര്‍ത്തിയത്‌. എന്നാല്‍ വ്യക്‌തമായി ഒരു നിലപാട്‌ പറയാനും അദ്ദേഹം തയാറായില്ല.

ഇത്‌ കോണ്‍ഗ്രസിനുള്ളില്‍ തമ്മില്‍പ്പോര്‌ രൂക്ഷമാക്കിയിട്ടുണ്ടെന്ന്‌ മാത്രമല്ല, പി.ഡി.പി ബാന്ധവം ഉയര്‍ത്തിക്കാട്ടി ഇടുതുമുന്നണിയെ പ്രതിക്കൂട്ടിലാക്കാനുള്ള കോണ്‍ഗ്രസ്‌ ശ്രമവും ഇതിലൂടെ പരാജയപ്പെട്ടു. കൂടാതെ തീവ്രവാദ വിവരങ്ങള്‍ പുറത്തുവന്നയുടനെ സി.പി.എം സ്വീകരിച്ച നടപടികളും അവര്‍ക്കുണ്ടായിരുന്ന പേരുദോഷം മാറ്റാന്‍ ഉപകരിച്ചുവെന്നും കോണ്‍ഗ്രസില്‍ വിലയിരുത്തലുണ്ട്‌. മാറാട്‌ സംഭവത്തില്‍ നടപടി സ്വകരിക്കാന്‍ അന്നത്തെ സര്‍ക്കാര്‍ മടിച്ചുനിന്നപ്പോഴാണ്‌ ഇപ്പോഴത്തെ ഈ നടപടികളെന്നും അവര്‍ പറയുന്നു. ഇത്‌ മുസ്ലീം സമുദായത്തില്‍ തന്നെ സി.പി.എമ്മിന്‌ സ്വീകാര്യത ഉണ്ടാക്കിയിട്ടുമുണ്ട്‌.

മുസ്ലീംലീഗ്‌ പോപ്പുലര്‍ ഫ്രണ്ടുമായി യാതൊരു ബന്ധവുമില്ലെന്ന്‌ വ്യക്‌തമാക്കിയിട്ടുണ്ടെങ്കിലും അവരില്‍ ഒരു വിഭാഗത്തിന്‌ ഇപ്പോഴും ഈ സംഘടനകളോട്‌ മൃദുസമീപനമാണുള്ളത്‌. അതുകൊണ്ടുതന്നെ എന്തുചെയ്യണമെന്നറിയാതെ വിഷമിക്കുകയാണ്‌ ലീഗും. ഈ വിഷമതയാണ്‌ കോണ്‍ഗ്രസിനേയും പിടികൂടിയിട്ടുള്ളത്‌. ഒരിക്കലും പോപ്പുലര്‍ ഫ്രണ്ടുമായി ഒരു ബന്ധവുമുണ്ടായിട്ടില്ലെന്ന്‌ പറയുന്ന കോണ്‍ഗ്രസ്‌ തങ്ങള്‍ക്ക്‌ അവരുടെ വോട്ട്‌ വേണ്ടെന്ന്‌ വ്യക്‌തമാക്കുന്നുമില്ല. വോട്ടിന്റെ കാര്യം ചോദിക്കുമ്പോള്‍ അതില്‍ നിന്നും ഒഴിഞ്ഞുമാറാനാണ്‌ അവര്‍ ശ്രമിക്കുന്നത്‌. നിരോധനത്തിന്റെ കാര്യത്തില്‍പ്പോലും ഇതില്‍ രണ്ടഭിപ്രായമുണ്ട്‌. നിരോധിച്ചാല്‍ പിന്തുണയ്‌ക്കുമെന്ന്‌ രമേശ്‌ ചെന്നിത്തല അടിച്ചു പറയുമ്പോള്‍ മറുപക്ഷം മൗനത്തിലാണ്‌. മാത്രമല്ല ഭൂരിപക്ഷ വര്‍ഗ്ഗീയത വളര്‍ത്താനാണ്‌ സി.പി.എം ഈ നിലപാട്‌ സ്വീകരിച്ചിട്ടുള്ളതെന്ന യു.ഡി.എഫിന്റെ വാദത്തിനും കോണ്‍ഗ്രസിനുള്ളില്‍ തന്നെ എതിര്‍പ്പുണ്ട്‌. അങ്ങനെയെങ്കില്‍ കോണ്‍ഗ്രസിന്റെ നിലപാട്‌ ന്യൂനപക്ഷ വര്‍ഗ്ഗീയത വളര്‍ത്തുമെന്ന്‌ അവര്‍ ചൂണ്ടിക്കാട്ടുന്നു. ഇന്നുവരെ എന്‍.ഡി.എഫും പോപ്പുലര്‍ ഫ്രണ്ടും തങ്ങള്‍ക്ക്‌ വോട്ടുചെയ്‌തിട്ടില്ലെന്ന്‌ പറയുന്നവര്‍ കിട്ടാത്ത വോട്ട്‌ വേണ്ടെന്ന്‌ പറയേണ്ട കാര്യമില്ലെന്നെങ്കിലും വ്യക്‌തമാക്കണമായിരുന്നെന്നും അഭിപ്രായമുയരുന്നുണ്ട്‌. മറിച്ച്‌ മുഖ്യമന്ത്രിയുടെ പ്രസ്‌താവനയെ വളച്ചൊടിച്ച്‌ നേട്ടം കൊയ്യാനുള്ള നീക്കം പ്രതികൂലമായി ബാധിക്കുമെന്നും ഇക്കൂട്ടര്‍ ചൂണ്ടിക്കാട്ടുന്നു.

Read More at Mangalam തീവ്രവാദം കോണ്‍ഗ്രസിന്റെ ഉറക്കം കെടുത്തുന്നു;

മാതൃ......മി പത്രത്തിന് ഹിഡ്ഡണ്‍ അജന്‍ഡയുണ്ടോ?

2010-07-27T20:25:00.001-07:00

കേരളത്തിലെ ഒരു മുഖ്യ( മാതൃ......മി) പത്രത്തിന് ഹിഡ്ഡണ്‍ അജന്‍ഡയുണ്ടോ? ഈയിടെ ആ പത്രത്തില്‍ വന്ന ചര്‍ച്ചയെ ( മുഖ്യമന്ത്രിക്ക് ഹിന്ദുത്വ അജന്‍ഡയുണ്ടോ?) കുറിച്ച് നിങ്ങളുടെ അഭിപ്രായം..

തിരുമാന്ധാംകുന്ന് പൂരംപുറപ്പാടിന് തുടക്കമായി

2010-03-23T19:29:00.000-07:00

ആറാട്ടെഴുന്നള്ളിപ്പിന്റെ ചാരുതയില്‍ ഭക്തിയുടെ നിറവില്‍ സമ്മേളിച്ച തിരുമാന്ധാംകുന്ന് പൂരം പുറപ്പാടിന് പതിനായിരങ്ങള്‍ സാക്ഷിയായി. കൊടുംചൂടിനെ വകവെയ്ക്കാതെ പുറപ്പാട് ദിവസത്തെ ദര്‍ശനത്തിനെത്തിയ ജനങ്ങള്‍ അങ്ങാടിപ്പുറത്ത് ഭക്തിയുടെ സാഗരം തീര്‍ത്തു.

തിടമ്പ് ആറാട്ടിനായി ആനപ്പുറത്തേറ്റിയപ്പോള്‍ കോമരങ്ങളുടെ 'ഹിയ്യോ' വിളികളാലും ഭക്തരില്‍ നിന്നുതിര്‍ന്ന 'അമ്മേ മഹേശ്വരി' വിളികളാലും ക്ഷേത്രവും പരിസരവും മുഖരിതമായി. ഗുരുവായൂര്‍ നന്ദന്‍ എന്ന ഗജവീരന്റെ പുറത്താണ് പുറപ്പാട് ദിവസം ആറാട്ടിനായുള്ള തിടമ്പ് എഴുന്നള്ളിച്ചത്.

മലയാളം വിക്കി പഠനശിബിരം 21-ന് ബാംഗ്ലൂരില്‍

2010-03-19T06:51:00.001-07:00

നൂറാമത്തെ ബ്ലോഗ്‌ പോസ്റ്റ്‌ എന്താകണം എങ്ങനെയാകണം എന്ന ചിന്ത അവസാനിച്ചത്‌ മലയാളം വിക്കിപീഡിയ ബാംഗ്ലൂര്‍ പഠനശിബിരത്തിലാണ്. മലയാളം വിക്കിപീഡിയ പ്രവര്‍ത്തകരില്‍ ഒരാളായ അനൂപ്മായി ചാറ്റ് ചെയ്തപ്പോഴാണ് ഇങ്ങനെയൊരു സംരംഭത്തെ പറ്റി അറിഞ്ഞത്. മലയാള ഭാഷക്കായി കമ്പ്യൂട്ടര്‍ ജോലിയുമായി കഴിയുന്നവര്‍ക്ക് ചെയ്യാന്‍ കഴിയുന്ന ഒരു വലിയ സഹായം.

മാതൃഭുമിയില്‍ വന്ന വാര്‍ത്ത അതേപടി ഇവിടെ പകര്‍ത്തുന്നു.

കോഴിക്കോട്: മലയാളം വിക്കി സംരംഭങ്ങളെ പൊതുജനങ്ങള്‍ക്ക് പരിചയപ്പെടുത്താനും, വിക്കി പ്രവര്‍ത്തനങ്ങളില്‍ എങ്ങനെ പങ്കാളിയാകാം എന്നു ചര്‍ച്ച ചെയ്യാനുമായി ഒരു പഠനശിബരം ബാംഗ്ലൂരില്‍ മാര്‍ച്ച് 21-ന് നടക്കുന്നു. ഞായറാഴ്ച വൈകുന്നേരം നാലു മുതല്‍ 5.30 വരെ പഠനശിബരം.

മലയാളത്തില്‍ ടൈപ്പ് ചെയ്യുന്നതെങ്ങനെ, വിക്കിയില്‍ ലേഖനങ്ങള്‍ എഴുതുമ്പോള്‍ ശ്രദ്ധിക്കേണ്ട കാര്യങ്ങള്‍ എന്തൊക്കെ എന്നിങ്ങനെയുള്ള സംഗതികള്‍ പരിശീലിപ്പിക്കാനാണ് പഠനശിബിരം സംഘടിപ്പിച്ചിരിക്കുന്നതെന്ന്, മലയാളം വിക്കി വാര്‍ത്താക്കുറിപ്പില്‍ അറിയിച്ചു.

മലയാളത്തിലെ വിക്കിപീഡിയ, വിക്കിഗ്രന്ഥശാല, വിക്ഷണറി തുടങ്ങിയ വിക്കി സംരംഭങ്ങളില്‍ താല്പര്യമുണ്ടെങ്കിലും വിക്കി സോഫ്റ്റ്‌വെയര്‍ കൈകാര്യം ചെയ്യാനുള്ള അറിവില്ലായ്മ കൊണ്ടോ മലയാളം ടൈപ്പ് ചെയ്യാന്‍ വശമില്ലാത്തതിന്റെ പേരിലോ ഒക്കെ ഒഴിഞ്ഞു നില്‍ക്കുന്ന ഒട്ടേറെപ്പേരുണ്ട്. അങ്ങനെയുള്ളവര്‍ക്കായാണ് പഠനശിബരം ഒരുക്കിയിരിക്കുന്നത്. മലയാളം വിക്കി പ്രവര്‍ത്തകരായ അനൂപ്, രമേശ്, ഷിജു അലക്‌സ് എന്നിവര്‍ നേതൃത്വം നല്‍കു.

Cetnre for Internet and Socitey, No. D2, 3rd Floor, Sheriff Chambers, 14, Cunningham Road, Bangalore – 560052 എന്നതാണ് പഠനശിബിരം നടക്കുന്ന സ്ഥലത്തിന്റെ വിലാസം. പങ്കെടുക്കാന്‍ താല്പര്യമുള്ളവര്‍ +91 9986028410 (അനൂപ്), +91 9986509050 (രമേശ്) എന്നീ മൊബെല്‍ നമ്പറുകളിലോ, anoop.ind@gmail.com എന്ന ഇ-മെയില്‍ വിലാസത്തിലോ ബന്ധപ്പെടുക.

Related Links
http://ml.wikipedia.org/wiki/Bangalore_Wikipedia_Academy1
http://shijualex.blogspot.com/2010/03/blog-post_17.html
http://www.mathrubhumi.com/tech/article/90078
http://mediawatch.youngmediaworld.info/2010/03/malayalam-wikipedia-academy-bangalore.html

ഗുരുവായൂരപ്പന്‍ തന്നെ ഉണ്ണിക്കൊരു വഴി കാട്ടിത്തരും

2010-02-06T22:12:00.000-08:00

"ഒന്നും അങ്ങട് നേരെയാവണില്ല , അല്ലേ കുട്ടാ?"
കുഞ്ഞുണ്ണിയുടെ കണ്ണ് നിറഞ്ഞു.
"ഞാന്‍ എന്താ വേണ്ടത്? ദെണ്ണക്കാരനായി കഴിയാനാവും വിധി!"
അമ്മ കുറച്ചു നേരം ഒന്നും മിണ്ടിയില്ല.
ഊണ് വിളമ്പിയ ശേഷം അമ്മ ഗദ്ഗദത്തോടെ മെല്ലെ പറഞ്ഞു.
"എനിക്കങ്ങനെ മനസ്സിലൊരു തോന്നല്‍! ഗുരുവായൂര് ചെന്ന് കുറച്ചീസം ഭജനമിരിക്കുക. ഗുരുവായൂരപ്പന്‍ തന്നെ ഉണ്ണിക്കൊരു വഴി കാട്ടിത്തരും."
ഒരു നിമിഷം ഉണ്ണി കണ്ണടച്ചു. ഗുരുവായൂരപ്പന്‍ മനസ്സില്‍ തെളിഞ്ഞു.
"നമേ ഭക്ത പ്രണശ്യതി എന്നരുളിയ തമ്പുരാനാണ്. ഭക്തന്റെ വിഷമം മാറ്റിതരാതിരിക്കില്ല."

മള്ളിയൂര്‍ ശങ്കരന്‍ നമ്പൂതിരിയെപ്പറ്റി ഈയടുത്താണ് കൂടുതല്‍ വായിച്ചു തുടങ്ങിയത്. ഇതിനു മുന്‍പും ബ്ലോഗില്‍ ഈ മഹാത്മാവിനെ പറ്റി പോസ്റ്റുകള്‍ വന്നിട്ടുണ്ട്. അതുകൊണ്ട് കൂടുതല്‍ ചരിത്രം എഴുതുന്നില്ല. ഗുരുവായൂരില്‍ ഭജനം ഇരിക്കാന്‍ പോയതിനു മുന്‍പ് അദ്ധേഹത്തിന്റെ ഇല്ലത്തു വച്ച് ഉണ്ടായ സംഭാഷണം ആണ് മുകളില്‍ വായിച്ചത്. ഭക്തരെ അത്ര കണ്ടു ഇഷ്ടപ്പെടുന്ന ഭഗവാനാണ് ഗുരുവായൂരപ്പന്‍.

ദുഃഖം വരുമ്പോഴാണ് ഭഗവാനെ കൂടുതല്‍ അറിയാന്‍ നാം ശ്രമിക്കുന്നത്. സകല സുഖ സൌകര്യങ്ങളോടും കൂടി ജീവിക്കുമ്പോള്‍, ഒരു പക്ഷെ ഇത്രയും നല്ലൊരു ജന്മം നല്‍കിയ ഭഗവാനെ ഒന്ന് തൊഴാന്‍ പോലും നാമം സമയം കണ്ടെത്താറില്ല.

മള്ളിയൂരിനെ പോലെ ഒരു മഹാത്മാവ് ഗുരുവായൂരില്‍ ഉണ്ടായിരുന്നു ആഞ്ഞം മാധവന്‍ നമ്പൂതിരി. കുട്ടിക്കാലത്ത് ഗുരുവായൂരില്‍ തൊഴാന്‍ പോകുമ്പോള്‍ അദ്ധേഹത്തിന്റെ നാമജപം കേള്‍ക്കാറുണ്ടായിരുന്നു. മുന്‍പില്‍ ചെന്നിരിക്കുന്ന ഈ ഉണ്ണിക്കു അദ്ദേഹം നല്‍കിയ ഗുരുവായൂരപ്പന് നേദിച്ച കദളിപ്പഴം ഇന്നും ഭക്തിയോടെ ഓര്‍ക്കുന്നു.

"സജ്ജനങ്ങളെ കാണുന്നനേരത്ത്
ലജ്ജകൂടാതെ വീണു നമിക്കണം"

ഭാഗവതഹംസം മള്ളിയൂര്‍ ശങ്കരന്‍ നമ്പൂതിരിക്ക്‌ ഹൃദയം നിറഞ്ഞ പിറന്നാള്‍ ആശംസകള്‍ നേരുന്നു..

ഇല്ലം ഭക്തര്‍ക്ക്‌ വേണ്ടി...

2010-01-27T15:31:00.000-08:00

പൂന്താനം ഇല്ലത്ത്‌ മതപരവും ധര്‍മപരവുമായ കാര്യങ്ങള്‍ നടത്താന്‍ മാത്രമെ ഉടമസ്ഥരായ ഗുരുവായൂര്‍ ദേവസ്വംബോര്‍ഡിന്‌ അധികാരമുള്ളുവെന്ന്‌ പെരിന്തല്‍മണ്ണ മുന്‍സിഫ്‌ കോടതി വിധിച്ചു.

മുകുന്ദ! ജനാര്‍ദ്ദന!
കൃഷ്ണ! ഗോവിന്ദ! നാരായണാ! ഹരേ!
അച്യുതാനന്ദ! ഗോവിന്ദ! മാധവാ!
സച്ചിദാനന്ദ! നാരായണാ! ഹരേ!
ഭക്തജനങ്ങള്‍ക്ക്‌ മനോവിഷമമുണ്ടാക്കുന്ന തരത്തില്‍ ആചാരാനുഷ്ഠാനങ്ങളെ ബോധപൂര്‍വ്വം ലംഘിക്കുന്ന അവിശ്വാസികള്‍ ഹൈന്ദവരാണെങ്കില്‍ പോലും ഇല്ലത്തിനക്കത്ത്‌ പ്രവേശിക്കുന്നത്‌ നിയന്ത്രിക്കണമെന്നും പൂന്താനത്തിന്റെ ജന്മഗൃഹത്തില്‍ പുരാതന കാലംതൊട്ട്‌ നിലനിന്നുവരുന്ന ആചാരാനുഷ്ഠാനങ്ങള്‍ തടസ്സപ്പെടാന്‍ ഇടവരുത്തരുതെന്നും ഹര്‍ജിയിലെ ആവശ്യങ്ങളായിരുന്നു. അന്യായക്കാരന്‍ ആവശ്യപ്പെട്ട എല്ലാ കാര്യങ്ങളും അംഗീകരിച്ചുകൊണ്ടായിരുന്നു പെരിന്തല്‍മണ്ണ മുന്‍സിഫ്‌ മജിസ്ട്രേറ്റ്‌ കെ.കെ. പ്രിയ ഇന്നലെ വിധി പറഞ്ഞത്‌.

മതപരവും ധര്‍മപരവുമായ കാര്യങ്ങള്‍ മാത്രമേ ഇല്ലത്ത്‌ നടത്താവുയെന്ന നിബന്ധനയിലാണ്‌ ഇല്ലവും സ്ഥലവും ദേവസ്വം ബോര്‍ഡിന്‌ കൈമാറുന്നത്‌. വ്യവസ്ഥയിലെ കാര്യങ്ങള്‍ പാലിക്കാന്‍ ദേവസ്വം ബോര്‍ഡിന്‌ ബാധ്യതയുണ്ടെന്നും കോടതി അഭിപ്രായപ്പെട്ടു.

പോലീസ് മന്ത്രിക്കു എല്ല് കൂടുതല്‍ എങ്കില്‍ ഏഷ്യാനെറ്റ്‌നു ദീര്‍ഘം കൂടുതല്‍

2010-01-26T10:47:00.000-08:00

പോലീസ് എന്നെഴുതിയതില്‍ പോലീസ് മന്ത്രിക്കു എല്ല് കൂടുതല്‍ ആയി എങ്കില്‍ റിപബ്ലിക് ദിന വാര്‍ത്തയില്‍ ഏഷ്യാനെറ്റ്‌ മലയാളത്തില്‍ പോലീസ് എന്നെഴുതിയപ്പോള്‍ ഒരു ദീര്‍ഘം കൂടുതലാക്കി. "മോല്യാര് നിന്ന് പാത്തിയാല്‍ കുട്ട്യോള് നടന്നു പാത്തും" എന്ന് പറഞ്ഞ മാതിരിയാണ് നമ്മുടെ നാടിന്റെ പോക്ക്.

മലയാളത്തിനു വേണ്ടി പോരാടാന്‍ വാ തോരാതെ പറയുന്ന നമ്മുടെ വാര്‍ത്ത മാധ്യമങ്ങള്‍ മലയാള ഭാഷ ഇങ്ങനെ തെറ്റിക്കാന്‍ പാടുണ്ടോ? മലയാളത്തിലെ പ്രമുഖ പത്രങ്ങള്‍ എന്ന് അവകാശപ്പെടുന്നവര്‍ ഓരോ ദിവസവും വരുത്തുന്ന തെറ്റുകള്‍ ചൂണ്ടിക്കാട്ടാന്‍ പോയാല്‍ ഒരു പോസ്റ്റും കൊണ്ട് സാധിക്കുകയില്ല.

തൊഴില്‍ അന്വേഷകര്‍ക്ക് പുതിയ വെബ്സൈറ്റ്

2010-01-25T07:09:00.000-08:00

ഡി-ഡിറ്റ് തൊഴില്‍ അന്വേഷകര്‍ക്കായി ആരംഭിച്ച പുതിയ ഇന്റര്‍നെറ്റ് പോര്‍ട്ടല്‍ മുഖ്യമന്ത്രി വി.എസ് അച്യുതാന്ദന്‍ ഉദ്ഘാടനം ചെയ്തു. www.careerskerala.gov.in എന്ന വിലാസം ടൈപ്പ് ചെയ്ത് സൈറ്റില്‍ പ്രവേശിക്കാം. തൊഴിലന്വേഷകര്‍ക്ക് അവരുടെ ബയോഡാറ്റ പ്രസിദ്ധീകരിക്കാനും തൊഴില്‍ ഉടമകള്‍ക്ക് ഉദ്യോഗാര്‍ത്ഥികളെ കണ്ടെത്താനുമുള്ള സൌകര്യം പോര്‍ട്ടലില്‍ ലഭ്യമാണ്‍. ഐ.ടി മിഷന്‍ ഡയറക്ടര്‍ രത്തന്‍ ഖേല്‍ക്കര്‍, ടെക്നോപാര്‍ട്ട് സി.ഇ.ഒ മെര്‍വിന്‍ അലക്സാണ്ടര്‍, ശിവന്‍ കുട്ടി എം.എല്‍.എ തുടങ്ങിയവര്‍ ചടങ്ങില്‍ പങ്കെടുത്തു.

Courtesy:
Janmabhumi
Read More @ Young Media

കറുത്തേടം മലയാളം വാര്‍ത്തകള്‍

2010-01-24T18:07:00.000-08:00

പൂജാരിമാരും ബ്ലോഗിങ്ങ് തുടങ്ങണം - കറുത്തേടം

2010-01-23T23:26:00.000-08:00

ന്യൂയോര്‍ക്ക്‌ സിറ്റി: ആധുനിക വാര്‍ത്താവിനിമയ സംവിധാനങ്ങളുടെ സാധ്യതകള്‍ പരമാവധി പ്രയോജനപ്പെടുത്താന്‍ പൂജാരി സമൂഹം തയ്യാറാകണമെന്ന് കറുത്തേടം ആവശ്യപ്പെട്ടു. ഇന്റര്‍നെറ്റിലെ ആശയപ്രചാരണ മാര്‍ഗങ്ങള്‍ പൂജാരിമാരും ഉപയോഗിക്കണം.

യുവജനങ്ങളുമായി ഫലപ്രദമായി സംവദിക്കാനും ഭക്തിമാര്‍ഗ്ഗത്തിലേക്ക് നയിക്കാനും ഇന്റര്‍നെറ്റ് സങ്കേതങ്ങള്‍കൊണ്ട് കഴിയും. ബ്ലോഗിങ് മാത്രമല്ല, ഓണ്‍ലൈന്‍ വീഡിയോ മുതലായ സങ്കേതങ്ങളും ഉപയോഗിക്കാന്‍ പൂജാരിമാര്‍ക്ക് കഴിയണമെന്ന് കറുത്തേടം പറഞ്ഞു.

മാതൃഭൂമി വാര്‍ത്ത‍ ഇവിടെ

മതമോ ദേശീയതയോ മുഖ്യം?

2010-01-22T12:58:00.000-08:00

ഇന്ന് ലോകം മുഴുവനും ചര്‍ച്ച ചെയ്യുന്നപ്പെടുന്ന രണ്ടു മുഖ്യ ഘടകങ്ങള്‍ ആണ് മതവും ദേശീയതയും.

എന്താണ് മതം?
A religion is a set of beliefs concerning the cause, nature, and purpose of the universe, especially when considered as the creation of a supernatural agency or agencies, usually involving devotional and ritual observances, and often containing a moral code governing the conduct of human affairs.

മുകളില്‍ കൊടുത്ത ഇംഗ്ലീഷ് വാചകങ്ങളില്‍ ഒതുക്കാവുന്നതാണോ എന്നറിയില്ല. "പ്രകൃതിയെയും പ്രപഞ്ചത്തെയും അദൃശ്യ ശക്തിയും കേന്ദ്രീകരിച്ചു ഉണ്ടാക്കപ്പെട്ടിട്ടുള്ള ഒരു കൂട്ടം വിശ്വാസങ്ങളും അതോകൂടിയുള്ള ഭക്തി നിര്‍ഭരമായ ആചാരങ്ങളും അനുഷ്ടാനങ്ങളും സാമൂഹികമായ ചില സദാചാര നിബന്ധനകളും ചേര്‍ന്നതാണ് മതം".

എന്താണ് ദേശീയത?
Membership that can be acquired by being born within the jurisdiction of a state, by inheriting it from parents, or by a process of naturalization. Nationality affords the state jurisdiction over the person and affords the person the protection of the state.

ഒരു പ്രത്യോകം ഭൂപ്രദേശത്ത് ജനിച്ചവര്‍ ആ പ്രദേശം ഉള്‍പ്പെടുന്ന രാജ്യത്തെ പൌരന്മാരാണ്. അവരുടെ ദേശവും അത് തന്നെ. എന്നാല്‍ ഓരോ രാജ്യങ്ങളില്‍ നിയമത്തിനനുസരിച്ച് ജനിച്ചത്‌ കൊണ്ട് മാത്രം ആ രാജ്യത്തെ പൌരന്മാര്‍ ആയിക്കൊള്ളണം എന്നില്ല. പകരം അവിടെയുള്ള യഥാര്‍ത്ഥ പൌരന്മാര്‍ക്ക് ജനിച്ചവരാകണം.

ഇവിടെ നമ്മുടെ ഇന്നത്തെ വിഷയം മതമോ ദേശീയതയോ മുഖ്യം എന്നതാണ്. ഒരു തരത്തില്‍ രണ്ടിനെക്കാളും പ്രധാനം മാനുഷിക പരിഗണനയാണ്. ഒരു മതത്തില്‍ ജനിച്ചു എന്നത് കൊണ്ട് ഗുണമോ ദോഷമോ ഇല്ല. അത് പോലെ ഒരു രാജ്യത്ത് ജനിച്ചത്‌ കൊണ്ട് നല്ലത് ചീത്ത എന്ന് കാണാന്‍ ആകില്ല.

നമ്മുടെ ഭക്തിയുടെ ലക്‌ഷ്യം എന്താണ്? പുനര്‍ജന്മമില്ലാത്ത ഒരു മുക്തി. അതിനായിട്ടാണ് നാമെല്ലാം ഭഗവാനില്‍ അഭയം കൊള്ളുന്നത്‌. എന്നാല്‍ ഈ പറഞ്ഞതിലും ഓരോ മതവിഭാഗത്തിന്‌ അനുസരിച്ച് വ്യത്യാസം ഉണ്ടാകാം. മറ്റൊരു മതത്തിലെ മനുഷ്യരെ സ്വന്തം മതത്തിലേക്ക് ചേര്‍ത്തത് കൊണ്ടോ അല്ലെങ്കില്‍ ആ മതസ്ഥരെ കൊന്നത് കൊണ്ടോ ഭഗവാന്‍ പ്രസാദിക്കണം എന്നില്ല. അതെല്ലാം സ്വന്തം കക്ഷിയില്‍ ആളെ ചേര്‍ക്കുന്ന രാഷ്ട്രീയക്കാരന്റെ വിശേഷ വ്യക്തിത്വമാണ്.

ദേശീയത എന്നാല്‍ നാം വസിക്കുന്ന അല്ലെങ്കില്‍ ജനിച്ച രാഷ്ട്രത്തോടുള്ള കൂറ് എന്നതാണ്. എന്നാല്‍ നാം ജനിച്ച രാജ്യത്ത് മാത്രം നിന്നാല്‍ നമുക്ക് ചോറ് കിട്ടില്ല. ആ അവസ്ഥയില്‍ നാം വസിക്കുന്ന രാജ്യത്തെ നീതിയും നിയമവും നാം അന്ഗീകരിച്ചേ മതിയാവൂ.

അപ്പോള്‍ ദേശീയതയാണോ മുഖ്യം അതോ മതമോ? നമ്മുടെ കണ്ണില്‍ കാണുന്ന നമ്മുടെ രക്ഷ ദേശീയത തന്നെയാണ്. അതുകൊണ്ട് മതത്തെക്കാളും ഉപരി പ്രാധാന്യം കൊടുക്കേണ്ടത് ദേശീയതയ്ക്ക് ആണ്. അതെ സമയം നാം ഏതു രാജ്യത്ത് ജീവിക്കുന്നുവോ അവിടത്തെ നീതിയും നിയമവും നാം അന്ഗീകരിക്കയും നമ്മുടെ നിലനില്‍പ്പിനു ആവശ്യമാണ്‌.

ചില രാജ്യങ്ങളില്‍ അവരുടെ ഔദ്യോഗിക മതമല്ലാതെ മറ്റു മതങ്ങളുടെ ആചാരങ്ങള്‍ പിന്തുടരാന്‍ പാടില്ല എന്നാ നിയമം ഉണ്ട്. അപ്പോള്‍ ഇതര മതക്കാര്‍ അത് അന്ഗീകരിക്കണം. ഇത് നോക്കുമ്പോഴും മതത്തെക്കാളും ദേശീയതക്കാണു പ്രാധാന്യം എന്ന് മറ്റു രാജ്യങ്ങളിലും കാണാം.

നമ്മുടെ ഭാരതം ലോകത്തിനു ആകമാനം ഒരുദാഹരണം ആണ്. ലോകത്തിലെ ഏറ്റവും വലിയ ജനാധിപത്യ ഭരണം നിലനില്‍ക്കുന്നതും ഇവിടെയാണ്‌. അത് ഭാരതത്തില്‍ ഉള്ളവര്‍ ഏതു മതവിഭാഗക്കാരായാലും ദേശീയ ബോധം ഉണ്ടാകണം. ലോക സമസ്ത സുഖിനോ ഭവന്തു എന്ന സന്ദേശം നല്‍കാന്‍ ഭാരതത്തിനെ ആകൂ അതാണ്‌ നമ്മുടെ സ്വത്വം നമ്മുടെ സംസ്കാരം.

വന്ദേമാതരം

ജ്യോതിബാബു നമ്മളെ വിട്ടുപോയി

2010-01-17T14:01:00.000-08:00

জ্যোতি বাবু আমাদের ছেড়ে চলে গেছে -(ജ്യോതിബാബു നമ്മളെ വിട്ടുപോയി ). ഇന്ത്യയിലെ കമ്മ്യൂണിസ്റ്റ്‌ പ്രസ്ഥാനത്തിന്റെ മുതിര്‍ന്ന നേതാവും ഏറ്റവും കൂടുതല്‍കാലം മുഖ്യമന്ത്രി സ്ഥാനം വഹിച്ച്‌ ചരിത്രം സൃഷ്ടിക്കുകയും ചെയ്ത ജ്യോതിബസു അന്തരിച്ചു.

ഇന്ത്യയിലെ ഒട്ടുമിക്ക ദിനപത്രങ്ങളുടെയും തലക്കെട്ട്‌ ഈ കമ്മ്യൂണിസ്റ്റ്‌ ആചാര്യനെ കുറിച്ചായിരുന്നു. കഴിഞ്ഞ കുറച്ചു ദിവസങ്ങളായി അദ്ധേഹത്തിന്റെ വാര്‍ധക്യ സഹജമായ രോഗാവസ്ഥയെ കുറിച്ച് പത്രമാധ്യമങ്ങള്‍ റിപ്പോര്‍ട്ട്‌ ചെയ്യുന്നുണ്ടായിരുന്നു. ആ മഹാനുഭാവന്റെ വിയോഗം എല്ലാവരെയും പോലെ എന്നെയും വേദനിപ്പിച്ചു. തലമുതിര്‍ന്ന ഒരു നേതാവിനെ കൂടി ഭാരതത്തിലെ കമ്മ്യൂണിസ്റ്റ്‌ പാര്‍ട്ടിക്ക് നഷ്ടപ്പെട്ടു. സ്വന്തം സുഖ സൌകര്യങ്ങള്‍ വെടിഞ്ഞു പാവപ്പെട്ടവരുടെ ഉന്നതിക്കായി പ്രവര്‍ത്തിച്ച മുന്‍കാല നേതാക്കളില്‍ ഒരാളെയാണ് നമുക്ക് നഷ്ടപ്പെട്ടത്.

നമ്മുടെ ഏലംകുളം മനക്കല്‍ ശങ്കരന്‍ നമ്പൂതിരിപ്പാടിനെ പോലെ പാവപ്പെട്ടവര്‍ക്കും തൊഴിലാളികള്‍ക്കും വേണ്ടി ജീവിതം സമര്‍പ്പിച്ച ബംഗാളിലെ നമ്പൂതിരിപ്പാടായിരുന്നു ജ്യോതി ബസു.

1914 ജൂലായ്‌ 8ന്‌ ഇപ്പോള്‍ ബംഗ്ലാദേശിന്റെ ഭാഗമായ ഇഷാഖാന്‍ ബാര്‍ഡിയില്‍ ഒരു സമ്പന്ന ബംഗാളി ബ്രാഹ്മണ കുടുംബത്തിലാണ്‌ ജ്യോതി ബസു ജനിച്ചത്‌. കിഴക്കന്‍ ബംഗാളിലെ ഡാക്കാ ജില്ലയില്‍ ബരോജി ഗ്രാമത്തില്‍ ഡോക്ടറായിരുന്ന നിഷികാന്ത ബസുവാണ്‌ പിതാവ്‌. കൊല്‍ക്കത്തയില്‍ പ്രസിഡന്‍സി കോളേജില്‍ നിന്നും ബിരുദമെടുത്ത ബസു നിയമപഠനത്തിന്‌ ലണ്ടനില്‍ ചെന്നപ്പോഴാണ്‌ കമ്മ്യൂണിസത്തില്‍ ആകൃഷ്ടനായത്‌.

1953ല്‍ ലണ്ടനിലെത്തിയ ബസുവിനെ ഭൂപേശ്‌ ഗുപ്തയായിരുന്നു ബ്രിട്ടീഷ്‌ കമ്മ്യൂണിസ്റ്റ്‌ പാര്‍ട്ടിയുമായി ബന്ധപ്പെടുത്തിയത്‌. നിയമപഠനം പൂര്‍ത്തിയാക്കി 1940ല്‍ ഇന്ത്യയില്‍ തിരിച്ചെത്തിയ ബസു തൊഴിലാളികളെ സംഘടിപ്പിക്കാനാണ്‌ ശ്രമിച്ചത്‌. റെയില്‍വേ തൊഴിലാളികളെ സംഘടിപ്പിക്കാന്‍ നിയോഗിക്കപ്പെട്ട ബസു 1946ല്‍ റെയില്‍വേ മണ്ഡലത്തില്‍ നിന്നും നിയമസഭാംഗമായി. 1952 മുതല്‍ 57വരെ ബംഗാള്‍ പ്രവിശ്യയിലെ പാര്‍ട്ടി സെക്രട്ടറിയായിരുന്നു. 52 മുതല്‍ 96 വരെ നിയമസഭയിലേക്ക്‌ തെരഞ്ഞെടുക്കപ്പെട്ടു. 1957 മുതല്‍ 67 വരെ പശ്ചിമബംഗാള്‍ പ്രതിപക്ഷനേതാവുമായി. 67 മുതല്‍ 69 വരെ ഐക്യമുന്നണി മന്ത്രിസഭയില്‍ ഉപമുഖ്യമന്ത്രിയായിരുന്നു. 1977 ജൂണ്‍ 21ന്‌ ബംഗാളില്‍ കമ്മ്യൂണിസ്റ്റ്‌ സര്‍വാധിപത്യത്തിന്‌ തുടക്കം കുറിച്ച്‌ ഇടതുമുന്നണിയുടെ മുഖ്യമന്ത്രിയായി സത്യപ്രതിജ്ഞചെയ്തു. അഞ്ചു തവണ മുഖ്യമന്ത്രിയായി മന്ത്രിസഭയെ നയിച്ചു. 1996 ല്‍ പ്രധാനമന്ത്രി സ്ഥാനത്തേക്ക്‌ നിര്‍ദ്ദേശിക്കപ്പെട്ടിരുന്നെങ്കിലും പാര്‍ട്ടി പോളിറ്റ്ബ്യൂറോ അതിന്‌ അനുമതി നല്‍കിയില്ല. പിബിയുടെ ഈ തീരുമാനത്തെ ചരിത്രപരമായ വിഡ്ഢിത്തമെന്ന്‌ ബസുതന്നെ പില്‍ക്കാലത്ത്‌ വിശേഷിപ്പിച്ചിട്ടുണ്ട്‌. അനാരോഗ്യത്തെ തുടര്‍ന്ന് ഒന്‍പതു വര്‍ഷം മുന്‍പ് മുഖ്യമന്ത്രിക്കസേരയില്‍ നിന്ന് സ്വയം വിരമിച്ച ബസു രാഷ്ട്രീയത്തില്‍ സമാനതയില്ലാത്ത മാതൃകയാണ് കാണിച്ചത്. 2008ല്‍ പിബിയില്‍ നിന്ന്‌ പടിയിറങ്ങിയെങ്കിലും കേന്ദ്രകമ്മറ്റിയിലെ ക്ഷണിക്കപ്പെടുന്ന അംഗമായി തുടരുകയായിരുന്നു.

സാമ്പത്തിക സംവരണം - ചൂടുള്ള വിഷയം

2010-01-15T13:24:00.001-08:00

സാമ്പത്തികമായും സാമൂഹികമായും പിന്നാക്കം നില്‍ക്കുന്ന ജനസമൂഹത്തെ മുഖ്യധാരയിലേക്ക് ഉയര്‍ത്തി കൊണ്ടുവരാനുള്ള ഒരുപാധിയാണ് സംവരണം.

Reservation in Indian law provides for a quota system whereby a percentage of posts are reserved in employment in Government and in the public sector units, and in all public and private educational institutions, except in the religious/ linguistic minority educational institutions,in order to mitigate backwardness of the socially and educationally backward communities and the Scheduled Castes and Tribes who do not have adequate representation in these services and institutions.

എന്നാല്‍ ഇതൊരു വോട്ട് ബാങ്ക് രാഷ്ട്രീയത്തിന് ഇടം നല്‍കുന്ന ഒന്നായി മാറിക്കഴിഞ്ഞു എന്ന് വേണം കരുതാന്‍. കഴിഞ്ഞ അറുപതില്‍ പരം വര്‍ഷത്തെ നമ്മുടെ അനുഭവം അതാണ്‌ വെളിവാക്കുന്നതും.

ജാതിയില്‍ താഴ്ന്നവര്‍ക്കും മത ന്യൂനപക്ഷങ്ങള്‍ക്കും നല്‍കിവരുന്ന ഈ സംവരണം അവരെ മുഖ്യധാരയിലേക്ക് ഉയര്‍ത്താന്‍ സഹായിച്ചിട്ടുണ്ട്. മത്സര പരീക്ഷകളിലും വിദ്യാഭ്യാസ തലത്തിലും First Rank നേടുന്നത് ന്യൂനപക്ഷ, താഴ്ന്ന ജാതിയില്‍ പെട്ടവരും കൂടിയാണ്. ഇന്നത്തെ കേരളത്തിലെ ജീവിത നിലവാരം നോക്കുമ്പോഴും ഒരുപക്ഷെ സമൂഹത്തില്‍ ഉന്നതര്‍ എന്ന് പറയുന്നവരെക്കാളും കൂടുതല്‍ സുഖ സൌകര്യത്തോടെയാണ് കേരളത്തില്‍ മതന്യൂനപക്ഷങ്ങളിലെ (Kerala Minority Religion) ആളുകള്‍ ജീവിക്കുന്നത്. അതിനര്‍ത്ഥം കേരളത്തില്‍ എല്ലാ വിഭാഗം ജനങ്ങളും ജാതിമത വ്യത്യാസമില്ലാതെ ഒരേ നിലവരാത്തിലാണ്.

ഈ Reservation System ഉണ്ടാക്കിയപ്പോള്‍ തന്നെ സമൂഹത്തില്‍ സമത്വം വന്നാല്‍ ഇതിന്റെ പ്രസക്തി ഇല്ലാതാവും എന്ന് വിവക്ഷിച്ചിട്ടുണ്ട്. എന്നാല്‍ മാറി മാറി വരുന്ന സര്‍ക്കാരുകള്‍ Vote Bank ലക്‌ഷ്യം വെച്ച് നീട്ടികൊണ്ട് പോകുകയായിരുന്നു.

ഇപ്പോള്‍ കേരളത്തില്‍ ഉണ്ടായ മാറ്റം എന്താണ്. കോടതി ചൂണ്ടിക്കാട്ടിയത് കൊണ്ട് മാത്രം ഉണ്ടായ ഒന്നാണെന്ന് തോന്നുന്നില്ല. സമൂഹത്തില്‍ ഉയര്‍ന്നവര്‍ എന്ന് label നല്‍കി മാറ്റി നിര്‍ത്തപ്പെട്ട സമൂഹം സാമ്പത്തികമായും സാമൂഹികമായും അധപതിച്ചു കൊണ്ടിരിക്കുകയാണ്. ആ ദുരവസ്ഥയില്‍ നിന്ന് ഉയര്‍ത്തേണ്ട കടമ നമ്മുടെ സര്‍ക്കാരുകള്‍ക്ക് ഉണ്ട്. മേല്‍ജാതിയില്‍പ്പെട്ട ഇന്നത്തെ തലമുറ അസമത്വത്തിന്റെയും കുത്ത് വാക്കുകളുടെയും ഇടയിലൂടെ ജീവിക്കാന്‍ പ്രയാസപ്പെടുകയാണ്. പണ്ട് ചെയ്തു എന്ന് പറയുന്ന പാതകങ്ങള്‍ വെറും കെട്ടുകഥകള്‍ ആണോ എന്നും പലപ്പോഴും തോന്നാറുണ്ട്. മേല്‍ ജാതിയില്‍പെട്ടവര്‍ കൂടി പരിശ്രമിച്ചതിന്റെ ഫലം കൊണ്ട് തന്നെയാണ് കീഴ്ജാതിക്കാര്‍ക്കും മതന്യൂനപക്ഷങ്ങള്‍ക്കും ഇന്നത്തെ നിലവാരത്തിലേക്ക് ഉയര്‍ത്താന്‍ ആവശ്യമായ പദ്ധതികള്‍ നമ്മുടെ നാട്ടില്‍ നടപ്പാക്കിയത്.

മേല്ജാതിക്കാര്‍ എന്ന് പറയുന്ന വിഭാഗത്തില്‍ മറ്റു സമുദായത്തില്‍ ഉള്ളപോലെ ഡോക്ടര്‍മാരും എഞ്ചിനീയര്‍മാരും ഉണ്ടെങ്കിലും അവര്‍ക്കിടയിലും ഒരു നല്ല വിഭാഗം ആളുകള്‍ അന്നന്നത്തെ ഭക്ഷണത്തിനുള്ള വക ഇല്ലാതെ കഷ്ടപ്പെടുകയാണ്. കൂലിപണി പോലും പലകാരണത്താലും കിട്ടാത്ത അവസ്ഥയിലാണ് ഇന്നത്തെ മേല്ജാതിക്കാര്‍. സര്‍ക്കാര്‍ ജോലിയാണെങ്കില്‍ സംവരണം കഴിഞ്ഞു കിട്ടാന്‍ പ്രയാസം. ഉന്നത വിദ്യാഭ്യാസത്തിനു പോകാന്‍ കൈക്കൂലി അല്ലെങ്കില്‍ Donation കൊടുക്കാന്‍ പണമില്ലാത്തതിനാല്‍ അതും കിട്ടില്ല. പിന്നെ പാസ് മാര്‍ക്ക് വാങ്ങിയവന്‍ College Admission കരസ്തമാക്കുമ്പോള്‍ അറുപതു ശതമാനത്തില്‍ കൂടുതല്‍ കിട്ടിയ മേല്ജാതിക്കാരന്‍ പിന്തള്ളപ്പെടുന്നു. ഇതെല്ലാം മേലെയിരുന്നു ഒരാള്‍ കാണുന്നു അതിനുദാഹരണമാണ് കോടതിയുടെ ചൂണ്ടിക്കാട്ടല്‍.

തുടക്കത്തില്‍ സാമ്പത്തിക സംവരണത്തെ സ്വാഗതം ചെയ്തു പ്രസ്താവന ഇറക്കാനുള്ള ധൈര്യം കാണിച്ചത് ഇടതു പക്ഷമാണ്. അവരുടെ മന്ത്രിമാര്‍ വരെ തുറന്നു പറയാന്‍ തുടങ്ങിയപ്പോള്‍ എന്ത് ചെയ്യണം എന്ന് അന്ധാളിച്ച വലതു നേതാക്കള്‍ ഉടന്‍ പറഞ്ഞു സാമ്പത്തിക സംവരണം വേണം. ഈ മലക്കം മറിച്ചില്‍ എന്ത് കൊണ്ട്? മുന്‍പ് പറഞ്ഞ അതെ വോട്ട് ബാങ്ക് രാഷ്ട്രീയം ഇവിടെയും ഉണ്ടാവുന്നു. മേല്‍ജാതിക്കാരുടെ വോട്ടും കൂടി കിട്ടിയാലേ ജയിക്കാനാകൂ എന്ന യാഥാര്‍ത്ഥ്യം മതന്യൂനപക്ഷ നേതാക്കള്‍ക്കും കൂടി ഉണ്ടായി എന്ന് വേണം പറയാന്‍. രാഷ്ട്രീയത്തില്‍ സ്ഥിരം ശത്രുക്കളോ മിത്രങ്ങളോ ഇല്ല. ജാതിയും ഇല്ല മതവും ഇല്ല.

മതവിശ്വാസം തെറ്റാണോ സഖാവേ?

2010-01-08T14:38:00.000-08:00

സഖാവേ,

ഇന്നത്തെ പത്രങ്ങളിലൂടെ കണ്ണോടിച്ചപ്പോള് ഒരു സംശയം ഉടലെടുത്തു. മത വിശ്വാസം തെറ്റാണോ? പ്രത്യയ ശാസ്ത്രപ്രകാരം ഏതോ തെറ്റ് തിരുത്തല്‍ രേഖയില്‍ അങ്ങനെ പറഞ്ഞിട്ടുണ്ട് എന്നാണു വായനയില്‍ മനസ്സിലായത്‌.

അപ്പൊ സഖാക്കന്മാര്‍ അമ്പലത്തിലും പള്ളിയിലും പോകില്ല എന്നാണോ? അമ്പലത്തില്‍ പോകാന്‍ പാടില്ല എന്നായിരുന്നു ഇതുവരെയുള്ള ധാരണ. ദാ ഇപ്പൊ പള്ളിയിലും പോകാന്‍ പാടില്ല എന്ന്. ഇതും പറഞ്ഞു മുന്‍ എംപിയായ ഒരു സത്യ ക്രിസ്ത്യാനി രാജി വച്ചിരിക്കുന്നു. കുറച്ചു കാലം മുന്‍പേ കണ്ണൂരില്‍ മുന്‍ എംപിയും ഇസ്ലാം മതവിശ്വസിയുമായ ഒരാളും രാജി വച്ചിരിക്കുന്നു.

മതവിശ്വാസം തെറ്റെന്നിരിക്കട്ടെ, അപ്പൊ തീവ്രവാദം ആവാം എന്ന് തെറ്റ് തിരുത്തല്‍ രേഖയില്‍ എവിടെയും പറഞ്ഞില്ലെന്നു ഉണ്ടോ? ശങ്ക തോന്നിയത് എന്തെന്നാല്‍ അതൊന്നും പത്രത്തില്‍ കണ്ടില്ല.

ചുരുക്കം പറഞ്ഞാല്‍ ഇത് പാര്‍ട്ടിയുടെ വളര്‍ച്ചയെ ബാധിക്കില്ലേ? എന്തായാലും പേടിക്കേണ്ട കാര്യമില്ല സഖാവേ ഹിന്ദുക്കള്‍ ഈ കാര്യം പറഞ്ഞു രാജി വച്ചിട്ടില്ലല്ലോ?

പിന്നെ വേറൊരു കാര്യം സഖാവേ, പേടിക്കേണ്ടത് വലതന്മാരെയാണ്. മണ്ണും ചാരി നിന്നവന്‍ പെണ്ണും കൊണ്ട് പോയി എന്നാ പോലെയാണ് കാര്യങ്ങളുടെ കിടപ്പ്. ഇവിടെ നിന്ന് വിട്ടവനൊക്കെ പോകുന്നത് വലത്തോട്ട് ആണ്. ഏതായാലും പരിവാര സംഘടനകളെ പേടിക്കേണ്ട ഇപ്പൊ പോയതൊക്കെ ക്രിസ്ത്യാനിയും മുസ്ലീമും അല്ലെ.

എന്ന് സ്വന്തം,
പാര്‍ട്ടി വിശ്വാസി.

കഥകളി പ്രതിഭകളെ ആദരിച്ചു

2010-01-06T21:33:00.000-08:00

പെരിന്തല്‍മണ്ണ എം എല്‍ എ വി ശശികുമാര്‍ ഉല്‍ഘാടനം ചെയ്യുന്നു

ആസ്വാദക സദസ്സിന്റെ നിറസാന്നിധ്യത്തില്‍ കഥകളി കലാപ്രതിഭകളെ ആദരിച്ചു. അനുമോദന സമ്മേളനം പെരിന്തല്‍മണ്ണ എം എല്‍ എ വി ശശികുമാര്‍ ഉല്‍ഘാടനം ചെയ്തു. യോഗക്ഷേമസഭ മുന്‍ സംസ്ഥാന വനിതാ പ്രസിഡന്റ്‌ പാര്‍വതി അന്തര്‍ജനത്തിന്റെ ഷഷ്ടിപൂര്‍ത്തിയോട് അനുബന്ധിച്ച് നടന്ന യോഗത്തില്‍ താഴേക്കോട് പഞ്ചായത്ത് പ്രസിഡന്റ്‌ കെ എം എസ് തങ്ങള്‍ ആധ്യക്ഷം വഹിച്ചു. ആള്‍ ഇന്ത്യ ബ്രാഹ്മണ ഫെഡറെഷന്‍ സോണല്‍ ജനറല്‍ സെക്രട്ടറി കെ കെ ശങ്കരന്‍ നമ്പൂതിരി, യോഗക്ഷേമ സഭ സംസ്ഥാന ജനറല്‍ സെക്രട്ടറി കെ എം പരമേശ്വരന്‍ നമ്പൂതിരി എന്നിവര്‍ മുഖ്യ പ്രഭാഷണം നടത്തി.

കെ പി എസ് മെമ്മോറിയല്‍ ട്രസ്റ്റ്‌ ഫൌണ്ടെര്‍ കെ പി എന്‍ ഉണ്ണി

കലാമണ്ഡലം കേശവന്‍ നമ്പൂതിരിയെ പൊന്നാട അണിയിക്കുന്നു
കഥകളി കലാകാരന്മാരായ കലാമണ്ഡലം കേശവന്‍ നമ്പൂതിരി, പരിയാനംപറ്റ ദിവാകരന്‍, ചെണ്ട വിദഗ്ദന്‍ വാഴേങ്കട കൃഷ്ണദാസ്‌ എന്നിവരെ കറുത്തേടത്തു പുലാക്കാട്ടു ശ്രീകുമാരന്‍ നമ്പൂതിരി മെമ്മോറിയല്‍ ട്രസ്റ്റ്‌ വക പൊന്നാടയും കീര്‍ത്തി ഫലകവും നല്‍കി ആദരിച്ചു. തുടര്‍ന്ന് സന്താനഗോപാലം, നരകാസുരവധം കഥകളിയും ഉണ്ടായിരുന്നു.

കലാമണ്ഡലം കേശവന്‍ നമ്പൂതിരിയുടെ മറുപടി പ്രസംഗം

അമേരിക്കയിലെ വീടില്ലാത്തവര്‍

2010-01-06T16:38:00.000-08:00

വികസ്വര രാജ്യങ്ങളെ പോലെ വികസിത രാജ്യങ്ങളിലും സ്വന്തമായി വീടില്ലാത്തവര്‍ ഉണ്ട്. എന്നാല്‍ വീടുള്ളവരുമായി താരതമ്യം ചെയ്യുമ്പോള്‍ വളരെ കുറവാണ്.

ഈ വര്‍ഷം ജനുവരി രണ്ടിന് എനിക്കൊരു ഭാഗ്യം ഉണ്ടായി. വാഷിംഗ്‌ടണ്‍ ഡീ സി യിലെ മലയാളി അസോസിയേഷന്‍ വാഷിംഗ്‌ടണ്‍ ഹിന്ദു അസോസിയേഷന്‍ തുടങ്ങിയവയുടെ ആഭിമുഖ്യത്തില്‍ ഏകദേശം അയ്യായിരം വീടില്ലാത്തവര്‍ക്കായി ഒരു ദിവസത്തെ ഭക്ഷണം നല്‍കാനുള്ള യഞ്ഞത്തില്‍ പങ്കാളിയാകാന്‍ എനിക്ക് കഴിഞ്ഞു. ഭക്ഷണം ഉണ്ടാക്കാന്‍ ആവശ്യമായ വസ്തു വകകള്‍ വാങ്ങുവാനുള്ള പണം നല്‍കല്‍ മാത്രമല്ലാതെ ഓരോ വീട്ടിലും ഉള്ള എല്ലാവരും വരികയും ഭക്ഷണം പാകം ചെയ്യാന്‍ ആവശ്യമായ എല്ലാ സേവനങ്ങളും നല്‍കി എന്നത് ശ്രദ്ധേയമായി. മാനവ സേവ മാധവ സേവ എന്ന സങ്കല്പം നിത്യ ജീവിതത്തില്‍ വരുത്തുക എന്നതാണ് ഇത് കൊണ്ടുള്ള സന്ദേശം.

സ്വന്തമായി വീടില്ലാത്തവരെയും മക്കള്‍ ഉപേക്ഷിച്ച പ്രായമായ മാതാപിതാക്കളെയും മാനസിക മാന്ദ്യം വന്നവരേയും ഒക്കെ താമസിപ്പിച്ചിരിക്കുന്ന ഭവനങ്ങളില്‍ ഓരോ ദിവസത്തെയും ഭക്ഷണം നല്‍കുന്നത് മുന്‍പേ പറഞ്ഞ പോലെയുള്ള സംഘടനകള്‍ ആണ്. മലയാളി അസോസിയേഷന്‍ പോലെ തമിള്‍ തെലുഗു തുടങ്ങി ഇന്ത്യന്‍ സംഘടനകളും മറ്റുള്ള രാജ്യങ്ങളിലെ സംഘടനകളും എല്ലാം ഇതെല്ലം ചെയ്യുന്നുണ്ട്.

പിറന്നാള്‍ സദ്യ

2010-01-04T16:13:00.000-08:00

ഇന്നെന്റെ പിറന്നാളാണ്. വൈദേശിക രീതിയിലുള്ള ഡേറ്റ് ഓഫ് ബര്‍ത്ത് പിറന്നാളല്ല. മലയാളം നാള്‍ വച്ച് നോക്കുന്ന പിറന്നാള്‍. പിറന്നാള്‍ ദിനത്തില്‍ പതിവുള്ള ക്ഷേത്ര ദര്‍ശനമോ നാക്കിലയില്‍ സദ്യയോ ഒന്നും ഉണ്ടായില്ല.

എന്നാലും ഒരു കുട്ടിക്കാല പിറന്നാള്‍ സദ്യയിലേക്ക്‌ നിങ്ങളെ ഞാന്‍ കൊണ്ട് പോകാം.

ജനിച്ച നാളിനെ കേന്ദ്രീകരിച്ചാണ് കേരള രീതിയിലുള്ള പിറന്നാള്‍. ജനന മാസത്തിലെ മലയാളം നക്ഷത്രം നോക്കി വേണം പിറന്നാള്‍ കണ്ടു പിടിക്കാന്‍. മലയാള മാസത്തില്‍ രണ്ടു പ്രാവശ്യം നാള്‍ വരികയാണെങ്കില്‍ രണ്ടാമത് വരുന്നത് വേണം പിറന്നാളിന് എടുക്കാന്‍.

പിറന്നാള്‍ ദിവസം രാവിലെ എണീറ്റ്‌ കുളിച്ചു ക്ഷേത്ര ദര്‍ശനം കഴിഞ്ഞിട്ടാണ് കുട്ടിക്കാലത്ത് പിറന്നാള്‍ ആഘോഷിച്ചിരുന്നത്. എല്ലാ വിശേഷ ദിവസങ്ങളില്‍ എന്ന പോലെ പിറന്നാളിന്റെ അന്നും പ്രഭാത ഭക്ഷണം പഴം നുറുക്കും പപ്പടവും തന്നെ ആവും. കേരളത്തില്‍ സുലഭമായി കിട്ടുന്ന ഒന്നാണല്ലോ നേന്ത്രപ്പഴം. ഈ നേന്ത്ര പഴത്തെ കഷണങ്ങായി മുറിച്ചു ശര്‍ക്കര ഇട്ടു ആവിയില്‍ വേവിച്ചെടുക്കുന്ന പഴം നുറുക്കും പപ്പടവും നല്ല സ്വാദാണ്.

പിന്നെ കൂട്ടുകാരോടൊത്ത് കളിച്ചു നടക്കും. പത്തു പതിനൊന്നു മണിയാകുമ്പോഴേക്കും പിറന്നാള്‍ സദ്യയായി . മുന്നില്‍ നില വിലക്ക് കൊളുത്തി അതിനു മുന്‍പില്‍ ഭക്ഷണ പ്രിയനായ ഗണപതിക്ക് എല്ലാം വിളമ്പി നേതിച്ചതിനു ശേഷം പിറന്നാള്‍ കാരന്റെ ഇടതും വലത്തും രണ്ടു പേര്‍ ഇരിക്കും.. ഇലയുടെ ഇടതു ഭാഗത്തായി ഉപ്പേരി, ഉപ്പിലിട്ടത്‌, പപ്പടം തുടങ്ങിയ ഉപ്പു രസ പ്രധാനമായതും മധ്യ ഭാഗത്ത്‌ ഓലന്‍ തോരന്‍ എലിശ്ശേരി തുടങ്ങിയവയും വലതു ഭാഗത്ത്‌ ശര്‍ക്കര ഉപ്പേരി തുടങ്ങി മധുര പലഹാരങ്ങളും വിളമ്പും. പിന്നെ ചോറ് വിളമ്പി വലതു ഭാഗത്ത് നെയ്യ് ഉപസ്തരിക്കും. ആദ്യം സാംബാര്‍ കൂട്ടി കഴിച്ചു രസം വിളമ്പും. രസത്തിനു പപ്പടം കൂടാതെ വയ്യ. പിന്നെ പായസത്തിന്റെ വരവാണ്. ഒന്നോ രണ്ടോ തരത്തിലുള്ള പായസം കഴിച്ചു അവസാനം തൈര് കൂട്ടി കഴിച്ചു സദ്യ അവസാനിപ്പിക്കും.

ഇതെല്ലാം കുട്ടിക്കാലത്ത്. വലുതായി ജോലി തുടങ്ങിയാല്‍ അതും വിദേശത്ത് ആണെങ്കില്‍ ഇലയുമുണ്ടാവില്ല ഒരു സദ്യയും ഉണ്ടാവില്ല. നില വിളക്കിനു പകരം വര്‍ണ്ണ നിറത്തിലുള്ള വൈദ്യുത വിളക്കുകളെ സാക്ഷിയാക്കി ബര്‍ഗര്‍ പിസ്സ അങ്ങനെയെന്തെങ്കിലും...

ഹരി ശ്രീ ഗണപതയെ നമ:

2009-12-31T23:47:00.000-08:00

ഏകദന്തം മഹാകായം തപ്ത കാഞ്ചന സന്നിഭം
ലംബോദരം വിശാലാക്ഷം വന്ദേഹം ഗണനായകം

2010 ലെ എന്റെ ബ്ലോഗിങ്ങ് ആരംഭിക്കുകയായി. സകല വിഘ്നങ്ങളും ഇല്ലാതാക്കി ഗണപതി ഭഗവാന്‍ എന്റെ ബ്ലോഗിങ്ങ് കൂടുതല്‍ ഉയര്‍ന്ന നിലവാരത്തിലേക്ക് കൊണ്ടുപോകാന്‍ അനുഗ്രഹിക്കുമെന്ന പ്രാര്‍ഥനയോടെ ഒരു തേങ്ങ ഉടയ്ക്കുന്നു.

ലോകത്ത് എമ്പാടുമുള്ള മലയാളി ബ്ലോഗ്ഗര്‍മാര്‍ പുതു വര്‍ഷത്തെ വരവേറ്റത് വിവിധ തരത്തിലായിരുന്നു. ബ്ലോഗ്‌ അവാര്‍ഡുകള്‍, കഥകള്‍, കവിതകള്‍, നര്‍മ്മം തുടങ്ങി നിരവധി സൃഷ്ടികള്‍. ഇതെല്ലം ലോകത്തിന്റെ മുക്കിലും മൂലയിലും ഇരിക്കുന്ന മലയാളികളുടെ മുന്‍പിലെത്തി.

2009 നിരവധി ബ്ലോഗ്‌ മീറ്റുകളും കൂടിച്ചേരലുകള്‍ക്കും സാക്ഷിയായി. കേരളത്തില്‍ മാത്രമല്ല ലോകത്തിന്റെ വിവിധ പ്രദേശങ്ങളില്‍ ബ്ലോഗ്ഗര്‍ ഒത്തു കൂടി.

മലയാളിയുടെ മാധവിക്കുട്ടിയും, മുരളിയും, ലോഹിതദാസും, രാജന്‍ പി ദേവും മലയാളത്തെ വിട്ടുപിരിഞ്ഞ 2009 വേര്‍പാടുകളുടെ വര്‍ഷമായിരുന്നു. നമുക്ക് നമ്മുടെ അമ്മമ്മയെയും മുത്തശ്ശിയെയും മുത്തശ്ശനെയും നഷ്ടപ്പെട്ട വര്‍ഷം.

അതെ പോലെ 2009 നമുക്ക് കുഞ്ഞു അനുജന്മാരെയും അനിയത്തിമാരെയും കൊച്ചുമോനെയും മോളെയും ലഭിച്ച വര്‍ഷം. അനേകം പ്രതിഭശാലികളെ കണ്ടെത്തിയ വര്‍ഷം. ചുരുക്കത്തില്‍ 2009 സുഖ ദുഖങ്ങളുടെ വര്‍ഷമായിരുന്നു.

നഷ്ടലാഭങ്ങളുടെ 2009 കഴിഞ്ഞു പ്രതീക്ഷയുടെ 2010 പിറന്നു. എല്ലാവര്‍ക്കും എല്ലാ മംഗളങ്ങളും സര്‍വ്വേശ്വരന്‍ അനുഗ്രഹിക്കുമാറാകട്ടെ..

പുതുവത്സരം സമാഗതമായി

2009-12-30T22:21:00.000-08:00

പുതുവത്സരം സമാഗതമായി. ഒരുപാട് പ്രതീക്ഷകളായി 2010 പുതു വര്‍ഷത്തെ വരവേല്‍ക്കാന്‍ ലോകമെങ്ങും ഒരുങ്ങുകയായി. നഷ്ടപ്പെടലുകളുടെയും കൂടിച്ചേരലുകളുടെയും പോയ വര്‍ഷം. നാം ഓരോരുത്തര്‍ക്കും നന്മകളും സന്തോഷവും നല്‍കിയ വര്‍ഷം. പലര്‍ക്കും കുടുംബത്തില്‍ പുതു അംഗങ്ങള്‍ പിറന്ന വര്‍ഷം അതുപോലെ നമ്മുടെ ഉറ്റവര്‍ വിട്ടുപിരിഞ്ഞ നിമിഷം.

കറുത്തേടം ബ്ലോഗിന്റെ എല്ലാ വായനക്കാര്‍ക്കും ഐശ്വര്യത്തിന്റെയും സമൃദ്ധിയുടെയും പുതുവത്സരം ആശംസിക്കുന്നു.

കേരളത്തിലും യോഗ ക്ലാസുകള്‍

2009-12-30T21:42:00.000-08:00

ഓരോ ഗ്രാമത്തിലും ഓരോ സൗജന്യ യോഗ പരിശീലനകേന്ദ്രമെന്ന ആശയം 2011 ഓടെ യാഥാര്‍ത്ഥ്യമാകുമെന്ന്‌ പതഞ്ജലി യോഗപീഠം പരമാചാര്യന്‍ യോഗഋഷി ബാബാ രാംദേവ്ജി അറിയിച്ചു. രോഗങ്ങളും ലഹരിവസ്തുക്കളോടുള്ള ആസക്തിയുമാണ്‌ ഭാരതം അഭിമുഖീകരിക്കുന്ന പ്രധാന പ്രശ്നങ്ങള്‍. ഈ രണ്ടു പ്രശ്നങ്ങളില്‍നിന്നും മുക്തിനേടുവാന്‍ യോഗ പരിശീലനത്തിലൂടെ മാത്രമേ കഴിയൂ എന്നും അദ്ദേഹം പറഞ്ഞു.

യോഗ മതപരമായ ആചാരമല്ല. മതപരമായോ രാഷ്ട്രീയപരമായോ യാതൊരുവിധ വിവാദവും യോഗയുമായി ബന്ധപ്പെട്ട്‌ ഉണ്ടായിട്ടില്ല. ആരോഗ്യകരമായ ജീവിതത്തിന്‌ മാംസഭക്ഷണം പൂര്‍ണമായി ഉപേക്ഷിച്ച്‌ പച്ചക്കറികളിലേക്ക്‌ തിരിച്ചുവരണമെന്ന്‌ അദ്ദേഹം ഉപദേശിച്ചു. വൃത്തിയുള്ള സാഹചര്യവും അച്ചടക്കമുള്ള ജീവിതവുമാണ്‌ ആരോഗ്യം നിലനിര്‍ത്താന്‍ ആവശ്യമായിട്ടുള്ളത്‌

അഷ്ടാംഗ യോഗത്തിലെ പ്രാണായാമത്തെ അടിസ്ഥാനമാക്കി ചിട്ടപ്പെടുത്തിയ യോഗയാണ്‌ രാംദേവ്ജി പരിശീലിപ്പിക്കുന്നത്‌. പതിനഞ്ച്‌ വയസ്സില്‍ സന്യാസമാരംഭിച്ച ഇദ്ദേഹം ഗംഗോത്രിയിലെ കഠിനമായ തപസ്സിനുശേഷമാണ്‌ ദിവ്യയോഗ്‌ മന്ദിര്‍ സ്ഥാപിച്ചത്‌. 1995ല്‍ സ്ഥാപിച്ച ദിവ്യയോഗ്‌ മന്ദിറിന്റെ പതിനഞ്ചാം വാര്‍ഷികം ഹരിദ്വാറില്‍ നടത്താനൊരുങ്ങുകയാണ്‌ സംഘാടകര്‍.

courtesy: Janmabhumi

ഹര്‍ത്താല്‍ കൊണ്ട് എന്ത് നേടി ?

2009-12-29T21:13:00.000-08:00

വീണ്ടുമൊരു ഹര്‍ത്താല്‍ കൊണ്ട് ജനങ്ങള്‍ക്കെന്തു ഗുണം ഉണ്ടായി. കൂടിയ വില കുറയ്ക്കാനോ ജീവിത നിലവാരം ഉയര്‍ത്താനോ ഈ സര്‍ക്കാരിനെ കൊണ്ട് ഒട്ടു ആകുമില്ല. പിന്നെ എന്തിനീ സമരം.

ഹര്‍ത്താല്‍ ബി എം എസ് നടത്തിയത് കൊണ്ട് കുറ്റം പറയുന്നതല്ല. ഹര്‍ത്താലിനെ എതിര്‍ത്ത് ഒരു കോണ്‍ഗ്രസ്‌ നേതാവ് പറയുന്നതും കേട്ട്. എന്നാല്‍ ഈ നേതാവ് അവര്‍ നടത്തുമ്പോഴും അങ്ങിനെ തന്നെ പറയണം. പിന്നെ ഇതെല്ലാം ഒരു ജീവിതത്തിന്റെ ഭാഗമാക്കിയ ഇടതന്മാര്‍ക്ക് ഹര്‍ത്താല്‍ കൂടാതെയും പറ്റില്ല.

ചുരുക്കത്തില്‍ ഇങ്ങനെയല്ല പ്രതികരിക്കേണ്ടത്. പൊതുമുതല്‍ നശിപ്പിച്ചും ആളുകളെ കഷ്ടപ്പെടുത്തിയും അല്ല ഹര്‍ത്താല്‍ ആചരിക്കേണ്ടത്. മറിച്ച്‌ മുഴുവന്‍ സമയവും ജോലി ചെയ്തിട്ടാണ്.

പണ്ട് അബ്ദുള്ള കുട്ടി പറഞ്ഞ വികസനവും ഗുജറാത്ത്‌ മുഖ്യമന്ത്രി മോഡിയുടെ മഹത്വവും അതാണ്‌. എന്നാല്‍ അതെ പാര്‍ട്ടിയുടെ സപ്പോര്‍ട്ട് കൊണ്ട് കേരളത്തില്‍ നടത്തിയ ഹര്‍ത്താല്‍ കൊണ്ട് കേരളത്തിന്‌ ഒരു ഗുണവും ഉണ്ടാക്കിയില്ല. ഹര്‍ത്താലുകളില്ലാതെയും കാര്യങ്ങള്‍ നടത്തുവാനാകുമെന്ന് തെളിയിച്ചു കാട്ടിയ നരേന്ദ്രമോഡിയുടെ ഉദാഹരണം - വര്‍ഷങ്ങളായി ഒരു ഹര്‍ത്താല്‍ പോലും നടക്കാത്ത സംസ്ഥാനമാണ് ഗുജറാത്ത് കേരള ബി‌എം‌എസ് പഠിക്കേണ്ടിയിരിക്കുന്നു.

ചുരുക്കത്തില്‍ കേരളത്തില്‍ എല്ലാ പാര്‍ട്ടികളും ഒരുപോലെയാണ്. രാഷ്ട്രീയം വേറെ വികസനം വേറെ എന്ന യാതാര്‍ത്ഥ്യം മനസ്സിലാക്കാതെ കേരളത്തിന്‌ പുരോഗതി ഉണ്ടാകുമെന്ന് തോന്നുന്നില്ല. ഈ ബന്ദും ഹര്‍ത്താലും കൊണ്ട് ഒരു കമ്പനിയും കേരളത്തില്‍ തുടങ്ങാന്‍ മുന്നോട്ടു വരില്ല. അതിനുദാഹരണം ആണ് നാനോ കാര്‍ ഗുജറാത്തിലേക്ക് പോയത്.

ബീ എം എസ് നടത്തിയ ഹര്‍ത്താല്‍ ദിനത്തില്‍ കേരളത്തിന്‌ ഉണ്ടായ കഷ്ടം അതിനുത്തരവാദി നാം തന്നെയാണ്. ജനങ്ങള്‍ പ്രബുധരാകണം. രാഷ്ട്രീയത്തിന് മീതെ ജനങ്ങള്‍ ആണ് പ്രധാനം എന്ന തിരിച്ചറിവ് ഉണ്ടാകണം.

മധ്യപ്രദേശ് മുഖ്യമന്ത്രി കേരളത്തില്‍ സുഖയാത്രക്ക് വന്നതിനെ എതിര്‍ക്കുന്നതില്‍ യാതൊരു അര്‍ത്ഥവുമില്ല. കേരളത്തെക്കാളും വ്യവസായത്തിന് പറ്റിയ പ്രദേശമാണ് മധ്യപ്രദേശ്. ഇത്രക്കും സാക്ഷരത ഇല്ലെങ്കിലും അവിടത്തെ ജനങ്ങള്‍ക്ക്‌ ജീവിക്കാനറിയാം.

കേരളത്തില്‍ മണ്ടന്മാര്‍ നാം ജനങ്ങള്‍ ആണ്. ഒരു പാര്‍ട്ടി ഹര്‍ത്താല്‍ നടത്തുമ്പോള്‍ മറു പാര്‍ട്ടിക്കാര്‍ അതിനെ എതിര്‍ക്കും. മറു പാര്‍ട്ടിക്കാര്‍ തിരിച്ചും. ഇങ്ങനെ രാഷ്ട്രീയം കളിച്ചു കേരളം ഒരു ഭ്രാന്താലയം ആകും തീര്‍ച്ച.

വ്യാജ വോട്ടിനു കേസ്

2009-12-28T15:38:00.000-08:00

ബൂലോകം മികച്ച ബ്ലോഗ്ഗര്‍മാരെ തിരഞ്ഞെടുക്കാന്‍ വോട്ട് എടുപ്പുമായി രംഗത്ത്. ബ്ലോഗ്‌ വായിക്കുന്നവരെല്ലാം വോട്ട് ചെയ്യണമെന്ന നിയമ കൊണ്ടുവരാന്‍ ബൂലോകത്ത് ഒരു മോഡി ഇല്ലാത്തതിന്റെ കുറവ് കാണാനുണ്ട്. എല്ലാ ഇനത്തിലും വളരെ കുറഞ്ഞ വോട്ടിംഗ് നിരക്കാണ് കാണാന്‍ കഴിയുന്നത്‌. ഏതോ ചാനല്‍ ചര്‍ച്ചയില്‍ കണ്ടപോലെ മോഡിയുടെ നിയമത്തെ എതിര്‍ക്കാന്‍ ധാരാളം പേര്‍. ഇവിടെയും അതുതന്നെ തിരഞ്ഞെടുപ്പ് തട്ടിപ്പാണെന്നും അല്ലെന്നും രണ്ടു അഭിപ്രായങ്ങള്‍ ഉയര്‍ന്നു വരുന്നു.

ഏതായാലും ഡിസംബര്‍ തണുപ്പില്‍ ഉറങ്ങിപ്പോയ ബ്ലോഗരെ ഉണര്‍ത്താന്‍ ബൂലോകത്തിനു ആയി എന്നതില്‍ സന്തോഷം. എന്നാല്‍ വോട്ടിങ്ങിനെ പറ്റി വരുന്ന ചില സംശയങ്ങള്‍ ഞെട്ടിക്കുന്നതാണ്. കള്ളാ വോട്ട് തടയാന്‍ ആവുന്നത് ചെയ്യുന്നുണ്ടെന്ന് ബൂലോകം പത്രാധിപര്‍ പറയുന്നുണ്ടെങ്കിലും തങ്ങള്‍ കള്ള വോട്ട് ചെയ്തതായി ചിലര്‍ ആണയിട്ടു പറയുന്നു. എന്നാല്‍ കണ്ണൂരില്‍ കള്ള വോട്ട് ചെയ്ത ആളുകള്‍ക്കെതിരെ കേസ് എടുക്കാന്‍ തിരഞ്ഞെടുപ്പ് ഒരുങ്ങുകയാണെന്ന് പത്ര വാര്‍ത്ത. കള്ള വോട്ട് ചെയ്തിട്ടും ജയിക്കാന്‍ പറ്റാത്തവരുടെ ദുഃഖം ആരോട് പറയാന്‍.

കള്ള വോട്ട് ചെയ്തിട്ടുണ്ടെങ്കില്‍ അവര്‍ക്കെതിരെ എന്ത് നടപടി എടുക്കും എന്ന് പത്രാധിപര്‍ വ്യകതമാക്കെണ്ടാതാണ്. അത് ഉടന്‍ ഉണ്ടാകും എന്ന് കരുതുന്നു. വോട്ട് ചെയ്യാതിരിക്കുന്നത് ഒരു ഭൂഷണം ആണോ എന്നും ചിന്തിക്കേണ്ട വിഷയമാണ്. അത് ബ്ലോഗ്‌ ഭരണ ഘടനക്ക് എതിരാണോ എന്നുമുള്ള നിയമ വശം നാം ചര്‍ച്ച ചെയ്യേണ്ടതാണ്.

കേരളത്തില്‍ രാഷ്ട്രീയക്കാരുടെ പോലെ എന്തും വിളിച്ചു പറയുന്ന സംസ്കാരം നാം ബ്ലോഗ്ഗര്‍ക്കും ഉണ്ടല്ലോ? എന്തായാലും ഇന്ന് ഹര്‍ത്താല്‍ ആയതു കൊണ്ട് കൂടുതല്‍ പ്രതികരണങ്ങള്‍ പ്രതീക്ഷിക്കുന്നു.

എല്ലാവര്ക്കും 2009 ലെ അവസാനത്തെ ഹര്ത്താലിനു ആശംസകള്‍ അര്‍പ്പിച്ചു കൊണ്ട് നിര്‍ത്തുന്നു.

നന്ദി നമസ്കാരം

എസ് എഫ് ഐ യും ചില യോഗ ചിന്തകളും

2009-12-27T16:46:00.000-08:00

മനോരമ പത്രത്തില്‍ എസ് എഫ് ഐ ക്കാര്‍ക്ക് യോഗ പഠിപ്പിക്കണം എന്ന നിര്‍ദ്ദേശം - വാര്‍ത്ത. ആധുനികലോകത്തെ ഏറ്റവുമധികം ആകര്‍ഷിച്ചിട്ടുള്ള ഭാരതീയപൗരാണിക ആരോഗ്യപരിപാലന സമ്പ്രദായങ്ങളില്‍ ഒന്നാണ്‌ യോഗ. ആയുര്‍വേദം കഴിഞ്ഞാല്‍ ഭാരതം ലോകത്തിന് നല്‍കിയ സംഭാവനയാണിത്. മനുഷ്യനെ ശാരീരികവും മാനസികവും ആത്മീയവമായ ഉന്നതിയിലേക്ക് നയിക്കുക എന്ന ഉദ്ദേശത്തൊട് കൂടി രചിക്കപ്പെട്ട കൃതിയാണ് അഷ്ടാംഗഹൃദയം. പതഞ്ജലിമഹര്‍ഷിയാണ് ഈ ഗ്രന്ഥത്തിന്റെ കര്‍ത്താവ്. നമ്മുടെ പൂര്‍വ്വികരായ ഋഷിമാര്‍ ദീര്‍ഘകാലത്തെ ധ്യാന-മനനാദികളാല്‍ നേടിയെടുത്ത വിജ്ഞാനമാണിത്.

യോഗ ചെയ്യുന്നവര്‍ ശ്രദ്ധിക്കേണ്ട ചിലകാര്യങ്ങള്‍. നേരത്തേ ഉണരാന്‍ ശീലിക്കുക. ഈശ്വരനെ സങ്കല്‍പിച്ച് എഴുന്നേല്‍ക്കുക. വെറും വയറ്റില്‍ ഒരു ഗ്ലാസ് ശുദ്ധ ജലം കുടിക്കുക. തലേന്ന് രണ്ടോ മൂന്നോ തുളസിയിലയിട്ട് വച്ചിരുന്ന വെള്ളമോ, ചെറുനാരങ്ങയില്‍ തേന്‍ചേര്‍ത്ത വെള്ളമോ ആയാല്‍ വളരെ നല്ലതാണ്. അതിനു ശേഷം പ്രഭാത കൃത്യങ്ങള്‍ കൃത്യമായ് ചെയ്യുക. അതിന് ശേഷം നല്ലതുപോലെ വായു സഞ്ചാരം ഉള്ള മുറിയില്‍, കട്ടിയുള്ളതും നീളവും വീതിയുമുള്ള വിരിപ്പ് വിരിക്കുക. അതില്‍ വടക്കോട്ടോ കിഴക്കോട്ടോ അഭിമുഖമായിരുന്ന് യോഗ ആരംഭിക്കാം. തുടക്കത്തില്‍ ശാന്തിമന്ത്രവും അതിനു ശേഷം ഏതെങ്കിലും ഇഷ്ട പ്രാര്‍ത്ഥനയും ചൊല്ലുക.

യമം അഹിംസ , സത്യം, അസ്തേയം, അപരിഗ്രഹം, ബ്രഹ്മചര്യം എന്നിവയെക്കുറിച്ചാണ് പ്രതിപാദിക്കുന്നത്. മനസ്സുകൊണ്ടും, പ്രവര്‍ത്തികൊണ്ടും യാതൊന്നിനേയും വേദനിപ്പിക്കരുത് എന്നാണ് അഹിംസ എന്നതുകൊണ്ട് ഉദ്ദേശിക്കുന്നത്. നാം ചിന്തിക്കുന്നതും പ്രവര്‍ത്തിക്കുന്നതും സത്യമായിരിക്കണം, സത്യത്തിന് വേണ്ടിയായിരിക്കണം. അതാണ് സത്യം എന്ന് പറയുന്നത്. അര്‍ഹതയില്ലാത്തത് ആഗ്രഹിക്കരുത്, കൈവശപ്പെടുത്തരുത് എന്നാണ് ആസ്തേയം എന്നത് അര്‍ത്ഥമാക്കുന്നത്. അവശ്യം വേണ്ടത് മാത്രം സ്വന്തമാക്കുകയും ആവശ്യമില്ലാത്തത് അതായത് ദുര്‍മോഹങ്ങള്‍ ഉപേക്ഷിക്കുക എന്നാണ് അപരിഗ്രഹം അര്‍ത്ഥമാക്കുന്നത്. മനസ്സുകൊണ്ടോ പ്രവര്‍ത്തികൊണ്ടോ യാതൊന്നിനേയും ദുരുപയോഗം ചെയ്യാതിരിക്കുക എന്നാണ് ബ്രഹ്മചര്യം കൊണ്ട് ഉദ്ദേശിക്കുന്നത്.

ഇന്ന് ലോകം മുഴുവന്‍ ഫോളോ ചെയ്യുന്ന സംസ്കാരം നമ്മുടെ ഭാരത സംസ്കാരമാണ്. ഈ അടുത്ത് ഒരു മലയാള പത്രത്തില്‍ വായിച്ച ഒരു ന്യൂസ്‌നെ പിന്തുടര്‍ന്ന് പോയത് ന്യൂസ്‌ വീക്ക്‌ ലേക്കാണ്. അമേരിക്കയിലെ ഏറ്റവും കൂടുതല്‍ പ്രചാരമുള്ള വാര്‍ത്താ പ്രസിദ്ധീകരണമായ ന്യൂസ്‌ വീക്കില്‍ (ആഗസ്റ്റ്‌ 31ലെ ലക്കം) പ്രസിദ്ധീകരിച്ച 'നമ്മളേവരും ഇപ്പോള്‍ ഹിന്ദുക്കളാണ്‌' എന്ന തലക്കെട്ടുള്ള ഗ്രാഹ്യക്ഷമമായ ലേഖനത്തില്‍ പറയുന്നു: 'അമേരിക്ക ഒരു ക്രൈസ്തവരാജ്യമല്ല".

നമ്മുടെ രാജ്യത്ത്‌, നമ്മുടെ മതം പരിപാവനമായി ഉയര്‍ത്തിപ്പിടിച്ച അറിവും അനുഷ്ഠാനങ്ങളും ഹിന്ദുമതം ഭൂമിശാസ്ത്രപരമായി കാലഹരണപ്പെട്ടു എന്നും പറഞ്ഞ്‌ നമ്മളാല്‍ തഴയപ്പെട്ടുകൊണ്ടിരിക്കുമ്പോള്‍, പുറംരാജ്യങ്ങളില്‍ പൊതുവെ ജീവിതത്തോടും മരണത്തോടും മരണാനന്തരാവസ്ഥയോടും സനാതനത്വത്തോടും പുനര്‍ജനനത്തോടുമുള്ള നമ്മുടെ ഋഷീശ്വരന്മാരുടെയും സന്യാസിവര്യന്മാരുടെയും വിശ്വാസങ്ങളും കണ്ടെത്തലുകളും അംഗീകാരം നേടുന്നത്‌ വര്‍ധിച്ചുകൊണ്ടിരിക്കുകയാണ്‌.

'ഏകം സത്‌, വിപ്രാഃ ബഹുധാ വദന്തി' എന്ന ഋഗ്വേദവാക്യം ഉദ്ധരിക്കുന്ന ലേഖനം "ഈശ്വരനിലെത്തിച്ചേരുവാന്‍ പല മാര്‍ഗങ്ങളുണ്ട്‌; ജീസസ്സിലൂടെ ഒരു മാര്‍ഗം, ഖുറാനിലൂടെ മറ്റൊരു മാര്‍ഗം, യോഗവിദ്യയിലൂടെ മൂന്നാമത്തെ മാര്‍ഗം, ഒന്നും മറ്റൊന്നിനേക്കാള്‍ ശ്രേഷ്ഠമല്ല. എല്ലാം സമാനങ്ങളാണ്‌" എന്ന ഹൈന്ദവതത്വത്തെ ഊന്നിപ്പറയുന്നു.

ഇന്ന് അമേരിക്കയില്‍ എവിടെയും യോഗ ക്ലാസുകള്‍ കാണാം. അവര്‍ക്ക് യോഗയുടെ കൂടെ സൂര്യനെ സ്തുതിച്ചുള്ള ശ്ലോകം ചോല്ലുന്നതില്‍ ഒരു അഭിമാന കുറവും ഇല്ല തന്നെ. മാതാപിതാക്കളെ തള്ളി പറഞ്ഞു കുലമഹിമ വിളമ്പുന്നതില്‍ എന്ത് കാര്യം എന്ന ബോധം നമുക്കില്ലെങ്കിലും അവര്‍ക്കുണ്ട്.

വളരെ വൈകിയെങ്കിലും നമ്മുടെ കുട്ടി സഖാക്കന്മാര്‍ ഇതെല്ലം പഠിക്കുന്നു എന്നത് നല്ല കാര്യം. മുന്‍പേ പറഞ്ഞ പോലെ യമം അഹിംസ , സത്യം, അസ്തേയം, അപരിഗ്രഹം, ബ്രഹ്മചര്യം തുടങ്ങിയവ യോഗ പഠിക്കുന്നതിനു വേണ്ട അത്യാവശ്യ ഘടകങ്ങള്‍ ആണ് താനും.

യൂത്ത് കോണ്‍ഗ്രസുകാരും യുവമോര്‍ച്ചക്കാരും കൂടെ യോഗ പഠനം നടത്തിയാല്‍ മഹാത്മാ ഗാന്ധിജി വിഭാവനം ചെയ്ത അഹിംസയില്‍ ഊന്നിയ ഒരു കേരളം നമുക്ക് സ്വപ്നം കാണാം.

Courtesy:
Wiki pedia
മനോരമ പത്രത്തില്‍ - എസ് എഫ് ഐ ക്കാര്‍ക്ക് യോഗ പഠിപ്പിക്കണം
Janmabhumi Malayalam Paper
ന്യൂസ്‌ വീക്ക്‌

കാമ തീവാരി കോണ്‍ഗ്രസ്‌

2009-12-26T09:39:00.000-08:00

ഉണ്ണിത്താന്‍ അറുപതുകളില്‍ കാമാവേശം കാട്ടിയെങ്കില്‍ തീവാരി തൊണ്ണൂറുകളില്‍ അതും മൂന്നു പെണ്ണുങ്ങള്‍. AICC പേരുമാറ്റി ആള്‍ ഇന്ത്യ കാമ കോണ്‍ഗ്രസ്‌ എന്നാക്കുന്നതാവും ഇനി നല്ലത്. തെക്കേ അറ്റം മുതല്‍ വടക്കേ അറ്റം വരെ എല്ലാവരും മൂക്കത്ത് വിരല്‍ വച്ച് പോകുന്ന പ്രകടനം. ഏതായാലും തീവാരിയും ഉണ്ണിത്താനും യുവാക്കള്‍ക്ക് ഒരു മാതൃക ആകാഞ്ഞാല്‍ നല്ലത്.

ഇത് കോണ്‍ഗ്രസ്‌കാരുടെ മാത്രം പ്രശ്നമോ? എന്നതായിരുന്നു ചാനലുകള്‍ ചര്‍ച്ച ചെയ്തത്. പ്രത്യക്ഷത്തില്‍ അത് കോണ്‍ഗ്രസ്‌ന്റെ മാത്രം കുത്തകയാണ്. അല്ല എന്ന് സമര്‍ഥിക്കാന്‍ അവര്‍ പീ ഡീ ഫി ക്കാര്‍ അല്ലല്ലോ. എന്തിനും ഏതിനും മലയാളം അറിയാത്ത വടക്കന്‍ അഭിപ്രായം പറയാറുണ്ടെങ്കിലും ക്രിസ്മസ് കാരണം അങ്ങേര്‍ക്കു വരാന്‍ ഒത്തില്ല.

ചാനലുകാര്‍ പോലീസിന്റെ പണി ചെയ്‌താല്‍ ഇങ്ങനെയിരിക്കും. പോലീസ് എന്നെഴുതാന്‍ അറിയാത്ത മന്ത്രിമാര്‍ ഭരിക്കുന്ന കേരളത്തില്‍ ചാനലുകാര്‍ ഇല്ലെങ്കില്‍ കേരള ജനത ചാരമാകാന്‍ അധികം താമസിക്കെണ്ടിവരില്ല. ഉണ്ണിത്താന്‍ ഒരു യുവതിയുടെ കൂടെ ഒരു വീട്ടില്‍ അന്തിയുറങ്ങാന്‍ ട്രൈ ചെയ്തപ്പോഴേ ചാനലുകളെ വെല്ലുന്ന പീ ഡീ ഫി ക്കാര്‍ പിടിച്ചു. ഇങ്ങന്നെയുമുണ്ടോ ഒരു കണ്ണില്‍ക്കടി. ഇവിടെ ചാനലുകാര്‍ അദ്ധേഹത്തെ സഹായിക്കുകയാണോ ചെയ്തത്?. ഏതായാലും ഉപദ്രവിച്ചില്ല. പിന്നെ അതിനെ പട്ടി മിണ്ടിയതും ഇല്ല. എന്നാല്‍ തീവാരിയുടെ തീക്കളി അവര്‍ക്ക് ഉണ്ണിത്താനെ ഓര്‍ക്കാതിരിക്കാന്‍ നിവൃത്തിയില്ല്ലാതവരാക്കി. പാവം നമ്മുടെ നാരിമാരുടെ ഒരു സ്ഥിതി.

അപൂര്‍വ്വം ചില നല്ല സ്വഭാവമുള്ള കോണ്‍ഗ്രസ്‌ മഹിളകളില്‍ ഒരുവള്‍ എന്നാണു കോണ്‍ഗ്രസ്‌ കേന്ദ്ര നേതാവ് പിടിക്കപ്പെട്ടപ്പോള്‍ മൊഴിഞ്ഞത്. അതിനര്‍ത്ഥം അവരുടെ പാര്‍ട്ടിയിലെ മഹിളകള്‍ എല്ലാവരും കണക്കാണ് എന്നാണോ? എന്തായാലും മഹിള ഭരിക്കുന്ന പാര്‍ട്ടിയിലെ നേതാക്കള്‍ ഇങ്ങനെ തുടങ്ങിയാല്‍ എന്താകും സ്ഥിതി.

എല്ലാവരും അങ്ങിനെയാണ് എങ്കിലും പിടിക്കപ്പെടുമ്പോള്‍ ആളെ പുറത്താക്കി കൈകഴുകുന്ന ഏര്‍പ്പാട് ആ പാര്‍ട്ടിക്ക് പുതിയതല്ലല്ലോ?
എന്തായാലും കാത്തിരുന്നു കാണാം. "മോല്യാര് നിന്ന് പാതിയാല്‍ കുട്ട്യോള് നടന്നു പാത്തും എന്ന് പ്രമാണം".

കുറിപ്പ്: പടച്ചോനെ ഇതിലെ കഥയും കഥാപാത്രങ്ങളും ഞമ്മളെ ദുനിയാവിലുള്ള ഒരു ഇബിലീസായും ഒരു ബന്ദോം ഇല്ല.

വോട്ട് ഫോര്‍ ...

2009-12-24T12:47:00.000-08:00

2009 തിരഞ്ഞെടുപ്പുകളുടെ വര്‍ഷമായിരുന്നു. ആദ്യ കറുത്ത വര്‍ഗ്ഗക്കാരന്‍ അമേരിക്കയുടെ പ്രസിഡന്റ്‌ ആയതും നമ്മുടെ ലോകസഭ ഇലക്ഷന്‍ നടന്നതും ഈ വര്‍ഷം തന്നെ. അന്താരാഷ്ട്ര നിലവാരത്തില്‍ നിന്ന് രാഷ്ട്ര നിലവാരത്തിലേക്ക് ചേക്കേറിയ തരൂരും അമ്മ മാഡത്തിന്റെ വിദേശ ജന്മം ജന്മസൌഭാഗ്യമായി രണ്ടാമതും പ്രധാനമന്ത്രിയായി അധികാരമേറ്റെടുത്ത നമ്മുടെ സ്വന്തം മന്മോഹനും 2009 ലെ തിരഞ്ഞെടുപ്പ് ഭാഗ്യവാന്മാര്‍. എന്നാല്‍ ഉള്ള സ്ഥാനം തെറിച്ച ദേവസ്വം മന്ത്രിമാരും നമ്മുടെ നാട്ടില്‍ വേറെയുണ്ട്.

പട്ടിക്കഴുത്തില്‍ അലങ്കാരമായ അച്ചുമാമന്‍ ഇപ്പോള്‍ മൌന വ്രതത്തിലാണ് അല്ലെങ്കില്‍ എഴുതി കൊണ്ട് വന്നു വായിക്കും. കണ്ടക ശനിയല്ലേ കൊണ്ടേ പോകൂ എന്ന് പ്രമാണം. അത് പോരാത്തതിനു ഗുളികന്‍ നാക്കില്‍ തന്നെയുണ്ട്‌. ചൊവ്വ ഉച്ചത്തിലായ പിനങ്ങാരായി എന്ത് ചെയ്താലും കേന്ദ്ര കമ്മിറ്റി റാന്‍ മൂളും. പിന്നെയുള്ളത് അഭ്യന്തരം എന്നാല്‍ അത് അദ്ധേഹത്തിന്റെ അടുത്താണോ ലദനീ സായ്‌വിന്റെ അടുത്താണോ എന്ന് ചേനത്തലയോട് ചോദിക്കണം അതാണ്‌ ഇപ്പോഴത്തെ സ്ഥിതി. പഴങ്കഞ്ഞി രാജാ പഴങ്കഥയായ കേരളത്തില്‍ എത്ര മൂപ്പിലാന്‍ വന്നാലും ലദനീ സായവിനെ ഒരു ചുക്കും ചെയ്യാന്‍ പറ്റില്ലെന്ന് താത്ത പറഞ്ഞിട്ട് അറിയണോ?

എന്തൊക്കെയായാലും തറവാട്ടില്‍ തിരിച്ചു കയറാതെ ഒരു ജീവിതം വേണ്ട എന്ന് ചുരളീധരന്‍. മുട്ടുവിന്‍ തുറക്കപ്പെടുമെന്ന വചനം കൈക്കൊണ്ടു എല്ലാ വാതിലിലും മുട്ടി നോക്കി. പാതിരാ അല്ലെങ്കിലും ഉറക്കം നടിച്ചു കിടന്ന ഒരുത്തനും തുറന്നില്ല. അല്ല എങ്ങിനെ തുറക്കാനാ? തുറന്നാല്‍ തുരങ്കം വെക്കുമെന്ന് എല്ലാവര്ക്കും അറിയാവുന്ന കാര്യമല്ലേ? എന്നാലും പെറ്റ അപ്പന് തള്ളിക്കളയാന്‍ ഒക്കില്ലല്ലോ? ഹൈക്കമാണ്ടിനും കേരള കമാണ്ടിണും കുറെ എഴുതി കണാരന്‍. പക്ഷെ കൂടെ പിറപ്പിനു നന്നായി അറിയാം അതുകൊണ്ട് കത്ത് ചവറ്റു കോട്ടയില്‍ ഭദ്രമായി.

ചാനല്‍ ചര്‍ച്ചകളില്‍ മാത്രം സജീവമായ ഭാരതത്തിലെ പാര്‍ട്ടി ഒരു പ്രസിഡന്റ്‌നെ തെരഞ്ഞെടുക്കാന്‍ കഷ്ടപ്പെടുകയാണ്. ഒരു എം എല്‍ എ പോലും സ്വന്തം ഇല്ലാത്ത പാര്‍ട്ടിക്ക് ഇത്ര പ്രാധാന്യമോ? അല്ല ലദനീ സായവ് വരെ നല്ല സര്‍ട്ടിഫിക്കട്ടു കൊടുത്തു തുടങ്ങിയല്ലോ. അല്ല കാര്യന്‍ കാണാന്‍ ലദനീ സായവ് എന്ത് ചെയ്യും. ഇപ്പൊ ഈ ലദനീ സായവ് നമ്മുടെ ലീഗേമാന്‍മാര്‍ക്ക് ഒരു തല വേദനയാ. പേരില്‍ വര്‍ഗ്ഗീയമുണ്ടെങ്കിലും മതെതരരെക്കാട്ടിലും മതെതരമെന്നാണ് അവരുടെ വാദം. അത് തീവ്രവാദമല്ലെങ്കില്‍ നല്ലത്.

ഇതെല്ലാം രാഷ്ട്രീയ തമാശകള്‍. നമുക്ക് ചാനല്‍ തെരഞ്ഞെടുപ്പിലേക്ക് ചെല്ലാം. അവിടെ തിരഞ്ഞെടുപ്പെല്ലാം എസ് എം എസ്സിലൂടെ യാണ്. "വോട്ട് ചെയ്യൂ പറയൂ" എന്നാ മുദ്ര വാക്യവുമായി നമ്മുടെ സ്വന്തം വിഷനും എന്തിലും ചുവപ്പ് മാത്രം ദൃശ്യമാകുന്ന കേരളിയും സുര്യോദയം ഇതിലോന്നുമില്ലാതെ തരികിടയും ചിരി രാജയും മറ്റുമായി വാഴുന്നു. എന്നാല്‍ ഏഷ്യയിലെ നെറ്റിനു ഒരേയൊരു ലക്‌ഷ്യം സ്റ്റാര്‍ സിങ്ങര്‍ മാത്രം. കരച്ചില്‍ സീരിയലില്‍ നിന്ന് കേരളത്തെ പൊട്ടികരച്ചിലിലേക്ക് കൈപിടിച്ച് ചാടിച്ച ഒരു ചാനല്‍. അനാവശ്യ കമന്റുകളും മറ്റുമായി അവതാരകയും ജഡ്ജ്മാരും. എന്തായാലും ഒരു രസം. ഗന്ധര്‍വ ഗായകരെ സൃഷ്ട്ടിച്ചു കാഥികരില്‍ എത്തി നില്ല്കുന്നു കേരളി എന്നാല്‍ ഏഷ്യയിലെ നെറ്റ് നല്ല നടനെയും കൊമാളിയെയും തേടി നടക്കുന്നു. സൂപ്പര്‍ പരിപാടികളുമായി അമ്മയുടെ മക്കളും രംഗത്തുണ്ട്.

ഇതൊക്കെ നോക്കിയും കണ്ടു ബ്ലോഗര്‍മാര്‍ക്കും വെറുതെ ഇരിക്കാന്‍ ഒക്കുമോ. കഥയും കവിതയുമായി അവരും രംഗത്ത്. ബ്ലോഗ്‌ മീറ്റുകളും സൌഹൃദ കൂട്ടായ്മയുമായി അനേകം വേറെയും. പത്രക്കാരും ചാനലുകാരും ഒരു ഭയത്തോടെ ഇവരുടെ പ്രവര്‍ത്തനം നിവൃത്തിയില്ലാതെ റിപ്പോര്‍ട്ട്‌ ചെയ്യുന്നു. സ്വന്തം കഞ്ഞിയില്‍ പൂഴി വാരി ഇടണോ എന്ന ആശങ്കയോടെ. അപ്പോഴാണ്‌ മികച്ച ബ്ലോഗ്ഗര്‍ മാരെ കണ്ടെത്താന്‍ ഒരു ശ്രമവുമായി ബൂലോകര്‍ രംഗത്ത്. ബ്ലോഗ്ഗര്‍ അവാര്‍ഡ്‌ 2009. വോട്ട് ഫോര്‍.... ആര്‍ക്കു അത് നിങ്ങള്ക്ക് തീരുമാനിക്കാം..

ഇതിലെ പോയി ഒരു വോട്ട് ചെയ്യൂ...

കുറിപ്പ്: ഇതിലെ കഥ പാത്രങ്ങള്‍ തികച്ചു സാങ്കല്‍പ്പികം മാത്രം...

മോളിയില്ലാത്ത ക്രിസ്മസ്

2009-12-22T16:23:00.001-08:00

ക്രിസ്മസ്നു നാളുകളെ ബാക്കിയുള്ളൂ. മഞ്ഞുമൂടിയ മരച്ചില്ലകളിലും പാതയോരങ്ങളും വര്‍ണ്ണ ബള്‍ബുകളാല്‍ അലങ്കരിക്കപ്പെട്ടിരിക്കുന്നു. മരവിപ്പിക്കുന്ന തണുപ്പിലും സന്തോഷത്തിന്റെ ചൂട് ഒട്ടും ആറിയിട്ടില്ല. എങ്ങും തെളിയുന്ന ദീപങ്ങള്‍ മഞ്ഞില്‍ കൂടുതല്‍ ഭംഗിയുള്ളതായി.

കഴിഞ്ഞ ക്രിസ്മസ്നു പുല്‍ക്കൂട്‌ ഒരുക്കിയതും ക്രിസ്മസ് കേക്ക് അലങ്കരിച്ചതും എല്ലാം ഇന്നലെ കഴിഞ്ഞപോലെ. വെളുത്ത ക്രിസ്മസില്‍ വര്‍ണ്ണ അലങ്കാരങ്ങളും ദീപങ്ങളും ആഘോഷത്തിനു മാറ്റ് കൂട്ടി. മോളിയും തോമാസും അയല്‍ വീട്ടുകാരായ നാരായണനെയും സുരേഷിനെയും വിളിച്ചിരുന്നു. എല്ലാരും ചേര്‍ന്നൊരു മേളം തന്നെയായിരുന്നു. നാട്ടില്‍ പോയില്ലെങ്കിലും എല്ലാരും അടുത്തുള്ള മാതിരി ഒരു പ്രതീതിയായിരുന്നു അന്ന്. വീഡിയോ ചാറ്റ് വഴി അപ്പനെയും സഹോദരങ്ങളെയും കാണുകയും വിഷ് ചെയ്യുകയും എല്ലാം ഓര്‍മയില്‍ ഓടി മറയുന്നു.

കുഞ്ഞും നാളില്‍ ക്രിസ്മസ് കാരോള്‍ എന്നും പറഞ്ഞു അയല്‍ വീടുകളില്‍ പോയി പണം പിരിവു നടത്തിയതും. മോഹന്‍ലാലിന്‍റെ ക്രിസ്മസ് പടം കാണാന്‍ കൂട്ടുകാരോടൊപ്പം പോയതും എല്ലാം ക്രിസ്മസ് ഓര്‍മ്മകള്‍. ആയിരം കണ്ണുമായ് കാത്തിരുന്നു നിന്നെ ഞാന്‍ എന്ന് പാടി മോളിയെ സ്വപ്നം കണ്ടു നടന്ന കാലം.

സ്കൂളില്‍ പോകുന്ന കാലം മുതലേ മോളിയെ അറിയാം. ജോസഫ്‌ മാഷിന്റെ മോള്‍. എന്നാല്‍ കോളേജില്‍ പോയി തുടങ്ങിയപ്പോഴാണ് മോളിയെ പരിചയപ്പെടുന്നത്. അന്ന് തുടങ്ങിയ സ്നേഹ ബന്ധം കല്യാണവും പിന്നെ കുട്ടികളിലുമെത്തി.

നാട്ടില്‍ സര്‍ക്കാര്‍ ഗുമസ്ത പണിയിലാണ് തോമസിന്റെ ജോലി ആരംഭിക്കുന്നത്. പിന്നെ മോളിയെ മിന്നു കെട്ടി കോഴിക്കോട്ടേക്ക് താമസം മാറ്റി. കോഴിക്കോട്ടെ ഒരു സ്വകാര്യ ആശുപത്രിയിലായിരുന്നു മോളിയുടെ അന്നത്തെ സേവനം. സേവനം എന്ന് വച്ചാല്‍ മോളി അവിടെ നേഴ്സ് ആയിട്ടായിരുന്നു ജോലി നോക്കിയിരുന്നത്. കോഴിക്കോടിന്റെ നിഷ്കളങ്കതയും സേവന മനസ്കതയും എല്ലാം ഒരു രസമായിരുന്നു.

ആയിടക്കു അമേരിക്കയിലുള്ള കറിയാച്ചന്‍ ഒരു വിസയുടെ കാര്യവും അങ്ങനെ മോളിക്ക് ജോലിയും തരപ്പെടുത്തി. നാട്ടിലെ നഴ്സിംഗ് പഠനവും ജോലിയും ഉപകാരമായെങ്കിലും ഇവിടെ വന്നിട്ട് ഒരുപാട് ടെസ്റ്റുകള്‍ പാസ്സകേണ്ടി വന്നു നേഴ്സ് ആയി ജോലി കിട്ടാന്‍. ഡിസംബര്‍ മാസത്തില്‍ വന്നതും കൊടും ശൈത്യത്തില്‍ ജീവിച്ചു തുടങ്ങിയതും ഒരു രസമായിരുന്നു.

അമേരിക്കയില്‍ വന്നെങ്കിലും തോമസിന് ജോലി ഇല്ലായിരുന്നു. മോളിയുടെ വിസ പോരായിരുന്നു തോമസിന് ജോലി കിട്ടാന്‍. അങ്ങിനെ ഗ്രീന്‍ കാര്‍ഡിനെ പറ്റി ചിന്തയും എല്ലാം ജീവിതം കൂടുതല്‍ സങ്കീര്‍ണ്ണമാക്കി. മരവിക്കുന്ന തണുപ്പത്ത് വെറുതെ ഇരുത്തം ഒരു തരം ഭ്രാന്തു രൂപത്തിലായി. പിന്നെ മദ്യവും ഇറച്ചിയും ചായയെക്കള്‍ വില കുറഞ്ഞു കിട്ടിയത് ഭാഗ്യം. ഒരു ടൈം പാസ്‌.

കറിയാച്ചന്റെ ബന്ധുവിന് പലചരക്ക് കട ഉണ്ടായിരുന്നു. അങ്ങേരുടെ ശുപാര്‍ശ ഒരു ജോലി തരപ്പെടുത്തി. ഗുമസ്ത പണിയില്‍ നിന്നും ബിസിനസ്‌ലേക്കുള്ള കാല്‍വെപ്പ്‌ എന്ന് വേണം അതിനെ കരുതാന്‍. അധികം താമസിയാതെ ജോയ് സന്താനമായി പിറന്നു. പിന്നെ ജീവിതം പച്ച പിടിച്ചു തുടങ്ങി. കുറച്ചു വര്‍ഷത്തെ പലചരക്ക് കട നടത്തിപ്പ് പരിചയം ഒരു കട തുടങ്ങുന്നതില്‍ എത്തിച്ചു. ആ സംരഭം ഇന്ന് മധ്യ അമേരിക്കയില്‍ ഒരു വന്‍ ബിസിനസ്‌ ആയി വളര്‍ന്നു. തോമസ്‌ മുതലാളിയായി. പിന്നെ മലയാളി അസോസിയേഷന്‍ പ്രസിഡന്റായി. നാട്ടില്‍ നിന്നും നടീ നടന്മാരെ കൊണ്ട് വന്നു പ്രോഗ്രമ്മുകള്‍ അങ്ങിനെ തോമസിന്റെ കൂടെ മദ്യസേവ ചെയ്യാത്ത നടന്മാര്‍ ഇല്ലെന്ന സ്ഥിതിയായി.

കഴിഞ്ഞ മെയ്‌ മാസം മോളി ജോയ്ക്കൊപ്പം നാട്ടിലേക്കു പോയി. മോളിയുടെ അപ്പന് സുഖമില്ലായിരുന്നു. തോമസ്സും പോകാനിരുന്നതാണ്. ബിസിനസ്‌ ഏല്‍പ്പിക്കാന്‍ ആളില്ലാത്ത കാരണം പോയില്ല. കോഴിക്കോട്ടെ സ്വകാര്യ നഴ്സിംഗ് ഹോം മോളിയെ അവരുടെ വാര്‍ഷിക ആഘോഷത്തിലേക്ക് ക്ഷണിച്ചിരുന്നു. ജോയ്ക്ക് അതിലൊന്നും താല്‍പ്പര്യമില്ലാത്തതിനാല്‍ മോളി തനിച്ചാണ് പോയത്.

കാറില്‍ പോയിക്കൊണ്ടിരിക്കുന്ന തോമസ്സിന്റെ മനസ്സിലേക്ക് കുറെ ഓര്‍മ്മകള്‍. ഈ വര്‍ഷം തോമസ്സ്നു ക്രിസ്മസ് ആഘോഷമില്ല. ജോയ് കൂടുകാരുടെ വീട്ടില്‍ പോകും.

പിന്നെയും മോളി തോമസ്സിന്റെ മനസ്സിലേക്ക്. കോഴിക്കോട്ടെ സ്ഫോടനത്തില്‍ മോളിയും ചെറു കഷണങ്ങള്‍ ആയി.

2009 കടന്നു പോകുമ്പോള്‍....

2009-12-22T13:06:00.000-08:00

ഓര്‍ക്കാന്‍ ഒരുപാട് ദുഖങ്ങളും സന്തോഷങ്ങളുമായി 2009 കടന്നു പോവുകയാണ്. ഓരോ ഡിസംബര്‍ മാസം വരുമ്പോഴും കുറെ നഷ്ടബോധങ്ങളും എന്നാല്‍ വരും വര്‍ഷത്തെ പ്രതീക്ഷകളും ഇടകലര്‍ന്നു നാം പുതു വര്‍ഷത്തെ വരവേല്‍ക്കാന്‍ ഒരുങ്ങുന്നു.

ലോകം മുഴുവന്‍ ഒരു ഗ്രാമമാകുന്ന ഈ കാലത്ത് കേരളത്തെ കുറിച്ച് മാത്രമുള്ള ഒരു ചിന്ത അപ്രസക്തമാണ്. കേരളത്തിനും ലോകത്തിനും ഒട്ടേറെ ഓര്‍ക്കാന്‍ വക നല്‍കിയാണ്‌ 2009 യാത്രയാകുന്നത്. ലോകം മുഴുവന്‍ അറിയപ്പെടുന്ന ഒരു പദവിയാണ്‌ അമേരിക്കന്‍ പ്രസിഡന്റ്‌ എന്നത് അതിനാല്‍ 2009 ലെ പ്രധാന സംഭവങ്ങളില്‍ മുഖ്യവും ബാരക്ക് ഒബാമ അമേരിക്കയുടെ 44 മത് പ്രസിഡന്റായി ജനുവരി 20 നു അധികാരമേറ്റെടുത്തു എന്നതും. ചരിത്രത്തില്‍ ആദ്യമായി ആ പദവി ഏറ്റെടുക്കുന്ന ഒരു കറുത്ത വര്‍ഗ്ഗക്കാരന്‍ കൂടിയാണ് ഒബാമ. മഹാത്മാ ഗാന്ധിയും മാര്‍ട്ടിന്‍ ലുതെര്‍ കിങ്ങിനെയും ആദരിക്കുന്ന അദ്ദേഹം ലോകം മുഴുവന്‍ ആരാധ്യനാകുന്നു.

2009 ന്റെ തുടക്കത്തില്‍ ഇന്ത്യക്ക് നഷ്ടമായത് നമ്മുടെ എട്ടാമത് രാഷ്ട്രപതി R. വെങ്കട്ടരാമനെയാണ്. 1987 മുതല്‍ 1992 വരെ ഭാരതത്തിന്റെ രാഷ്ട്രപതിയായിരുന്ന അദ്ദേഹം ഒരു വക്കീലും സ്വാതന്ത്രസമര സേനാനിയും കൂടിയാണ്. 2009 ജനുവരി 27 നു അദ്ദേഹം അന്തരിച്ചു. ഒരു കാലത്ത് സിനിമ പ്രേക്ഷകരെ ചിരിപ്പിച്ച നാഗേഷ് എന്ന തമിഴ് ഹാസ്യ താരം 2009 ജനുവരി 31 വിട പറഞ്ഞു. തിരു വിളയാടല്‍, കാതലിക്ക നേരമില്ലായ്, അന്പേ വാ ശാന്തി നിലയം, പട്ടണത്തില്‍ ഭൂതം തുടങ്ങിയ നിരവധി സിനിമകളില്‍ അഭിനയിച്ചിട്ടുണ്ട്.

ഇന്ത്യയുടെ പതിനഞ്ചാം ലോകസഭ തിരഞ്ഞെടുപ്പ് 2009 ഏപ്രില്‍ 16 മുതല്‍ 2009 മെയ്‌ 13 വരെ വിവിധ ഘട്ടങ്ങളിലായി നടന്നു. മന്‍മോഹന്‍ സിംഗ് ഭാരത്തിലെ പ്രധാനമന്ത്രിയായി വീണ്ടും തിരഞ്ഞെടുക്കപ്പെട്ടു. 22 മെയ്‌ 2009 നു അദ്ദേഹം പ്രതിഞ്ഞ ചൊല്ലി അധികാരമേറ്റെടുത്തു. തിരുവനന്തപുരം ലോകസഭ മണ്ഡലത്തില്‍ നിന്ന് വിജയിച്ച ശശി തരൂര്‍ ഇന്ത്യയുടെ വിദേശകാര്യ സഹമന്ത്രിയായി സ്ഥാനമേറ്റെടുത്തു. 2002 മുതല്‍ 2007 വരെ UN സെക്രട്ടറി ജെനെരല്‍ ആയിരുന്ന അദ്ദേഹം ഇന്ത്യന്‍ രാഷ്ട്രീയത്തില്‍ പ്രവേശിച്ചത്‌ കേരളത്തിന്‌ ഒരു പ്രത്യോക സംഭവമാണ്.

മലയാളത്തിന്റെ എഴുത്തുകാരി മാധവികുട്ടി കേരളത്തോട് യാത്രയായതും 2009 ഇല്‍ ആയിരുന്നു. മലയാളത്തില്‍ ഒരുപാട് കൃതികള്‍ രചിച്ച അവരുടെ അവസാനം (2009 May 31) പൂനെയില്‍ ആയിരുന്നു. അവസാന കാലം കേരളത്തില്‍ ഒരുപാട് ചര്‍ച്ച ചെയ്യപ്പെട്ട ഒരു വ്യക്തികൂടിയായിരുന്നു കമലാദാസ് എന്ന നമ്മുടെ സ്വന്തം മാധവികുട്ടി. മെയ്‌ മാസത്തില്‍ എഴുത്തുകാരിയെ നഷ്ടമായെങ്കില്‍ 2009 ജൂണില്‍ നമുക്ക് നഷ്ടപ്പെട്ടത് ഒരുപാട് നല്ല മലയാള സിനിമകള്‍ക്ക്‌ തിരക്കഥ ഒരുക്കിയ AK ലോഹിതദാസിനെയാണ്. സൂപ്പര്‍ താരങ്ങള്‍ക്ക് സൂപ്പര്‍ താരപദവി ലഭിക്കാന്‍ സാഹചര്യമൊരുക്കിയ ഒരു തിരക്കഥകൃത്ത് കൂടിയായിരുന്നു ലോഹിതദാസ്. തിരക്കഥ രചനയില്‍ നിന്ന് സംവിധാന രംഗത്തേക്കും അദ്ദേഹം ചുവടുറപ്പിച്ചിരുന്നു. കിരീടം, ഭരതം, തനിയാവര്‍ത്തനം, അമരം തുടങ്ങിയ അദ്ധേഹത്തിന്റെ രചനകള്‍ മലയാളം ഉള്ള കാലത്തോളം ജീവിക്കും. 2009 ജൂണ്‍ 28 നു അദ്ദേഹം ഇഹലോകവാസം വെടിഞ്ഞു.

രണ്ടാം ഭാഗം അടുത്ത പോസ്റ്റില്‍.....

കേരളം തീവ്രവാദവും പെണ്‍വാണിഭവും

2009-12-21T18:14:00.000-08:00

കഴിഞ്ഞ കുറെ ദിവസമായി കേരളം പുകഞ്ഞു കൊണ്ടിരിക്കുകയാണ്. ഏറ്റവും ഒടുവിലിതാ ഒരു നാറ്റക്കേസും. സംസ്കാര കേരളത്തിലെ ഇരു മുന്നണികളും തീവ്രവാദത്തിലും അനാശ്യാസത്തിലും മത്സരിക്കുകയാണ്. നാളിന്നു വരെ പറഞ്ഞു കേട്ടതു കേരളം മറ്റെല്ലാ സംസ്ഥാനത്തെക്കാളും മഹത്തരം എന്ന്. എന്നാല്‍ ഇപ്പോള്‍ നാം കാണുന്നത് ഒരു കൂട്ടം തീവ്രവാദികളെയും പിന്നെ കുറെ അനാശ്യാസക്കാരെയും. വലതു മുന്നണി പറയുന്നു ഇടതു മുന്നണി തീവ്രവാദികളെ വളര്‍ത്തുന്നു എന്ന് എന്നാല്‍ ഇടതു മുന്നണിക്ക് പറയാന്‍ ഉള്ളത് വലതു മുന്നണി വര്‍ഗ്ഗീയ പാര്‍ട്ടിയെ കൂടെ നിര്‍ത്തി തീവ്രവാദം കളിക്കുന്നു.

കേന്ദ്ര കേരള ഇന്റലിജെന്‍സ് പറയുന്നത് കേരളത്തില്‍ ഒരുപാട് നാളായി തീവ്രവാദികള്‍ വാഴുന്നു എന്ന്. അതിനു ഉത്തരവാദികള്‍ ഇരു മുന്നണികള്‍ തന്നെ വേറെ ആരുമല്ല. വോട്ട് ബാങ്ക് രാഷ്ട്രീയത്തില്‍ ഊന്നിയ കേരള രാഷ്ട്രീയം ഒരുപാട് തീവ്രവാദികളെ പടച്ചു വിടുന്നു. അതിനു താങ്ങായി കുറെ രാഷ്ട്രീയ ദല്ലാളന്മാരും. അരിയും തിന്നു ആശാരിച്ചിയെയും കടിച്ചു പിന്നെയും നായ മുന്നോട്ടു എന്ന ചൊല്ല് പോലെ രണ്ടു മുന്നണികളും പറയുന്നു തങ്ങളല്ല എതിര്‍ മുന്നണികളാണ് തീവ്ര വാദികളെ വളര്‍ത്തിയത്‌ എന്ന്.

യഥാര്‍ത്ഥത്തില്‍ സംഭവിച്ചത് എന്താണ്? അതറിയാനുള്ള അവകാശം നമ്മുടെ ജനത്യ്ക്കുണ്ട്. വര്‍ഗ്ഗീയമായി മൂന്നാമതൊരു കക്ഷിയെ പഴിക്കുക വഴി ന്യൂനപക്ഷ വോട്ട് ബാങ്ക് ഉറപ്പിക്കാനാണ് ഇരു മുന്നണികളും ശ്രമിച്ചത്. പേരില്‍ തന്നെ വര്‍ഗ്ഗീയമുള്ള ഒരു കക്ഷിയെ
വലതുപക്ഷം കൂടെ കൂട്ടിയപ്പോള്‍ ഇടതുപക്ഷം തീവ്രവാദികളെ പ്രോത്സാഹിപ്പിച്ചു. മറ്റൊരു വിഭാഗം തീവ്രവാദികളെ വലതു പക്ഷവും താലോലിച്ചു. ഇതെല്ലാം കഴിഞ്ഞു തമ്മില്‍ തല്ലു കൂടിയത് കൊണ്ട് മുന്‍പ് വിചാരിച്ചപോലെ വിചാരിക്കാന്‍ പൊതുജനം തയ്യാറാവില്ല.
എന്നാലും വേറൊരു മുന്നണി സംവിധാനം ഇല്ലാത്തത്കൊണ്ട് ഇവരുടെ ചെയ്തികള്‍ അന്ഗീകരിക്കാനെ കേരള ജനതയ്ക്ക് തരമുള്ളൂ.

എന്ത് കേസില്‍ അകത്തു ആയാലും മതത്തിനെ കൂട്ട് പിടിക്കാനുള്ള ഒരു പ്രവണതയാണ് കേരളത്തില്‍ പ്രകടമാവുന്നത്. അത് തീവ്ര വാദമായാലും പെണ്ണ് കേസായാലും അഭയ കേസായാലും. ഇത് വരെ നാം പറഞ്ഞു കേട്ടത് കേരളം മതേതര സംസ്ഥാനമെന്ന് എന്നാല്‍ ആ കേരളത്തെ വര്‍ഗ്ഗീയ കേരളമാക്കി വളര്‍ത്തിയത്‌ ഇരു മുന്നണികളും ചേര്‍ന്നാണ് സംശയമില്ല. ന്യൂനപക്ഷ വോട്ട് ഉറപ്പിക്കാന്‍ തീവ്ര വാദികളോട് സന്ധി ചെയ്തു. പേരില്‍ തന്നെ വര്‍ഗ്ഗീയമുള്ള കക്ഷിയെ കൂടെ നിര്‍ത്തി വലതുപക്ഷം വര്‍ഷങ്ങള്‍ ആയി വര്‍ഗ്ഗീയം കളിക്കുകയാണ്. അവരുടെ കോട്ട തകര്‍ക്കാനായി ഇടതുപക്ഷവും ഒന്ന് ശ്രമിച്ചു ഫലം തീവ്രവാദം മറനീക്കി പുറത്തു വന്നു. ഇതെല്ലാം കണ്ടു ഒരു ഭൂരിപക്ഷവും മറ്റൊരു ന്യൂനപക്ഷവും പകച്ചു നില്ല്ക്കുകയാണ്. ഏതു കക്ഷിക്ക് തങ്ങളെ വേണം?

യുവാക്കള്‍ക്കൊരു മാതൃക - ശ്രീശാന്ത്‌

2009-11-28T18:21:00.000-08:00

പതിനെട്ടു മാസത്തെ ഇടവേളയ്ക്കു ശേഷം ഇന്ത്യന്‍ ടീമില്‍ തിരിച്ചെത്തി വിമര്‍ശകരുടെ വായടപ്പിച്ച ശ്രീശാന്ത്‌ യുവ തലമുറയ്ക്ക് ഒരു മാതൃകയാണ്. ഒരുപാട് വിമര്‍ശനങ്ങള്‍ ഏറ്റുവാങ്ങേണ്ടി വന്നിട്ടും തന്റെ ചിട്ടയായ പ്രാക്ടീസ് മുടക്കാതെ ഒരു നല്ല നാളേക്ക് വേണ്ടി പ്രയത്നിച്ചു അതില്‍ വിജയിച്ച ശ്രീ എന്തുകൊണ്ടും അഭിനന്ദനം അര്‍ഹിക്കുന്നു.

ഇഷ്ടമല്ലാത്ത കുട്ടി എന്ത് ചെയ്താലും തെറ്റ് എന്നപോലെ ശ്രീയെ എല്ലാവരും പരിഹസിച്ചു. കയ്യിലിരുപ്പു ദോഷം അഹങ്കാരം എന്നൊക്കെ എത്രയോ വചനങ്ങള്‍. ഇന്ന് പുകഴ്ത്തിയ പത്രങ്ങള്‍ എത്രയോ ദിനങ്ങള്‍ ശ്രീയെ പരിഹസിക്കാന്‍ തങ്ങള്‍ക്കു ആവുന്നതും ചെയ്തു.

ഒരു തവണ ശ്രീയോട് സംസാരിക്കാന്‍ എനിക്ക് കഴിഞ്ഞിട്ടിട്ടുണ്ട്. ആ കുറഞ്ഞ സംസാരത്തില്‍ അദ്ധേഹത്തിന്റെ ഭക്തിയും ബഹുമാനവും എനിക്ക് മനസ്സിലായിരുന്നു. ശ്രീയെപ്പറ്റി പത്രങ്ങള്‍ എഴുതുമ്പോഴും അതെല്ലാം ശരിയാണെന്ന് എനിക്ക് തോന്നിയില്ല. ഇപ്പോള്‍ നിങ്ങള്‍ക്ക് തോന്നും അന്ന് ഈ ബ്ലോഗ്‌ എന്തോ കൊണ്ട് എഴുതിയില്ല എന്ന്? പക്ഷെ അന്ന് ഞാന്‍ എഴുതിയിരുന്നെങ്കില്‍ ആര്‍ക്കും ബോധ്യമാകില്ലായിരുന്നു.

ദേശീയ പത്രങ്ങള്‍ പ്രത്യോകിച്ചും ശ്രീയെ മുതലെടുക്കുകയായിരുന്നു. അവര്‍ക്ക് പ്രചാരണ വര്‍ധനവ്‌ മാത്രമായിരുന്നു ഉദ്ദേശം എന്നാല്‍ ശ്രീക്ക് കരിയറില്‍ അത് വളരെയേറെ ദോഷം ചെയ്തു.

വര്‍ഷങ്ങളായി ഇന്ത്യന്‍ ക്രിക്കറ്റ്‌നെ നിയന്ത്രിക്കുന്ന ചില ഉത്തരേന്ത്യന്‍ ലോബികള്‍ക്ക് കേരളത്തില്‍ നിന്നുള്ള ശ്രീയുടെ വരവ് അത്രക്കും സുഖിച്ചില്ല. ശ്രീയുടെ വീര്യം അവര്‍ ശ്രീക്കെതിരെ ആയുധമാക്കി. തന്‍ ഫലമായി പതിനെട്ടു മാസം കളിയില്‍ നിന്നൊഴിവാക്കാനും പറ്റി. എന്നാല്‍ ചിട്ടയായ പ്രാക്ടീസും തികഞ്ഞ ഈശ്വര വിശ്വാസവും ശ്രീയെ വീണ്ടും കേമനാക്കി.

പ്രായത്തിന്റെ ചില അപക്വതകള്‍ അദ്ധേഹത്തിന്റെ മുന്‍കാല കളികളില്‍ കാണാമായിരുന്നു. എന്നാല്‍ ശ്രീ വളരെ ഏറെ മാറി. വിമര്‍ശനങ്ങള്‍ക്ക് വക നല്‍കാതെ പ്രശംസകള്‍ പിടിച്ചു വാങ്ങി. ഉണ്ണി കണ്ണനെ കണ്ടു തന്റെ നന്ദി അറിയിക്കാനായി കിട്ടിയ ഒരു ചെറിയ ഇടവേളയില്‍ ഗുരുവായൂര്‍ക്ക് തിരിച്ച ശ്രീയെ എയര്‍പോര്‍ട്ടില്‍ വന്നു ബിഗ്‌ ബി അമിതാഭ് ബച്ചന്‍ അഭിനന്ദിച്ചു.

ശ്രീയുടെ രണ്ടാം വരവ് തികച്ചും ഒരു ഉത്സവമായിരുന്നു ക്രിക്കറ്റ്‌ പ്രേമികള്‍ക്ക്. കേരളം ഇത്രയും ക്രിക്കറ്റില്‍ മുന്നേറിയത് ശ്രീയുടെ ഒറ്റ ഒരു പ്രകടനം കൊണ്ട് മാത്രമാണ്. എന്നാല്‍ നമ്മുടെ കേരള ക്രിക്കറ്റ്‌ ബോര്‍ഡും ശ്രീയെ കൈയൊഴിഞ്ഞ സമയം ഉണ്ടായിരുന്നു. ശ്രീയുടെ ഭാവി ഇല്ലാതാക്കാന്‍ കേരള ബോര്‍ഡും ശ്രമിച്ചിരുന്നോ എന്ന് സംശയിക്കേണ്ടിയിരിക്കുന്നു. ഇതൊക്കെയായാലും ഗുരുവായൂരപ്പന്‍ ശ്രീയെ കൈയൊഴിഞ്ഞില്ല. ഏകാദശി ദിവസമായിരുന്ന ശനിയാഴ്ച ഗുരുവായൂര്‍ ദര്‍ശനത്തിനുവേണ്ടി മാത്രമാണ് ശ്രീശാന്ത് ഇന്ത്യന്‍ ടീം ക്യാമ്പില്‍നിന്ന് ഒരു ദിവസത്തെ അവധിയെടുത്ത് എത്തിയതു.

ഇനിയും കൂടുതല്‍ വിക്കറ്റുകള്‍ എടുത്തു കേരളത്തിന്റെയും ഇന്ത്യയുടെയും യശസ്സ് ഉയര്‍ത്താന്‍ ഗുരുവായൂരപ്പന്‍ ശ്രീയെ അനുഗ്രഹിക്കട്ടെ.

അയ്യപ്പനും ദേവസ്വം മന്ത്രിയും

2009-11-15T10:03:00.000-08:00

വീണ്ടുമൊരു മണ്ഡലകാലം കൂടി സമാഗതമായി. കലിയുഗ വരദനായ അയ്യപ്പന്‍റെ അനുഗ്രഹാശിസ്സുകള്‍ക്കായി ഭക്തന്മാര്‍ മനസ്സും ശരീരവും അയ്യപ്പനില്‍ അര്‍പ്പിച്ചു ശരണമന്ത്രങ്ങളുമായി ശബരിമലയിലേക്ക്.

വൃശ്ചികമാസം ഒന്നാം തിയതി തുടങ്ങുന്ന മണ്ഡലം 41 ദിവസം അയ്യപ്പ ഭക്തന്മാര്‍ അതിരാവിലെ കുളിച്ചു ശരണം വിളികളുമായി അമ്പലങ്ങളിലേക്ക് പോകും. ഇന്ത്യ മുഴുവനും ലോകത്തിന്റെ പല ഭാഗങ്ങളിലും ശരണം വിളികള്‍ അന്തരീക്ഷത്തെ പവിത്രീകരിക്കുന്നു.

ജാതി മത വ്യത്യാസമില്ലാതെ പണക്കാരന്‍ പാവപ്പെട്ടവന്‍ വ്യത്യാസം ഇല്ലാതെ എല്ലാവരും അയ്യപ്പന്‍റെ ഭക്തന്മാരാകുന്ന കാഴ്ചയാണ് ശബരിമലയില്‍ നമുക്ക് ദര്‍ശിക്കാന്‍ സാധിക്കുക. നമുക്ക് കാണാന്‍ കഴിയുന്ന ദേവനാണ് അയ്യപ്പന്‍. വിളിച്ചാല്‍ കൈ വിടുകയില്ല. അയ്യപ്പ വിഗ്രഹം ഒന്ന് കണ്ടു വണങ്ങാന്‍ ദേശ ഭാഷാ വ്യത്യാസങ്ങളില്ലാതെ ഭക്തന്മാര്‍ ശബരിമലയില്‍ എത്തുക പതിവാണ്. തെക്കേ ഇന്ത്യയില്‍ നിന്നുള്ളവര്‍ മാത്രമല്ല വടക്കേ ഇന്ത്യക്കാരും വിദേശത്ത് നിന്ന് പോലും ഭക്തന്മാര്‍ വന്നു കൊണ്ടിരിക്കുന്നു. ലോകത്ത് എല്ലായിടത്തും ധാരാളം അയ്യപ്പന്‍റെ അമ്പലങ്ങള്‍ ഇന്നുണ്ട്. ശബരിമലയില്‍ വരാന്‍ കഴിയാത്തവര്‍ അവരുടെ അടുത്തുള്ള പ്രധാന അയ്യപ്പ ക്ഷേത്രങ്ങളിലേക്ക് ഇരുമുടികെട്ട് എടുത്തു പോകുന്നതും പതിവായിരിക്കുന്നു. ഉദാഹരണത്തിന് അമേരിക്കയില്‍ Maryland ഇല്‍ ഉള്ള അയ്യപ്പ ക്ഷേത്രത്തിലേക്ക് ഇരുമുടി കെട്ട് എടുത്തു ധാരാളം ഭക്തന്മാര്‍ കൊടും തണുപ്പിലും പാദരക്ഷ കൂടാതെ പോകുന്നു.

തീവ്രവാദവും രാഷ്ട്രീയവും മലിനമാക്കിയ കേരളത്തെ രക്ഷിക്കാന്‍ കലിയുഗ വരദനായ അയ്യപ്പനെ സാധ്യമാകൂ. എന്നാല്‍ ശബരിമലയില്‍ നിന്നുള്ള വരുമാനം കൊള്ളയടിക്കുന്ന ഈശ്വര വിശ്വാസമില്ലാത്ത ഭരണാധികാരികള്‍ കോടിക്കണക്കിനു ഭക്തരുടെ വിശ്വാസം തകര്‍ക്കുകയാണ്. ശബരിമലയില്‍ നിന്നുള്ള വരുമാനം അവിടെ ഭക്തര്‍ക്ക്‌ സൌജന്യ ഭക്ഷണവും മറ്റും നല്‍കാതെ രാഷ്ട്രീയക്കാര്‍ പോക്കറ്റ്‌ നിറയ്ക്കുകയാണ്. ശബരിമല പോലെ അല്ലെങ്കില്‍ അതിലും ഭക്തന്മാര്‍ സന്ദര്‍ശിക്കുന്ന തിരുപ്പതിയില്‍ ഉണ്ടാകുന്ന വരുമാനം ഭക്തര്‍ക്ക്‌ സൌകര്യങ്ങള്‍ ഉണ്ടാക്കാനാണ് ഉപയോഗിക്കുന്നത്. എന്നാല്‍ ഈശ്വര വിശ്വാസം ഉണ്ടെന്നു ഉറക്കെ പറയാന്‍ ധൈര്യമില്ലാത്ത ഒരു കൂട്ടം രാഷ്ട്രീയ കോമാളികള്‍ ശബരിമലയില്‍ നിന്നുള്ള വരുമാനം കൊള്ളയടിക്കുന്നത്‌ അംഗീകരിക്കാന്‍ സാധിക്കാത്തതാണ്.

ഇതെല്ലം കണ്ടിട്ട് അയ്യപ്പ ഭഗവാന്‍ എന്ത് കൊണ്ട് അവരെ ശിക്ഷിക്കുന്നില്ല എന്ന ചോദ്യമാണ് എങ്കില്‍ ഉത്തരം വളരെ ലളിതമാണ്. അയ്യപ്പ ഭഗവാന്‍ ക്ഷമിക്കും ഭഗവാന്‍ ശ്രീകൃഷ്ണന്‍ ജരാസന്ധനോട് നൂറു വട്ടം ക്ഷമിച്ച പോലെ. അതിനു ഉള്ള ഉത്തരം കഴിഞ്ഞ വര്‍ഷത്തെ ദേവസ്വം മന്ത്രിയല്ല ഈ വര്‍ഷം. കഴിഞ്ഞ മകര വിളക്ക് ലൈവ് കണ്ട എല്ലാവര്‍ക്കും തോന്നിയ ഒരു കാര്യം ഞാന്‍ ശ്രദ്ധയില്‍ പെടുത്തട്ടെ. ദേവസ്വം മന്ത്രി TV യില്‍ മുഖം കാണിക്കാന്‍ കലിയുഗ വരദനായ അയ്യപ്പന്‍റെ തിരു നടയില്‍ പോയി മറ്റുള്ളവര്‍ക്ക് ശല്യമായി നിലകൊണ്ടു. അനേകം ഭക്തര്‍ കൊതിക്കുന്ന ആ ദര്‍ശനം കണ്ടു അയ്യപ്പ ഭഗവാനെ വണങ്ങാനോ മേല്‍ശാന്തി നല്‍കിയ പ്രസാദം സ്വീകരിക്കാനോ തയ്യാറായില്ല. ഇതെല്ലം നാം കണ്ട പോലെ ഭഗവാനും കണ്ടു. അതിനുള്ള ശിക്ഷയും അയ്യപ്പ ഭഗവാന്‍ നല്‍കി. ഈ വര്‍ഷം അത്യാവശ്യം ഭക്തിയുള്ള ഒരു ദാസനെ ദേവസ്വം മന്ത്രിയായി നിയോഗിച്ചു.

സ്വാമി ശരണം..

Photo courtesy: Manorama

എലിമിനെഷന്‍ - ആരിന്നാകും ഔട്ടാകും

2009-11-13T14:08:00.000-08:00

ഐഡിയ സ്റ്റാര്‍ സിങ്ങര്‍ ആറാം ഘട്ടം കടന്നുപോയി. രഞ്ജിനിയുടെ വാചാലമായ അവതരണവും സുപ്രസിദ്ധ സംഗീത വിദ്വാന്മാരുടെ അരിച്ചു പെറുക്കിയ വിധി നിര്‍ണയവും മത്സരാര്‍ഥികളുടെ കഴിവില്‍ കവിഞ്ഞുള്ള പ്രകടനങ്ങളും ആറാം ഘട്ടം അടിപൊളിയാക്കി. ഇനിയാണ് സീരിയലിനു പകരം വന്ന റിയാലിറ്റി ഷോയുടെ സീരിയല്‍ senti.

വീട്ടില്‍ ആരെങ്കിലും മരിച്ചാലും കരയാത്ത മലയാളി മത്സരാര്‍ഥികള്‍ക്ക് വേണ്ടി കണ്ണീര്‍ പൊഴിക്കും. അതാണ്‌ ഐഡിയ സ്റ്റാര്‍ സിങ്ങര്‍ന്‍റെ വിജയവും.

ഇന്ന് അനേകം വേദികളിലും സിനിമകളിലും കോമഡികളിലും നിറഞ്ഞു നില്‍ക്കുന്ന ഒന്നായി മാറിക്കഴിഞ്ഞിരിക്കുന്നു സ്റ്റാര്‍ സിങ്ങര്‍ പ്രോഗ്രാം. ശ്രീക്കുട്ടന്‍റെ സംഗതി പോരായ്മയും ശരത്തിന്റെ അണ്ണാച്ചിയും ചിത്രാചേച്ചിയും കൂടാതെ രഞ്ജിനിയും പിന്നെ അനൂപ്‌ മനോജ്‌ തുടങ്ങിയവരും ഇതിന്റെ വിജയത്തില്‍ പങ്കാളികളാണ്.

ആരിന്നായാലും ഔട്ട്‌ ആയാലും പൊളിറ്റിക്സ് മാത്രം വിനോദ ഉപാധി ആക്കിയ മലയാളി ഇത് മാതിരി TV പരിപാടികള്‍ക്ക് വേണ്ടിയും കാത്തിരിക്കുന്നു.

ഉപതെരഞ്ഞെടുപ്പു നഷ്ടവും ലാഭവും

2009-11-10T15:07:00.000-08:00

ഉപതെരെഞ്ഞെടുപ്പിലെ വിജയത്തില്‍ കോണ്‍ഗ്രസ്‌ ക്യാമ്പുകളില്‍ ആഹ്ലാദം അലയടിക്കുകയാണ്‌. എല്ലാ ജാതിക്കാരുടെയും വോട്ട് ഉറപ്പിക്കാനുള്ള തത്രപ്പാടിലായിരുന്നു ഇരു മുന്നണികളും. എന്നാല്‍ ജാതിക്കതീതമായി എല്ലാവരുടെയും വിശ്വാസം നേടുക എന്നതായിരുന്നു ബി ജെ പിയുടെ ലക്‌ഷ്യം. വാര്‍ത്ത മാധ്യമങ്ങളുടെ തിരഞ്ഞെടുപ്പ് വിശകലനത്തില്‍ തെളിഞ്ഞു വന്നത് കേരളത്തില്‍ ബി ജെ പിയുടെ വോട്ട് വര്‍ധനയാണ്. കഴിവുള്ള ഒരു യുവ വനിതാ നേതാവിനെ മുന്‍ നിര്‍ത്തിയായിരുന്നു ബി ജെ പി യുടെ തെരഞ്ഞെടുപ്പു അങ്കം.

ഈ തിരഞ്ഞെടുപ്പില്‍ കോണ്‍ഗ്രസിന്‌ വോട്ട് കുറഞ്ഞു എന്ന് വാദിക്കുന്ന നമ്മുടെ മുഖ്യന്‍ സ്വന്തം അഭിപ്രായമോ അതോ പാര്‍ട്ടിയുടെ അഭിപ്രായമാണോ പറഞ്ഞത് എന്ന് സംശയിക്കേണ്ടിയിരിക്കുന്നു. വാക്കുകള്‍ക്കു പഞ്ഞമില്ലാത്ത അദ്ദേഹം പേപ്പര്‍ നോക്കി പ്രസ്താവന ഇറക്കിയത് വാക്കില്‍ ഗുളികന്‍ വേണ്ട എന്ന പോളിറ്റ്‌ ബ്യൂറോയുടെ കര്‍ശന നിദ്ദേശം കൊണ്ടായിരിക്കാം.

ഈ തിരഞ്ഞെടുപ്പില്‍ ഭാരതം കമ്മ്യൂണിസം ഉപേക്ഷിക്കുന്നതായാണ് കാണാന്‍ കഴിയുന്നത്‌. യുവജനതക്ക് വികസനം ആണ് വേണ്ടത്. പുരോഗമനത്തിന് എതിരെ കണ്ണടക്കാന്‍ യുവ ജനതയ്ക്ക് കഴിയില്ല. "S" കത്തി വാദം വഴി മറ്റൊരു സംഘടനയുടെ തലയില്‍ കെട്ടി വയ്ക്കാന്‍ പാര്‍ട്ടി സെക്രട്ടറി നടത്തിയ നാടകം കോമഡിക്കാര്‍ക്ക് ഉപകാരമായി മറിച്ച് പാര്‍ട്ടിക്ക് തിരിച്ചടിയും. ഹിന്ദു വിരോധം വളര്‍ത്തി ന്യൂന പക്ഷത്തില്‍ നിന്ന് വോട്ട് അടര്‍ത്തു എടുക്കാം എന്ന നയം അവര്‍ക്ക് തന്നെ വിനയായി. എന്നാല്‍ എല്ലാവരും നമ്മുടെ ആളുകള്‍ എന്ന കോണ്‍ഗ്രസിന്റെ തന്ത്രം ഫലിക്കുകയും ചെയ്തു. മോഡിയുടെ പേരില്‍ അബ്ദുള്ളകുട്ടിയെ പഴി പറഞ്ഞ ഇടതര്‍ക്ക്‌ അച്ചുതാനന്ദനെക്കാളും വികസനമോഡിയാണ് നല്ലതെന്ന് കുട്ടി കാട്ടികൊടുത്തു. വിദ്യാര്‍ഥിയുടെ മുന്നില്‍ അധ്യാപക ജയരാജന്മാര്‍ തോറ്റു തുന്നം പാടുന്നതും നാം കണ്ടു.

ഇങ്ങനെ പോയാല്‍ കേരളത്തിലും ബി ജെ പി മുഖ്യ പ്രതിപക്ഷമാവാന്‍ അധികം താമസിക്കേണ്ടി വരില്ല. ബി ജെ പിയുടെ വോട്ട് വര്‍ധന അതാണ്‌ കാണിക്കുന്നത്. സുഷമ സ്വരാജിനെ പോലെ എല്ലാവര്‍ക്കും സമ്മതയായ ശോഭ സുരേന്ദ്രന്‍ ഉപ തെരെഞ്ഞെടുപ്പില്‍ ഏക വനിതാ എന്ന നിലയില്‍ അഭിമാനം അര്‍ഹിക്കുന്നു.

കേരളത്തില്‍ ഇടതിന് അംഗീകാരം ഉണ്ടായിരുന്നു. പാവങ്ങളുടെ വിയര്‍പ്പു പറ്റിയ ഒറ്റ രൂപ നോട്ട് പാര്‍ട്ടി ഫണ്ടായി വാങ്ങിയ കാലത്ത്. ഇന്നത്തെ സ്ഥിതി ദുബായില്‍ നിന്ന് വണ്ടി കയറിയ ഏതൊരുത്തനെയും പണത്തിനു വേണ്ടി മാത്രം പാര്‍ട്ടിയുടെ ലോക്കല്‍ കമ്മിറ്റിയിലും പിന്നെ പോളിറ്റ്‌ ബ്യൂറോയിലും അങ്ങനെ MLA, MP മന്ത്രി തുടങ്ങി പാര്‍ട്ടിയുടെ തലപ്പത്ത്‌. ഒരു സുപ്രഭാതത്തില്‍ പാര്‍ട്ടി വിട്ടു മറ്റൊരു തട്ടകത്തിലേക്ക്. അതില്‍ പാര്‍ട്ടി പരിതപിച്ചിട്ട്‌ കാര്യമുണ്ടോ? ശങ്കരനും ഗോപാലനും ഊട്ടി വളര്‍ത്തിയ പാര്‍ട്ടി പ്രധാനമായും പാവങ്ങളുടെ വിയര്‍പ്പിലലിഞ്ഞ രൂപയ്ക്കായിരുന്നു വില കല്പ്പിക്കെണ്ടിയിരുന്നത് അല്ലാതെ പണക്കാരന്റെ ഡോളറും, റിയാലും, ദിനാരിനുമായിരുന്നില്ല.

ഇത്രയും പറഞ്ഞത് മുന്‍‌കാല പാര്‍ട്ടി അനുഭാവിയുടെ വിയര്‍പ്പിലലിഞ്ഞ ഒറ്റ രൂപ നാണയം പാര്‍ട്ടി ഫണ്ടായി നേടിയിരുന്ന പാര്‍ട്ടിയുടെ അധപതനത്തില്‍ ഉണ്ടായ മനോ വേദന കൊണ്ടാണ്. പുത്തന്‍ സഖാക്കളെ ചിന്തിക്കുക നമ്മുടെ പാര്‍ട്ടിയെ രക്ഷിക്കുക.

തിരഞ്ഞെടുപ്പ് ഫലം - ഭരണനേട്ടമോ?

2009-11-09T20:12:00.000-08:00

കേരളം മറ്റൊരു അങ്കത്തിനു കൂടി സാക്ഷിയായി. കൂറുമാറിയ അങ്ക ചേകവരുടെ രണ്ടാം വരവ് ഈ അങ്കത്തിനു മാറ്റ് കൂട്ടി. ജയരാജന്മാരുടെ തട്ടകം അബ്ദുല്ലമാര്‍ തട്ടിയെടുത്തു.

ജാതിമത സമവാക്യങ്ങള്‍ അരിച്ചുപെറുക്കി സ്ഥാനാര്‍ത്തികളെ നിശ്ചയിച്ച വലതു പക്ഷം സത്യത്തില്‍ വിജയം കണ്ടെത്തി. ശക്തി തെളിയിക്കാത്ത ഭൂരിപക്ഷത്തിന്റെ വോട്ട് പതിവ് പോലെ രണ്ടു പേരും വീതിച്ചെടുത്തു.

ന്യൂനപക്ഷ വോട്ടുകള്‍ വിജയ വോട്ട്കളായി മാറുന്ന കാഴ്ചയാണ് ഈ തവണയും കണ്ടത്. എത്ര പ്രീണനം നടത്തിയാലും ന്യൂനപക്ഷ വോട്ടുകള്‍ ന്യൂനപക്ഷ സ്ഥാനാര്‍ത്തികളെ നിര്‍ത്തിയ വലതു പക്ഷത്തിനെ പോകൂ എന്ന യാതാര്‍ത്ഥ്യം ഈ തവണയും ഇടതുപക്ഷം മുന്‍കൂട്ടി കണ്ടില്ല. കണ്ടറിയാത്തവന്‍ കൊണ്ടറിഞ്ഞു അത്ര തന്നെ. ഭൂരിപക്ഷം വോട്ട് മതേതരമായി രണ്ടു കൂട്ടര്‍ക്കും നല്‍കി അത് കൊണ്ട് പ്രത്യോകിച്ച് ആര്‍ക്കും ഗുണവും ഇല്ല. അത് കൊണ്ട് ആരില്‍ നിന്നും ഒന്നും പ്രതീക്ഷിക്കുകയും വേണ്ട.

ഗുജറാത്ത്‌ മുഖ്യമന്ത്രി മോഡിയെ അഭിനന്ദിച്ച അബ്ദുള്ളകുട്ടി എന്നൊക്കെ പറഞ്ഞു ഇടതന്മാര്‍ ന്യൂനപക്ഷ വോട്ടുകള്‍ ലക്ഷ്യമാക്കി ഫലം ഉള്ള ഭൂരിപക്ഷ വോട്ടും നഷ്ടമായി. കയ്യൂക്കും കയ്യാന്കളിയും രണ്ടു കൂട്ടരും നടത്തി, അല്ലെങ്കിലും കേരളം ഭരിക്കുന്നത്‌ ഗുണ്ടകള്‍ ആണല്ലോ?

തങ്ങളും ആരെങ്കിലും ഒക്കെ നിര്‍ത്തിയില്ലെങ്കില്‍ വോട്ട് വിറ്റു എന്ന ചീത്തപ്പേര് വരുമല്ലോ എന്ന് കരുതി നമ്മുടെ ജനത പാര്‍ട്ടിയും രംഗത്തുണ്ടായിരുന്നു. ഭൂരിപക്ഷവും അവരുടെ പാര്‍ട്ടിക്കും ന്യൂനപക്ഷ ഭൂരിപക്ഷ വ്യത്യാസം തിരഞ്ഞെടുപ്പില്‍ ഇല്ലല്ലോ. അത് നന്നായി അറിയാം വലതര്‍ക്ക്. ഫലം വലതിന് ഭൂരിപക്ഷ വോട്ടും കിട്ടും ന്യൂനപക്ഷ വോട്ടും കിട്ടും.

നല്ലതിനെ അംഗീകരിക്കുന്ന കുട്ടിമാര്‍ കേരളം ഭരിക്കുന്നത്‌ തന്നെയാവും നല്ലത്. കാരണവര്‍ ആയിട്ടും മിണ്ടാതിരിക്കുന്ന മുഖ്യമന്ത്രിയെക്കാളും വികസനം കൊണ്ട് വരുന്ന മോഡിമാര്‍ ഭരിക്കാന്‍ അര്‍ഹരാണ്. അത് അംഗീകരിക്കുന്ന കുട്ടിമാര്‍ വിജയിച്ചാല്‍ നമുക്കും വികസനം പ്രതീക്ഷിക്കാം.

ഉപതെരഞ്ഞെടുപ്പിലും ഉന്നം തെറ്റിയ ഇടതര്‍ വരുന്ന പൊതു തിരഞ്ഞെടുപ്പില്‍ എന്ത് മാറ്റം വരുത്തും? മുഖ്യമന്ത്രിയെ മാറ്റുമോ പാര്‍ട്ടി സെക്രെട്ടറിയെ മാറ്റുമോ? കാത്തിരുന്നു കാണാം...

ചില രാഷ്ട്രചിന്തകള്‍

2009-11-07T06:21:00.000-08:00

ലോകത്തെമ്പാടും അസ്വസ്ഥതയും അരാജകത്വവും കൊടികുത്തി വാഴുമ്പോഴും ഭാരതം ലോകത്തിനു തന്നെ മാതൃകയാണ്. എല്ലാവരെയും ഉള്‍ക്കൊള്ളാനും സംരക്ഷിക്കാനും ഭാരതമാതാ നമ്മെ പഠിപ്പിച്ചു. നാനാത്വത്തില്‍ ഏകത്വം എന്ന തത്വം എല്ലാ ഭാഷ, ജാതി, മതസ്ഥരെയും നാം ഒന്നാണെന്ന ബോധം വളര്‍ത്താന്‍ സഹായിച്ചു. ലോകത്ത് മതങ്ങള്‍ തമ്മില്‍ പോരാടുമ്പോള്‍ ഭാരതത്തില്‍ ജാതികള്‍ തമ്മിലും മതങ്ങള്‍ തമ്മിലും ചെറിയ പടലപിണക്കങ്ങള്‍ മാത്രമേ ഉണ്ടാകുന്നുള്ളൂ. വ്യത്യസ്ത അഭിപ്രായം വച്ച് പുലര്‍ത്തുന്ന സഹോദരങ്ങള്‍ തമ്മിലും അതുണ്ടാകാം.

പത്ര മാധ്യമങ്ങള്‍ പെരുപ്പിച്ചു കാണിക്കുന്ന തരത്തില്‍ ഒരു ജാതീയ കലാപമോ മത കലാപമോ ഇവിടെയില്ല. കാരണം ഭാരത മാതാവ് നമ്മെ പഠിപ്പിച്ചത് "ലോകാ സമസ്താ സുഖിനോ ഭവന്തു" എന്ന തത്വമാണ്. നമ്മുടെ പൈതൃകം 5000 വര്‍ഷങ്ങള്‍ പഴക്കമുള്ളതാണ്. ഇത്രയും പഴക്കമുള്ള ഒരു സംസ്കാരം ഇന്നും അതിന്റെ തനിമ നഷ്ടപ്പെടാതെ നില്‍ക്കുന്നതും ഒരു പക്ഷെ ഭാരത്തില്‍ മാത്രമായിരിക്കും.

ഈ അടുത്തിടെ ഒരു പ്രമുഖ മലയാളം പത്രത്തില്‍ ജ്യോതിഷം സകല രാജ്യങ്ങളിലും വിശ്വസിക്കുന്നു എന്ന് വായിക്കുകയുണ്ടായി. പല പേരിലും അറിയപ്പെടുന്ന ജ്യോതിഷം ആരംഭിച്ചത് ഒരു സംശയവും ഇല്ല ഭാരതത്തില്‍ ആണ്. എന്തിനും ഏതിനും പേറ്റന്റ് സംബാതിക്കുന്ന പാശ്ചാത്യരുടെ കുതന്ത്രം നമുക്കറിയില്ലല്ലോ? അത് കൊണ്ട് പേറ്റന്റ് ഉണ്ടോ എന്നറിയില്ല. വേദകാലത്ത്‌ ശേഷം ലോകത്തില്‍ ഉണ്ടായ മറ്റു മതങ്ങള്‍ ജ്യോതിഷം അന്ഗീകരിക്കുന്നുണ്ടോ എന്നുള്ള വസ്തുത അന്വേഷിച്ചു കണ്ടെത്തെണ്ടതാണു.

പാശ്ചാത്യരും അറബികളും നമ്മുടെ വസ്തു വകകള്‍ മാത്രമല്ല കൊള്ളയടിച്ചത് നമ്മുടെ സംസ്കാരവും നമ്മുടെ മഹദ്‌ ഗ്രന്ഥങ്ങളും. ഭാരത്തിലെ പുണ്യ പുരാതനമായ വേദങ്ങളും പുരാണങ്ങളും ഇന്ന് ജര്‍മ്മനിയില്‍ മാത്രമാണ് ലഭ്യമാകുന്നത്. അത് പോലെ നമ്മുടെ രത്നങ്ങളും വിഗ്രഹങ്ങളും.

ഇതെല്ലാം ആമുഖമായി പറഞ്ഞത് നമ്മുടെ സംസ്കാരവും പൈതൃകവും സംരക്ഷിക്കേണ്ടത് നമ്മുടെ കടമയാണ്. ഒരു ഉദാഹരണം പറയാം. അമേരിക്കയില്‍ നമുക്ക് സംഭവിച്ച പോലെ വൈദേശിക ആക്രമണങ്ങള്‍ ഉണ്ടായി. Native അമേരിക്കന്‍ ജനതയ്ക്ക് സംസ്കാരമായും പൈതൃകമായും നഷ്ടങ്ങള്‍ സംഭവിച്ചു. പക്ഷെ അവിടെ ഭരിച്ച great ഭരണ കര്‍ത്താക്കള്‍ അവരുടെ പൂര്‍വികരെ ബഹുമാനിക്കുകയും അംഗീകരിക്കുകയും ചെയ്തു. അത് കൊണ്ട് അവര്‍ ശാസ്ത്രപരമായി ഒട്ടും പിറകോട്ടു പോയില്ല എന്ന് മാത്രമല്ല ലോകത്തില്‍ ഒന്നാം സ്ഥാനത്ത് എത്തുകയും ചെയ്തു. അമേരിക്കയിലും ഇന്ത്യയിലും വ്യത്യാസം ഇന്ത്യയില്‍ വോട്ട് ബാങ്ക് രാഷ്ട്രീയമാണ് എന്നതാണ്. അമേരിക്കയില്‍ എല്ലാം രാജ്യത്തിന് വേണ്ടിയാണ്. നമ്മുടെ വിശാല ചിന്ത നമുക്ക് തന്നെ വിനയാകുന്നുവോ എന്ന് സംശയിക്കേണ്ടിയിരിക്കുന്നു.

മുസ്ലിം തീവ്രവാദികള്‍ ആയിരത്തിലധികം ജനതയെ ചുട്ടെരിച്ചപ്പോള്‍ "സെപ്റ്റംബര്‍ 11" എന്ന ഒരു മന്ത്രം ആ ജനത മനസ്സില്‍ കുറിച്ചിട്ടു. തീവ്രവാദത്തിനെതിരെ അമേരിക്കന്‍ ജനത ഒറ്റക്കെട്ടാണ്. ഇന്ത്യയില്‍ 26/11 തുടങ്ങി ഒട്ടനവധി തീവ്രവാദി ആക്രമണങ്ങള്‍ ഉണ്ടായി ഇന്നും നമ്മുടെ ജനത ഒറ്റക്കെട്ടല്ല. കാരണം നമ്മുടെ രാഷ്ട്രീയക്കാര്‍ മാത്രമാണ്. ഇത് മാതിരി തീവ്രവാദി ആക്രമണങ്ങള്‍ ഒരു മതത്തിലെ ആളുകളെ മാത്രമല്ല ബാധിക്കുന്നത് മറിച്ച് ആ തീവ്രവാദികളുടെ മതസ്ഥരെയും ബാധിക്കാം.

ആ തീവ്രവാദി ആക്രമണങ്ങള്‍ക്കെതിരെ ശക്തമായ നടപടികള്‍ സ്വീകരിക്കാത്തത് വഴി മാവോവാദികളും തമിഴ്‌വാദികളും അവരുടെ തീവ്രവാദ പ്രവര്‍ത്തനങ്ങള്‍ക്ക് ആക്കം കൂട്ടി. ജാതിമത മുഖം നോക്കാതെ വോട്ട് ബാങ്ക് ലക്‌ഷ്യം വയ്ക്കാതെ രാജ്യ നന്മ മാത്രം മുന്നില്‍ കണ്ടാല്‍ ഇതൊന്നും സംഭവിക്കുകയില്ല.

തീവ്രവാദം പോലെ അപകടകരമാണ് ഭാഷാവാദികളും സംസ്ഥാന വാദികളും. മുല്ലപ്പെരിയാര്‍ വിഷയവും കാവേരി വിഷയവും തമിഴ്‌നാട് കൈകാര്യം ചെയ്യുന്ന രീതി അവരുടെ വോട്ട് ബാങ്കില്‍ കോണ്‍ഗ്രസ്‌ ഉള്‍പ്പെടെയുള്ള ദേശീയ പാര്‍ട്ടികളുടെ പിടിപ്പു കേടാണ്. അതുപോലെ തന്നെയാണ് മഹാരാഷ്ട്രീയരുടെ ബീഹാര്‍ വിരോധവും.

മേല്‍പ്പറഞ്ഞ വിഷയങ്ങളില്‍ എല്ലാം പ്രതി ഭാഗത്ത് നമ്മുടെ രാഷ്ട്രീയക്കാര്‍ മാത്രമാണ്.

ജീവനില്‍ പേടിയുണ്ടെങ്കില്‍ ഏത് പോലീസുകാരനും ജ്യോത്സ്യനെ കാണും

2009-10-29T14:20:00.000-07:00

സംഭവം നടന്നത് ചേര്‍ത്തലയിലെ പോലീസ് സ്റ്റേഷനില്‍. തുടര്‍ച്ചയായുണ്ടായ ദുര്‍മരണങ്ങളും അസുഖങ്ങളും പോലീസ് ഏമാന്മാരെ ജ്യോത്സ്യന്റെ അടുത്തെത്തിച്ചു. അത്ഭുതം ഒന്നും ഇതില്‍ അശേഷം ഇല്ല. സ്വന്തം കാര്യം വരുമ്പോള്‍ ഏത് പോലീസുകാരനും ജ്യോത്സ്യത്തില്‍ വിശ്വാസം വരും. അത് തന്നെയാണ് ഇവിടെയും സംഭവിച്ചത്. പള്ളികളുടെ പോലും വാസ്തു നോക്കുന്ന ഈ കാലത്ത് പോലീസ് സ്റ്റേഷന്‍ പണിയാനും വാസ്തു നോക്കെണ്ടതായിരുന്നില്ലേ?

ഇംഗ്ലണ്ട്, ശ്രീലങ്ക തുടങ്ങിയ രാജ്യങ്ങള്‍ക്ക് അസ്ട്രോളജി ഉപദേശകന്മാര്‍ ഉണ്ടത്രേ? കേരളത്തില്‍ അത് പറ്റില്ലല്ലോ? പകരം ഈ മന്ത്രിമാരും എം എല്‍ എ മാറും രഹസ്യമായി ജ്യോത്സ്യന്മാരുടെ അടുത്ത് പോകും അത്ര തന്നെ.

റിയാലിറ്റി ഷോകളിലും മറ്റു യുവജനോത്സവങ്ങളിലും ഒന്നാം സ്ഥാനം കിട്ടാന്‍ എല്ലാ മതസ്ഥരും തകിട് ധാരണം, വഴിപാടുകള്‍ എന്നിവ നടത്താറുണ്ട്‌(എന്നാല്‍ ഇക്കാര്യത്തില്‍ ഹിന്ദുക്കള്‍ കുറവാണെന്നാണ് കണക്കുകള്‍ സൂചിപ്പിക്കുന്നത്).

ഇനി യഥാര്‍ത്ഥ കഥയിലേക്ക് മടങ്ങാം..

"രണ്ടുവര്‍ഷം മുമ്പാണ് സ്റ്റേഷന്റെ പുതിയ കെട്ടിടത്തിന്റെ ഉദ്ഘാടനം. അന്നുമുതല്‍ അശുഭ ലക്ഷണങ്ങള്‍ കണ്ടുതുടങ്ങിയെന്ന് പോലീസുകാര്‍ പറയുന്നു. രണ്ട് കോണ്‍സ്റ്റബിള്‍മാര്‍ മരിച്ചു. എസ്‌ഐമാര്‍ക്ക് തുടരെ സ്ഥലംമാറ്റം. പലര്‍ക്കും സ്ഥിരമായി ശാരീരികാസ്വാസ്ഥ്യം. ആകെയുള്ള 39 പോലീസുകാരില്‍ ഭൂരിഭാഗം പേര്‍ക്കും പലവിധം അസുഖങ്ങള്‍.

ഒടുവില്‍ എല്ലാവരും കൂടി തീരുമാനിച്ചു; ജോത്സ്യനെ വിളിക്കുകതന്നെ. അങ്ങനെയാണ് രഹസ്യമായി വ്യാഴാഴ്ച രാവിലെ കിഴക്കേമഠത്തില്‍ കണിമംഗലം ജ്യോത്സ്യരുടെ വരവ്."

വാല്‍ക്കഷ്ണം
പത്രവാര്‍ത്തയായതിനാല്‍ വിപ്ലവപാര്‍ട്ടി സഖാക്കന്മാര്‍ പൂജ നടത്താന്‍ സമ്മതിച്ചില്ലെങ്കില്‍ പാവം പോലീസുകാരുടെ കാര്യം എന്താവുമോ കണ്ടറിയാം. ഈശ്വരോ രക്ഷ.

കടപ്പാട്: മാതൃഭൂമി

വാര്‍ത്ത ഇവിടെ

വിന്‍ഡോസ്‌ ൭ - Windows 7 - ക്ലൗഡ് സാങ്കേതിക വിദ്യ

2009-10-25T09:29:00.000-07:00

ഒക്ടോബര്‍ 22 സൈബര്‍ ലോകത്തിനു ഒരു പ്രധാന ദിവസമായിരുന്നു കൂടെ മൈക്രോസോഫ്ട്‌ നും. ഗുഗിളും ആപ്പിളും തന്നെയാണ് വിന്‍ഡോസ് 7 ന്റെ മുഖ്യ എതിരാളികള്‍ എങ്കിലും മൈക്രോസോഫ്ട്‌ ന്റെ തന്നെ എക്സ് പി യും വിസ്തയും തൊട്ടു പിന്നിലുണ്ട്. സാങ്കേതികസഹായം നല്‍കുന്നത് കഴിഞ്ഞ ജനുവരിയില്‍ നിര്‍ത്തിയിട്ട് പോലും എക്‌സ്.പിയുടെ പ്രചാരം ഒരു പരിധിയില്‍ കുറയ്ക്കാന്‍ മൈക്രോസോഫ്രറ്റിന് കഴിഞ്ഞിട്ടില്ല എന്നുള്ളതും വസ്തുതയാണ്.

എന്നാല്‍ വിന്‍ഡോസ് 7 പരീക്ഷണാര്‍ത്ഥം ഉപയോഗിച്ചവരുടെ അഭിപ്രായം മൈക്രോസോഫ്റ്റിന് പ്രതീക്ഷനല്‍കുന്നതാണ്.ഇനിയുള്ള കാലം 'ക്ലൗഡ്' സങ്കല്‍പത്തെ അടിസ്ഥാനമാക്കിയായിരിക്കും കംപ്യൂട്ടറുകള്‍ പ്രവര്‍ത്തിക്കുക. ഓഫീസുകളിലും വീടുകളിലും കംപ്യൂട്ടറുകളില്‍ വിവരങ്ങള്‍ ശേഖരിച്ചുവെക്കുന്ന സ്ഥിതി ഇല്ലാതാകും. പകരം ആയിരക്കണക്കിന് സെര്‍വറുകളിലായി വലിയ വിവരശേഖരണകേന്ദ്രങ്ങളില്‍ ഇന്റര്‍നെറ്റിന്റെ സഹായത്തോടെയായിരിക്കും ഇവ ശേഖരിക്കപ്പെടുക.

ജിമെയില്‍, യാഹു മെയില്‍ തുടങ്ങിയ ഇമെയില്‍ സേവനങ്ങളും ഓര്‍ക്കുട്ടുകള്‍ പോലുള്ള സോഷ്യല്‍ നെറ്റ് വര്‍ക്കിങ് സേവനങ്ങളും ഓണ്‍ലൈന്‍ ഗെയിമുകളും 'ക്ലൗഡ്' സാങ്കേതിക വിദ്യയ്ക്ക് ഉദാഹരണങ്ങളാണ്.

മൊബൈല്‍ ഫോണുകളിലേയും പേഴ്‌സണല്‍ കംപ്യൂട്ടറിലെയും ക്ലൈന്റ് സോഫ്റ്റ് വെയറുകള്‍ ഉപയോഗിച്ചായിരിക്കും ഈ സേവനങ്ങള്‍ ഉപയോഗിക്കപ്പെടുക. ആവശ്യമുള്ള സോഫ്റ്റ് വെയറുകള്‍ ഓണ്‍ലൈനിലൂടെ ഉപയോഗിക്കുകയോ ഡൗണ്‍ലോഡ് ചെയ്ത് ഉപയോഗിക്കുകയോ ചെയ്യേണ്ടി വരുമെന്ന് സാരം.

അതായത് ഓപ്പറേറ്റിങ് സിസ്റ്റം വളരെ ലഘുവായതും എന്നാല്‍ അതീവ സുരക്ഷ നല്‍കുന്നതുമായ ചെറിയ സോഫ്റ്റ് വെയറായി മാറും. ഇതേ കാഴ്ചപ്പാടില്‍ നോക്കുമ്പോള്‍ ഏറ്റവും കുറവ് അനുബന്ധ സോഫ്റ്റ് വെയറുകളുമായി വിപണിയിലെത്തുന്ന മൈക്രോസോഫ്റ്റ് ഓപ്പറേറ്റിങ് സിസ്റ്റം കൂടിയാണ് പുതിയ വിന്‍ഡോസ് പതിപ്പ്.

ഇത് ഭുവനേശ്വരിയല്ല ഏതോ വടയക്ഷിയാ...(Namboothiri Jokes with a new Dimension)

2009-10-13T21:43:00.000-07:00

അമേരിക്കയിലും ലണ്ടനിലും പര്യടനം(മക്കളുടെ അടുത്ത് പോയതാണ്) കഴിഞ്ഞു നമ്പൂരിയും കാര്യസ്ഥന്‍ രാമനും ഇല്ലത്ത് തിരിച്ചെത്തി. ശ്ശി വിശേഷം ആത്തേമാരോടും കുട്ട്യോളോടും പറയാന്‍ണ്ട്. പണ്ടൊക്കെ ഇല്ലത്തും ഇങ്ങനേക്കെ ആര്‍ന്നു. ത്തിരി വ്യത്യാസം എന്താ ച്ച ഇവിടെ കുറെ വാല്യക്കാരും പണിക്കാരും ണ്ട് അവിടെ ഒക്കെ യന്ത്രം കൊണ്ടാ.
ഇപ്പൊ പണിക്കാരോക്കെ കേമന്മാരായി എന്താ ച്ച വെറുതേ പണി ഇല്ലാതെ ഇരുന്നാലും ഇല്ലത്ത് വരില്ല്യ അത്ര തന്നെ.

അതൊക്കെ പോട്ടെ രാമാ ആ കുന്ത്രാണ്ടം അങ്ങട് തുറക്ക്വാ.
"ദാ ഇപ്പൊ തുറക്കാം തിരുമേനി" രാമന്റെ മറുപടി
"ന്നിട്ട് താന്‍ ആ പ്ല്ഗ് അങ്ങട് കുത്ത്വാ ആ കുന്തത്തിന്റെ"
"ശരി" രാമന്‍ മറുപടിയോടൊപ്പം ഇന്റര്‍നെറ്റ്‌ന്റെ പ്ലഗ്ഗ് കുത്തി മോഡം ഓണ്‍ ചെയ്തു.

"എന്ത് സംശയം ഉണ്ടെങ്കിലും കൂക്ഗിളില്‍ നോക്കാം ന്ന ല്ലേ കുഞ്ഞനിയന്‍ പറഞ്ഞത്?"
"കൂഗ്ളല്ല" തിരുമേനി "ഗൂഗിള്‍" രാമന്‍ തിരുത്തി
"എന്താ ച്ച അത്വന്നെ.. " നമ്പൂരിക്ക് ലേശം ശുണ്ടി വന്ന്വോ ന്നൊരു സംശയം
"നോം ആ ഭുവനേശ്വരി മന്ത്രം മറന്ന്വോ ന്നൊരു സംശയം. താന്‍ അതൊന്നു അതില് തെരയ്യ്വോ?"

"ഉവ്വ്" രാമന്‍ ഗൂഗിളില്‍ ഭുവനേശ്വരി എന്ന് ടൈപ്പ് ചെയ്തു.

ആദ്യം വന്ന ഫലങ്ങളില്‍ പ്രസ്സ്‌ ചെയ്തു.
നവ രസ ഭാവങ്ങളോടെ അന്താളിച്ചു നിന്ന രാമനെ കണ്ടു നമ്പൂരി
"എന്താ രാമ താന്‍ വിശ്വ രൂപം കണ്ട്വോ? എന്താ ഇങ്ങനെ മിഴിച്ചു നിക്കണേ?"
"കണ്ടു തിരുമേനി അടിയന്‍ കണ്ടു" രാമന്റെ മറുപടി

"അപ്പൊ ഭുവനേശ്വരി പ്രത്യക്ഷപ്പെട്ട്വോ?" ഭക്തി ഭാവത്തോടെ നമ്പൂരി ലാപ്‌ ടോപ്പിന്റെ അടുത്തേക്ക്

"ശുംഭ താനെന്താ ഈ നോക്കണേ? അസത്ത്...( ഈയിടെ വിവാദമായ ഭുവനേശ്വരി എന്ന തമിഴ്‌ നടിയേ സ്ക്രീനില്‍ കണ്ട തിരുമേനി) ഇത് ഭുവനേശ്വരിയല്ല ഏതോ വടയക്ഷിയാ..."

ഗാന്ധി ജയന്തി - International Day of Non-Violence

2009-10-01T14:47:00.000-07:00

"ഹേ റാം"

തീവ്രവാദവും അരാജകത്വവും കൊടികുത്തി വാഴുന്ന ഈ കാലഘട്ടത്തില്‍ മഹാത്മാഗാന്ധിയുടെ ജീവിതവും പ്രവര്‍ത്തനങ്ങളും ലോകത്തിനാകെ ഒരു മാതൃകയാണ്.
മോഹന്‍‌ദാസ് കരംചന്ദ് ഗാന്ധി ഇന്ത്യന്‍ സ്വാതന്ത്ര്യസമര പ്രസ്ഥാനത്തിന്റെ നേതാവും വഴികാട്ടിയുമായിരുന്നു. അഹിംസയിലൂന്നിയ സത്യാഗ്രഹം എന്ന സമര സിദ്ധാന്തത്തിലൂടെ ലോകമെമ്പാടും അദ്ദേഹം ശ്രദ്ധേയനായി. മഹത്തായ ആത്മാവ് എന്നര്‍ത്ഥം വരുന്ന മഹാത്മാ, അച്ഛന്‍ എന്നര്‍ത്ഥംവരുന്ന ബാപ്പു എന്നീ നാമവിശേഷണങ്ങള്‍ ജനഹൃദയങ്ങളില്‍ അദ്ദേഹത്തിനുണ്ടായിരുന്ന സാന്നിധ്യം വ്യക്തമാക്കുന്നു.

ഏറ്റവും കഠിനമായ പ്രതിസന്ധിഘട്ടങ്ങളിലും സത്യം, അഹിംസ എന്നീ മൂല്യങ്ങളില്‍ അടിയുറച്ചു പ്രവര്‍ത്തിക്കുവാന്‍ മഹാത്മാഗാന്ധി ശ്രദ്ധിച്ചു. ജീവിതകാലം മുഴുവന്‍ അദ്ദേഹം ഹൈന്ദവ തത്വശാസ്ത്രങ്ങളുടെ പ്രായോക്താവായിരുന്നു. എല്ലാ വിധത്തിലും സ്വയാശ്രയത്വം പുലര്‍ത്തിയ ഒരു ആശ്രമം സ്ഥാപിച്ച് അവിടെ ലളിത ജീവിതം നയിച്ച് അദ്ദേഹം പൊതുപ്രവര്‍ത്തകര്‍ക്കു മാതൃകയായി. സ്വയം നൂല്‍നൂറ്റുണ്ടാക്കിയ വസ്ത്രം ധരിച്ചു; സസ്യാഹാരം മാത്രം ഭക്ഷിച്ചു. ഉപവാസം അഥവാ നിരാഹാരം ആത്മശുദ്ധീകരണത്തിനും പ്രതിഷേധത്തിനുമുള്ള ഉപാധിയാക്കി.

"അനിതരസാധാരണമായ കാര്യങ്ങള്‍ ചെയ്യാന്‍ തയാറാകുമ്പോള്‍ സാധാരണക്കാര്‍ക്ക് ഉണ്ടാവേണ്ട മാറ്റം ഗാന്ധിജി ഉള്‍ക്കൊണ്ടിരുന്നു. ഗാന്ധിജിയോടുള്ള ആരാധന മൂലമാണ് സെനറ്റിലെ തന്‍റെ ഓഫീസില്‍ മഹാത്മാവിന്‍റെ ചിത്രം തൂക്കിയിട്ടിരിക്കുന്നതെന്ന്" അമേരിക്കയുടെ നാല്‍പ്പത്തിനാലാമത്തെ പ്രസിഡന്‍റാ‍യ ബരാക് ഒബാമ

തേക്കടി കണ്ണീര്‍ തടാകമായി

2009-09-30T14:13:00.000-07:00

വിനോദസഞ്ചാരികള്‍ കയറിയ "ജലകന്യക" ബോട്ട് വെള്ളത്തില്‍ മുങ്ങി 34 പേരിലധികം ആളുകള്‍ മരിച്ചതായി മീഡിയ റിപ്പോര്‍ട്ടുകള്‍.

തേക്കടി തടാകത്തില്‍ വിനോദസഞ്ചാരികള്‍ കയറിയ ബോട്ട് മുങ്ങി 34 പേര്‍ മരിച്ചു. 20 പേരെ കാണാതായി. ബുധനാഴ്ച രാത്രി വൈകിയും രക്ഷാപ്രവര്‍ത്തനം തുടരുകയാണ്. മരിച്ചവരില്‍ 13 പേര്‍ കുട്ടികളും 11 പേര്‍ സ്ത്രീകളുമാണ്. നിരവധിപേര്‍ ഗുരുതരാവസ്ഥയിലാണ്.ഡല്‍ഹി, കര്‍ണാടക, തമിഴ്‌നാട് എന്നിവിടങ്ങളില്‍നിന്നുള്ളവരാണ് അപകടത്തില്‍പ്പെട്ടവരിലേറെയും. ഏതാനും മലയാളികളും വിദേശികളും ഉണ്ട്. മരിച്ചവരുടെ വിവരങ്ങള്‍ ലഭ്യമായി വരുന്നതേയുള്ളൂ. മൃതദേഹങ്ങള്‍ കുമളി പെരിയാര്‍ ആസ്പത്രി, സെന്റ് അഗസ്റ്റിന്‍സ് ആസ്പത്രി, ഗവണ്‍മെന്റ് ആസ്പത്രി എന്നിവിടങ്ങളില്‍ സൂക്ഷിച്ചിരിക്കുകയാണ്. പരിക്കേറ്റവരെ സമീപത്തെ ആസ്പത്രികളിലും കോട്ടയം മെഡിക്കല്‍ കോളേജ് ആസ്പത്രിയിലും പ്രവേശിപ്പിച്ചു.

ബുധനാഴ്ച വൈകിട്ട് 5.15നായിരുന്നു നാടിനെ നടുക്കിയ അപകടം. തേക്കടി തടാകത്തില്‍ വിനോദസഞ്ചാരികളുമായി പോയ കെ.ടി.ഡി.സി.യുടെ 'ജലകന്യക' എന്ന ബോട്ടാണ് അപകടത്തില്‍പ്പെട്ടത്. 75 പേര്‍ക്ക് സഞ്ചരിക്കാവുന്ന ഈ ബോട്ടില്‍, ജീവനക്കാരുള്‍പ്പെടെ 76 പേര്‍ ഉണ്ടായിരുന്നതായാണ് വിവരം.

മുല്ലപ്പെരിയാര്‍ അണക്കെട്ടിന് 500 മീറ്റര്‍ മുമ്പായി മണക്കവല എന്ന ആഴമേറിയ ഭാഗത്താണ് അപകടം.
65 പേര്‍ക്കാണ് കെ.ടി.ഡി.സി.യുടെ ടിക്കറ്റ് കൗണ്ടറില്‍നിന്ന് ടിക്കറ്റ് നല്‍കിയത്. എന്നാല്‍, ടിക്കറ്റ് ആവശ്യമില്ലാത്ത കൊച്ചുകുട്ടികള്‍ ഉള്‍പ്പെടെയുള്ളവര്‍ ബോട്ടിലുണ്ടായിരുന്നു. തേക്കടി തടാകത്തിന്റെ അടിയില്‍ ചെളി നിറഞ്ഞുകിടക്കുകയാണ്. 55 അടിയോളം വെള്ളമുള്ള സ്ഥലത്താണ് അപകടമുണ്ടായത്.

രണ്ടുനിലയുള്ള ഫൈബര്‍ ബോട്ടാണ് അപകടത്തില്‍പ്പെട്ടത്. കാറ്റുപിടിച്ചപ്പോള്‍ ബോട്ട് ആടിയുലഞ്ഞതാണ് അപകടത്തിനിടയാക്കിയതെന്ന് സൂചനയുണ്ട്. താഴത്തെ ഡെക്കിലുണ്ടായിരുന്നവരാണ് മരിച്ചവരില്‍ അധികവും. ടിക്കറ്റ് നല്‍കുമ്പോള്‍ പേര് രേഖപ്പെടുത്താത്തതിനാല്‍ മരിച്ചവരെപ്പറ്റിയോ പരിക്കേറ്റവരെപ്പറ്റിയോ പൂര്‍ണ വിവരങ്ങള്‍ ലഭ്യമല്ല.

വൈകിട്ട് നടന്ന അപകടമായതിനാലും ബോട്ട് ലാന്‍ഡിങ്ങില്‍നിന്ന് 45 മിനിട്ട് യാത്രചെയ്താല്‍ മാത്രമേ ഇവിടെ എത്താന്‍ കഴിയൂ എന്നതിനാലും അപകടത്തിന്റെ തീവ്രതയേറി. വനംവകുപ്പിന്റെ ഒരു ബോട്ട് അപകടം നടന്ന് അല്പസമയത്തിനുശേഷം ഇതുവഴി എത്തിയതിനാലാണ് പുറംലോകം വിവരമറിഞ്ഞത്. പിന്നാലെയെത്തിയ രണ്ട് യാത്രാബോട്ടുകളും രക്ഷാപ്രവര്‍ത്തനത്തിനെത്തി.
രക്ഷാപ്രവര്‍ത്തനത്തിന് പോകാന്‍ തേക്കടിയില്‍ വേണ്ടത്ര സംവിധാനം ഇല്ലാതിരുന്നതും ദുരന്തത്തിന്റെ രൂക്ഷത കൂട്ടി. ബോട്ട് ലാന്‍ഡിങ്ങില്‍ ലഭ്യമായ രണ്ട് ബോട്ടുകളില്‍ സ്ഥലത്തുണ്ടായിരുന്ന വനംവകുപ്പ് ജീവനക്കാര്‍ സംഭവസ്ഥലത്തേക്ക് കുതിച്ചെങ്കിലും 45 മിനിട്ട് യാത്രയ്ക്കുശേഷം സ്ഥലത്തെത്തിയപ്പോഴേക്കും മരണസംഖ്യ ഉയര്‍ന്നിരുന്നു.

വെളിച്ചത്തിന്റെ കുറവും മുങ്ങല്‍വിദഗ്ദ്ധരുടെ അഭാവവും രാത്രിയിലെ രക്ഷാപ്രവര്‍ത്തനത്തിന് തടസ്സമായി. രാത്രിയോടെ കൊച്ചിയില്‍നിന്നുള്ള നേവിയുടെ 10 അംഗ മുങ്ങല്‍വിദഗ്ദ്ധസംഘം സ്ഥലത്തെത്തിയിട്ടുണ്ട്. തമിഴ്‌നാട്ടിലെ കമ്പത്ത് സിനിമാ ഷൂട്ടിങ് നടത്തിയിരുന്ന ഒരുസംഘം അവരുടെ വെളിച്ച സംവിധാനങ്ങളുമായി സ്ഥലത്തെത്തിയിട്ടുണ്ട്.

Sources:

Mathrubhumi
Asianet
Indiavision
Manoramaonline
NDTV
Dinamalar

വിജയദശമി - വിദ്യാരംഭം

2009-09-26T09:38:00.000-07:00

സരസ്വതി നമസ്തുഭ്യം വരദേ കാമരൂപിണി വിദ്യാരംഭം കരിഷ്യാമി സിദ്ധിര്‍ഭവതു മേ സദാ

ഇത് നവ രാത്രിക്കാലം. ശക്തിരൂപിണിയായ ദുര്‍ഗ്ഗാദേവിയേയും ഐശ്വര്യ ദേവതയായ മഹാലക്ഷ്മിയേയും വിദ്യാദേവതയായ സരസ്വതീ ദേവിയെയും പൂജിക്കുന്ന ഒമ്പത് ദിവസങ്ങള്‍. കന്നിമാസത്തിലെ കറുത്തവാവ്‌ കഴിഞ്ഞ്‌ വരുന്ന ഒന്‍പത്‌ ദിവസം (പ്രതിപദം, ദ്വിതീയ, ത്രിതീയ, ചതുര്‍ഥി, പഞ്ചമി, ഷഷ്ടി, സപ്തമി, അഷ്ടമി,നവമി,ദശമി) ആണ് നവ രാത്രിയായി ആഘോഷിക്കുന്നത്‌. മഹിഷാസുരനെ ആദിപരാശക്തി വധിച്ച്‌ വിജയം കൈവരിച്ച സ്മരണയാണു നവരാത്രി ആഘോഷമായി നാം കൊണ്ടാടുന്നത്. ദശമി ദിവസം വിജയദിവസമായും നാം ആഘോഷിക്കുന്നു. ദുര്‍ഗ്ഗമന്‍ എന്ന അസുരന്‍ സകല ലോകങ്ങള്‍ക്കും ഉപദ്രവകാരിയായി തീര്‍ന്നപ്പോള്‍ ദേവന്മാരുടെ പ്രാര്‍ത്ഥനയാല്‍ ദേവി ദുര്ഗ്ഗഷ്ടമി ദിവസം പ്രത്യക്ഷയായി. മഹാനവമി ദിവസം ദേവി അസുരനെ വധിച്ചു ലോകത്തിനു സമാധാനം നല്‍കി. ദശമി ദിവസം വിജയദിനമായി കൊണ്ടാടി ദേവന്മാര്‍ ദുര്‍ഗ്ഗ ദേവിയെ ആരാധിച്ചു.

നവരാത്രിക്കാലത്ത്‌ അതിരാവിലെ കുളിച്ചു ദേവിയെ ആരാധിക്കുന്നവര്‍ക്ക് ദുഃഖമോചനം, സന്താനലബ്ധി, തൊഴില്‍ലബ്ധി ഇവ സാധ്യമാകുന്നതാണ്.
അഷ്ടമി ദിവസം പൂജ വച്ച് നവമി ദിവസം ദേവിയെ ഭജിച്ചു ദശമി ദിവസം പൂജയെടുക്കാവുന്നതും ആണ്. പൂജ വക്കുക എന്നാല്‍ പഠിക്കുന്നവര്‍ തങ്ങളുടെ പുസ്തകങ്ങളും, ജോലിക്കാര്‍ പണിയായുധങ്ങളും ദേവിക്ക് മുന്‍പില്‍ വച്ച് പൂജിക്കുന്നതാണ്. അടുത്ത ഒരു വര്‍ഷം തങ്ങള്‍ക്കു ഉണ്ടാകേണ്ട നന്മയ്ക്കായി ദേവിയെ ആരാധിക്കുന്നതാണ് ഇതിന്റെ ഉദ്ദേശം.

കുരുന്നുകള്‍ ആദ്യാക്ഷരം കുറിക്കുന്നതിന്റെ ഒരു വീഡിയോ.

എല്ലാ വായനക്കാര്‍ക്കും ദേവിയുടെ അനുഗ്രഹം ഉണ്ടാകുമാറാകട്ടെ !

മതം യുക്തിവാദം നിരീശ്വരവാദം - ഒരു വിശകലനം

2009-09-15T14:21:00.000-07:00

മലയാളം ബ്ലോഗ്ഗുകളില്‍ നിറഞ്ഞു നില്‍ക്കുന്ന ഒരു വിഷയമാണ് മത പ്രചാരണവും നിരീശ്വരവാദവും യുക്തിവാദവും. ആദ്യമേ പറയട്ടെ ഈയുള്ളവന്‍ ഒരു മത പ്രചാരകനല്ല എന്നാല്‍ നിരീശ്വരവാദിയും അല്ല.

ബ്ലോഗിങ്ങ് എന്നത് കൊണ്ട് നമുക്ക് ഇഷ്ടമുള്ള വിഷയത്തെ കുറിച്ച് എഴുതുക എന്നതാണ്. അത് ശരിയും ആണ്. എന്നാല്‍ വായിക്കുന്ന എല്ലാവരെയും സന്തോഷിപ്പിക്കുക അതും സാധ്യമല്ല. എന്നാല്‍ മറ്റൊരാളെ വിഷമിപ്പിക്കാതിരുന്നു കൂടെ?

എന്താണ് നമ്മുടെ യുക്തിക്ക് ശരി എന്ന് തോന്നുന്നതിനെയാണോ യുക്തി വാദം എന്ന് പറയുന്നത് എന്നറിയില്ല. ഏതായാലും മറ്റൊരാളുടെ വിശ്വാസം അപ്പാടെ തെറ്റ് എന്ന് പറയുന്നതിനെ യുക്തിവാദം എന്ന് വിളിക്കാന്‍ പറ്റില്ല.

ഒരു മതത്തില്‍ പിറന്നു അതില്‍ കാണുന്ന തെറ്റുകളെ ചൂണ്ടിക്കാട്ടിയാല്‍ അയാളെ ഇല്ലായ്മ ചെയ്യാന്‍ ശ്രമിക്കുന്ന മതം ( അല്ലെങ്കില്‍ മതപ്രചാരകര്‍) ഏതായാലും അതൊരു മതമല്ല സംസ്കാരമല്ല. ഭാരതം വിഭാവനം ചെയ്യുന്ന സംസ്കാരത്തില്‍ ആണ് നാമിന്നു ജീവിക്കുന്നത്. ഇവിടെ എല്ലാവര്‍ക്കും സ്വാതന്ത്ര്യമുണ്ട്. നാം ജനിച്ചു വീണ മതത്തെ വിമര്‍ശിക്കാന്‍ പോലും. വര്‍ഷങ്ങളായുള്ള വൈദേശിക ആക്രമണങ്ങളിലും നശിക്കാത്ത സംസ്കാരത്തിന് ഉടമയാണ് ഭാരത്തിലെ ഓരോരുത്തരും. അഹിംസക്ക് പ്രാധാന്യം നല്‍കുന്ന സംസ്കാരമാണ് നമ്മുടേത്.

ഒരു തരത്തില്‍ പറഞ്ഞാല്‍ നാമെല്ലാം യുക്തിവാദികള്‍ ആണ്. നിത്യ ജീവിതത്തില്‍ നമ്മുടെ യുക്തിക്കു തോന്നുന്നതാണ് നാം പ്രവര്‍ത്തിക്കുന്നത്. ഒരു പ്രത്യോക മതത്തില്‍ ജനിച്ചത്‌ കൊണ്ട് ആ മത ഗ്രന്ഥത്തില്‍ പറയുന്നത് മുഴുവന്‍ പ്രാവര്‍ത്തികമാകാന്‍ ചില സാങ്കേതിക തടസ്സങ്ങള്‍ ഉണ്ട്. അത് കൊണ്ടാണ് പറയുന്നത് നാം യുക്തിവാദികള്‍ ആണെന്ന്.

ഇതൊക്കെ പറഞ്ഞാലും യുക്തി വാദത്തിന്റെ പേരില്‍ മതങ്ങളെ തള്ളിപറയുന്നതിലും അര്‍ത്ഥമില്ല. ഓരോ മതത്തിനും സംസ്കാരത്തിനും അതിന്റേതായ ഗുണങ്ങള്‍ ഉണ്ട്. അതെ അവസരത്തില്‍ വര്‍ഷത്തില്‍ 365 ദിവസവും മഞ്ഞു മൂടിക്കിടക്കുന്ന ഒരു പ്രദേശത്ത് ഉണ്ടായ മത ഗ്രന്ഥത്തില്‍ പറയുന്ന എല്ലാ കാര്യങ്ങളും മരുഭൂമിയില്‍ പോയി പ്രാവര്‍ത്തികം ആകിയാല്‍ എങ്ങനെയിരിക്കും ? അതുപോലെ മരുഭൂമിയില്‍ ഉണ്ടായ മത ഗ്രന്ഥത്തില്‍ പറഞ്ഞ എല്ലാ കാര്യങ്ങളും വസ്ത്രധാരണം ഉള്‍പ്പെടെ മഞ്ഞു മൂടിക്കിടക്കുന്ന പ്രദേശത്ത് എങ്ങനെ പ്രാവര്‍ത്തികമാക്കും? ഓരോ പ്രദേശത്തും ഉടലെടുത്ത മതം അതാതു പ്രദേശത്തെ പരിതസ്ഥിതിക്ക് അനുസരിച്ച് ഉണ്ടായതാണ്. അങ്ങിനെയിരിക്കെ അങ്ങനെയൊരു മതത്തില്‍ പിറന്ന ഒരു യുക്തി ചിന്തയുള്ള യുവാവ് അല്ലെങ്കില്‍ വൃദ്ധന്‍ അതിനെ എതിര്‍ത്താല്‍ അതില്‍ ഒരു തെറ്റും ഇല്ല.

എല്ലാ മതഗ്രന്ഥങ്ങളും മനുഷ്യനന്മക്കു ആയി ഉണ്ടായിട്ടുള്ളതാണ്. അതില്‍ ഒരു സംശയവും ഇല്ല. വെറും മത പ്രചാരണം ലക്‌ഷ്യം വെക്കുന്നവര്‍ക്ക്‌ അത് കാണാന്‍ ആകില്ല. തന്റെ മതം ശരി മറ്റുള്ള മതങ്ങള്‍ എല്ലാം തെറ്റ് എന്ന് പറയുന്നതില്‍ ഒരു യുക്തിയും ഇല്ല. ആദ്യം നാം നമ്മുടെ മതത്തെപ്പറ്റി കൂടുതല്‍ അറിയുക അതില്‍ നാം ജീവിക്കുന്ന കാലത്തിനും കാലാവസ്ഥക്കും ഇണങ്ങാത്ത പരാമര്‍ശങ്ങള്‍ ഉണ്ടെങ്കില്‍ സ്വയം തിരുത്താന്‍ തയ്യാറാകണം. അവിടെയേ നന്മ വിളയൂ. ഇല്ലെങ്കില്‍ ഫലം അധോഗതിയാകും.

നാം നമ്മുടെ മതത്തെ കുറിച്ച് അറിഞ്ഞിട്ടു മറ്റുമതങ്ങളെ കുറിച്ച് അറിയാന്‍ ശ്രമിക്കുക. തന്റെ മതം മാത്രം പ്രചരിപ്പിക്കുക എന്ന വികലമായ ഉദ്ദേശം മാത്രം അല്ലെങ്കില്‍ മറ്റു മതങ്ങളില്‍ നന്മ കാണാനാകും തീര്‍ച്ച. മറ്റുമതക്കാരുടെ വസ്ത്രധാരണ രീതി സംസ്കാരം എന്നിവ നല്ലതെന്ന് തോന്നുണ്ടെങ്കില്‍ സ്വീകരിക്കുക. മറ്റു മതങ്ങളില്‍ നന്മ കണ്ടെത്തിയാല്‍ ഭഗവാന്‍ നമ്മളെ ശിക്ഷിക്കില്ല മാത്രവും അല്ല നമുക്ക് നന്മയെ വരൂ. ഭാരത സംസ്കാരത്തില്‍ പറയുന്ന പോലെ ലോകാ: സമസ്താ: സുഖിനോ ഭവന്തു. സകല ലോകങ്ങളിലും ഉള്ളവര്‍ക്ക് നന്മ വരട്ടെ.

ഒരാള്‍ തീരുമാനിക്കുന്നു എനിക്ക് ഒരു മതവും ഈശ്വരനും ഇല്ല. അത് ആ വ്യക്തിയുടെ സ്വാതന്ത്ര്യമാണ്. മത സ്വാതന്ത്ര്യം പോലെ മതമില്ല എന്ന് പറയുന്നതിനും സ്വാതന്ത്ര്യം ഉണ്ട്. ഒരാള്‍ മറ്റൊരാള്‍ക്ക് ഉപദ്രവം ആകുന്നില്ലെന്കില്‍ അയാളുടെ മതം ഏതായാലും മതമില്ലെന്കിലും കുഴപ്പമില്ല. ഈ മതങ്ങള്‍ ഉണ്ടാക്കിയതും നിയമങ്ങള്‍ ഉണ്ടാക്കിയതും മനുഷ്യരാണ്. 5000 വര്‍ഷം പഴക്കമുള്ള നമ്മുടെ സംസ്കാരത്തില്‍ വൈദേശിക ആക്രമണങ്ങള്‍ ഉണ്ടായെങ്കിലും നമ്മുടെ നന്മ നശിച്ചിട്ടില്ല. ശൈവരും വൈഷ്ണവരും നാസ്തികരും ആസ്തികരും നിരീശ്വരവാദികളും യുക്തിവാദികളും വൈദേശിക മതസ്ഥരും ഇവിടെ ജീവിക്കുന്നു.

ഭൂരിപക്ഷ മതത്തെ മാത്രം എതിര്‍ക്കുന്നത് മതേതരത്വമാണ്‌ എന്ന മറ്റൊരു കൂട്ടരും ഓരോ രാജ്യത്തും ഉണ്ട്. യഥാര്‍ത്ഥത്തില്‍ ആ വര്‍ഗ്ഗം ഇതില്‍ ഒന്നും പെടാത്തതാണ്. ഓരോ രാജ്യത്തും അവിടത്തെ മതത്തിനെതിരായും ഭരണത്തിനെതിരായും ചലനങ്ങള്‍ ഉണ്ടാകാറുണ്ട്. എന്നാല്‍ ആ സ്വാതന്ത്ര്യത്തെ മുതലെടുക്കുകയും അരുത്. യഥാര്‍ത്ഥത്തില്‍ ഒരു മതത്തെയും എതിര്‍ക്കുന്നതല്ല മതേതരത്വം. എല്ലാ മതങ്ങളിലും ഉള്ള നന്മയെ കണ്ടെത്തുകയും അതിനെ സ്വാംശീകരിക്കുകയും ചെയ്യുന്നതാണ് യഥാര്‍ത്ഥ മതേതരത്വം.

ഒരേ മതത്തില്‍ തന്നെ അല്ലെങ്കില്‍ മത ഗ്രന്ഥങ്ങളില്‍ പ്രദേശത്തിന് അനുസരിച്ച് ചടങ്ങുകളില്‍ വസ്ത്രധാരണ രീതികളില്‍ സംസ്കാരത്തില്‍ വ്യത്യസ്തത കാണാം. ഉദാഹരണത്തിന് കേരളത്തില്‍ ജനിച്ച നാം ഹിമാലയത്തില്‍ പോയി മുണ്ട് മാത്രം ഉടുത്തെ പ്രാര്‍ത്ഥന നടത്തുക ഉള്ളൂ എന്ന് പറയുന്നതില്‍ എന്താണര്‍ത്ഥം. ഇതൊരു ഉദാഹരണം ഇത് മാതിരി എല്ലാ മതസ്ഥരും ചിന്തിക്കുക.

കേരളത്തിന്റെ കാലാവസ്ഥക്ക് നമ്മുടെ വസ്ത്രധാരണ രീതി അനുയോജ്യമാണ്. ഇവിടെ വന്നാല്‍ ഷര്‍ട്ട്‌ ഇട്ടു ആരാധന സ്ഥലത്ത് പ്രവേശിക്കരുത് എന്ന് പറയുന്നു. അത് ഈ കാലാവസ്ഥക്ക് അനുസരിച്ച നിയമം. അത് അംഗീകരിക്കുക. അതെ മതത്തില്‍പെട്ടവര്‍ തന്നെ ഹിമാലയത്തില്‍ കമ്പിളി വസ്ത്രം ധരിച്ചു പ്രവേശിക്കുന്നു. അവിടെ ചെന്ന് അതെ മതത്തില്‍പ്പെട്ടവര്‍ കമ്പിളി വസ്ത്രം ധരിക്കില്ല എന്ന് പറഞ്ഞാല്‍ തണുത്തു രോഗ ബാധിതന്‍ ആകും.

പാശ്ചാത്യ രാജ്യത്ത് തണുപ്പില്‍ നിന്ന് രക്ഷ നേടുന്നത് കൊണ്ട് ടൈയും കോട്ടും ധരിച്ചു ആരാധന നടത്തുന്നു. ആ കാലാവസ്ഥക്ക് അനുസരിച്ച് അത് ശരിയാണ്. ഇന്ത്യയില്‍ നിന്നുള്ള ഒരാള്‍ അവിടെ ചെന്ന് ഇതൊന്നും പാടില്ല എന്ന് പറയുന്നതില്‍ ഒരു യുക്തിയും ഇല്ല.

ഒരു മതം നല്ലതല്ല എന്ന് പറഞ്ഞു മതം മാറ്റം നടത്തുന്നതില്‍ എന്തര്‍ത്ഥം. ഓരോ മതവും സംസ്കാരവും മനുഷ്യ നന്മയ്ക്കാണ്. ഓരോ പേര് വിളിക്കുന്നു അത്ര തന്നെ. പണമോ മറ്റു പ്രലോഭനങ്ങള്‍ നല്‍കി മതം മാറ്റിയാല്‍ അത് കിട്ടാതാകുമ്പോള്‍ അവന്‍ തിരിച്ചു ചിന്തിക്കും. സ്വാതന്ത്ര്യമില്ലാത്ത പ്രദേശത്ത് അവര്‍ക്ക് തിരിച്ചു മാറാന്‍ പറ്റില്ല. പിന്നെ ജീവിതം കണ്‍ഫ്യൂഷന്‍ ആകും. ജനിച്ച മതം ശരിക്ക് പഠിക്കാതെ ഇരിക്കുമ്പോഴാണ് പ്രലോഭനങ്ങള്‍ക്ക് വശംവദര്‍ ആകേണ്ടിവരുന്നത്.

മതമേധാവികള്‍ തെറ്റ് ചെയ്‌താല്‍ അതിനെ ചോദ്യം ചെയ്യുന്നതില്‍ ഒരു തെറ്റും ഇല്ല. എന്നാല്‍ അത് എല്ലാ മതങ്ങളിലും അനുവാദമില്ല എന്നത് ഒരു നഗ്ന സത്യമാണ്. കല്യാണം കഴിക്കാന്‍ അനുവദനീയമാല്ലാത്ത മത പ്രവര്‍ത്തികളില്‍ ഉള്ളവര്‍ ആണും പെണ്ണും കാമ നിവൃത്തിക്ക് ശ്രമിച്ചു അബദ്ധം പിണഞ്ഞാല്‍ അതിനെ അംഗീകരിക്കുക അല്ല യഥാര്‍ത്ഥ മത വിശ്വാസികള്‍ ചെയ്യേണ്ടത്. ഈ അവസരങ്ങളില്‍ എതിര്‍ക്കുക തന്നെ വേണം. ആ വിശ്വാസികളുടെ കൂടെയേ ഈശ്വരന്‍ ഉണ്ടാകൂ. തീര്‍ച്ച.

ചുരുക്കത്തില്‍ എല്ലാ മതങ്ങളും നന്മയുടെ സന്ദേശങ്ങളാണ് നല്‍കുന്നത്. നമ്മുടെ യുക്തിക്കനുസരിച്ച് പ്രവര്‍ത്തിക്കുക. ദൈവം ഉണ്ടെങ്കിലും ഇല്ലെങ്കിലും.

ലോകാ: സമസ്താ: സുഖിനോ ഭവന്തു:

കുത്തിയവന്‍ ഒരുവന്‍ - உன்னைப்போல் ஒருவன்

2009-09-13T15:17:00.000-07:00

ഉലകനായകനും നമ്മുടെ സുപ്പര്‍സ്റ്റാര്‍ ലാലേട്ടനും അങ്ങ് ചെന്നൈയില്‍ உன்னைப்போல் ஒருவன் - ഉന്നൈപ്പോല്‍ ഒരുവന്‍ പടം പിടിക്കുമ്പോള്‍ നമ്മുടെ കൊച്ചു കേരളത്തില്‍ നമ്മുടെ ഏമാന്മാരും പിടിക്കുന്നു ഒരു പടം "കുത്തിയവന്‍ ഒരുവന്‍". നിരവധി ഭാഷകളില്‍ റീ മേയ്ക് ചെയ്യാന്‍ സാധ്യതയുള്ള പടത്തിന്റെ കഥയും തിരക്കഥയും നമ്മുടെ ഏമാന്മാര്‍. തുടക്കം മുതല്‍ ഒടുക്കം വരെ സസ്പെന്‍സ് ത്രില്ലര്‍. കുത്തിയവന്‍ ആരെന്നുള്ള അന്വേഷണമാണ് സിനിമയുടെ കഥ. സാധാരണ പടങ്ങളിലെ പോലെ തന്നെ എല്ലാ മസാലയും ഒരു പോലെ കൂട്ടികൊഴച്ചു പരുവപ്പെടുത്തി എടുത്ത ഈ പടത്തില്‍ കേരളത്തിലെ പ്രമുഖ രാഷ്ട്രീയക്കാരും ഗുണ്ടകളും ആണ് മുഖ്യ വേഷത്തില്‍ എത്തുന്നത്‌.

കേരളത്തിലും തമിഴ്നാട്ടിലുമായി ചിത്രീകരണം നടന്നു കൊണ്ടിരിക്കുന്നു. സിനിമയുടെ സസ്പെന്‍സ് നിലനിര്‍ത്താനായി ഷൂട്ടിംഗ് കഴിഞ്ഞേ കഥ പറയുകയുള്ളൂ എന്ന പഴഞ്ചന്‍ ശൈലി മാറ്റി സംവിധായകന്‍ പത്ര സമ്മേളനം നടത്തി അതാതു ദിവസത്തെ ഷൂട്ട്‌ ചെയ്യാനുള്ള കഥ പറയും.

പടത്തിന്റെ പൂജ കഴിഞ്ഞു ആദ്യം ഷൂട്ട്‌ ചെയ്തത് ക്ലൈമാക്സ്‌ ആയിരുന്നു. യുവ ബിസിനസ്‌കാരനെ കുത്തികൊലപ്പെടുത്തുന്നു. അടുത്ത ദിവസം ഷൂട്ട്‌ ചെയ്യാനുള്ള സീന്‍ കൊല ചെയ്യാന്‍ ഉപയോഗിച്ച കത്തി തൊണ്ടിയായി പിടിക്കുന്നതാണ്.

"S" ആകൃതിയിലുള്ള കത്തി കൊണ്ടാണ് കുത്തേണ്ടത്. അതുണ്ടാക്കാനുള്ള ഓര്‍ഡര്‍ ചെയ്യാന്‍ തോമാച്ചായന്‍ പോയതേ ഉള്ളൂ. ആ കത്തി പ്രതി എന്ന് പറയുന്ന കാറി ചാണ്ടി എന്ന ആളുടെ വീട്ടില്‍ നിന്നാണ് എടുക്കേണ്ടത്.

ഷൂട്ടിംഗ് പുരോഗമിക്കുമ്പോള്‍ ഈ പടത്തിന്റെ റീവ്യൂ നമ്മുടെ ചാനല്‍ കാണിക്കുന്നുണ്ട്. എന്നാല്‍ ഇതെല്ലാം പടത്തിനെ തകര്‍ക്കാന്‍ ഉദ്ദേശിച്ചാണെന്ന് പടത്തിന്റെ സംവിധായകരും നിര്‍മ്മാതാക്കളും പറയുന്നു. കാറി ചാണ്ടി എന്ന ആളുടെ അമ്മ പോലീസുകാര്‍ കൊണ്ടിട്ട കത്തിയാണെന്ന് പറയുന്ന സീന്‍ പടത്തില്‍ ഇല്ലെങ്കിലും ചാനലുകളില്‍ കാണിച്ചു.

അടുത്ത ദിവസം ഷൂട്ടിംഗ് പിടിച്ച പ്രതികളെ ജയിലില്‍ ആക്കുന്നതാണ്. രണ്ടു ദിവസത്തിനുള്ളില്‍ മുഴുവന്‍ പ്രതികളെയും പിടിച്ചു പത്രസമ്മേളനത്തില്‍ നമ്മുടെ പോലീസ് പറയുന്നു. ഉടന്‍ തന്നെ പ്രതിപക്ഷം പറയുന്നു ഇതെല്ലം നുണയെന്നു. യഥാര്‍ത്ഥ പ്രതികള്‍ പിടിച്ചവര്‍ എന്നാണു തിരക്കഥയില്‍ അത് അംഗീകരിക്കാന്‍ പൊതുജനം തയ്യാറാകില്ല എന്ന ഇന്റലിജന്‍സ് റിപ്പോര്‍ട്ട്‌ന്റെ അടിസ്ഥാനത്തില്‍ തിരക്കഥ മാറ്റിയെഴുതുന്നു. യഥാര്‍ത്ഥ ഗുണ്ടകള്‍ നാടുവിട്ടു പോയി എന്നാക്കുന്നു. യഥാര്‍ത്ഥ കഥയില്‍ ഒരു നടിയും വേറൊരാളും കൂടി കാറിലുണ്ടായിരുന്നു എന്നാണു. എന്നാല്‍ ആ നടിയെ പിടിച്ചാല്‍ എല്ലാവരും കുടുങ്ങും എന്ന സത്യം ഉള്ളതിനാല്‍ ഈ തിരക്കഥയില്‍ അതുണ്ടാകില്ല.

അങ്ങനെ പുതിയ പ്രതികള്‍ തമിഴ്നാട്ടില്‍ ഉണ്ടെന്നു കഥ മാറ്റിയെഴുതി. ആ ഗുണ്ടകളെ തമിഴ്‌നാട് പിടിക്കുന്നതും അവരെ ഏറ്റുവാങ്ങാന്‍ 2 മണി ക്കൂറിനുള്ളില്‍ നമ്മുടെ പോലീസ് അവിടെ എത്തുന്നതും ആയ സീന്‍ അടുത്ത ദിവസം ഷൂട്ട്‌ ചെയ്യും.

ഇതിവിടെ അവസാനിക്കുന്നില്ല പടത്തിന്റെ ഷൂട്ട്‌ പുരോഗമിക്കുന്നതോടൊപ്പം കൂടുതല്‍ വിവരങ്ങളുമായി അടുത്ത ലക്കത്തില്‍...

ശ്രീകൃഷ്ണ ജയന്തി

2009-09-11T06:05:00.000-07:00

എല്ലാ വായനക്കാര്‍ക്കും ശ്രീകൃഷ്ണ ജയന്തി ആശംസകള്‍